Dodelike begin vir Desember
Agt mense, onder wie drie skoliere, het die naweek hul lewe in motorongelukke verloor.
Ronaldo Mukuyu (19), Seth Goreseb (18) en Ricky Small Aukumeb (16) – almal gr.8-leerders van die Junior Sekondêre Skool Etoshapoort op Outjo – is in die vroeë oggendure gister op slag dood toe die voertuig waarin hulle was die grondpad verlaat, omgeslaan en verskeie kere gerol het.
Die ongeluk het omstreeks 01:00 sowat 30 km noordoos van Outjo op die pad na Otavi plaasgevind. ‘n Vierde insittende, ook 16 jaar oud en ‘n klasmaat van die oorledenes, het ligte beserings opgedoen.
Volgens ao. Maureen Mbeha, woordvoerder van die polisie in die Otjozondjupastreek, het die bestuurder vermoedelik beheer oor die voertuig verloor.
Volgens Mbeha het die leerders glo die sleutels van die motor gevat en sonder toestemming van die eienaar daarmee weggery.
Vier mense is Saterdag tussen 06:30 en 07:00 op die Duin 7-grondpad tussen Walvisbaai en Swakopmund dood. Die bestuurder van die sedanvoertuig waarin hulle was, het na bewering ‘n vragmotor teen ‘n hoë spoed verbygesteek. Die bestuurder het beheer oor die motor verloor. Dit het die pad verlaat en omgeslaan. Die ongeluk het sowat 5 km tot 7 km voor Swakopmund plaasgevind.
Monzil McNab (24), Jaco Goliath (25) en Solomon Alfonzo Winfred (27) het op die toneel beswyk, terwyl Izolda Belies (24) in die hospitaal op Swakopmund gesterf het.
Volgens adj.komm. Erasutus Iikuyu van die Erongostreek is Kisting Clinton Wotan (35), die eienaar en bestuurder van die motor, in ‘n kritieke maar stabiele toestand in die staatshospitaal op Swakopmund.
‘n Saak van strafbare manslag word ondersoek.
Op die hoofpad tussen Okamwandi kaNandjokwe en Onethindi in die omgewing van die Onamulunga-nedersetting in die Oshikotostreek is Asser Uushona (26) Saterdag omstreeks 02:00 op slag dood toe hy beheer oor sy voertuig verloor het en dit die pad verlaat en omgeslaan het.
Twee ander insittendes – ook beide 26 jaar oud – het ongedeërd daarvan afgekom. – Otis Finck/Nampa
Ronaldo Mukuyu (19), Seth Goreseb (18) en Ricky Small Aukumeb (16) – almal gr.8-leerders van die Junior Sekondêre Skool Etoshapoort op Outjo – is in die vroeë oggendure gister op slag dood toe die voertuig waarin hulle was die grondpad verlaat, omgeslaan en verskeie kere gerol het.
Die ongeluk het omstreeks 01:00 sowat 30 km noordoos van Outjo op die pad na Otavi plaasgevind. ‘n Vierde insittende, ook 16 jaar oud en ‘n klasmaat van die oorledenes, het ligte beserings opgedoen.
Volgens ao. Maureen Mbeha, woordvoerder van die polisie in die Otjozondjupastreek, het die bestuurder vermoedelik beheer oor die voertuig verloor.
Volgens Mbeha het die leerders glo die sleutels van die motor gevat en sonder toestemming van die eienaar daarmee weggery.
Vier mense is Saterdag tussen 06:30 en 07:00 op die Duin 7-grondpad tussen Walvisbaai en Swakopmund dood. Die bestuurder van die sedanvoertuig waarin hulle was, het na bewering ‘n vragmotor teen ‘n hoë spoed verbygesteek. Die bestuurder het beheer oor die motor verloor. Dit het die pad verlaat en omgeslaan. Die ongeluk het sowat 5 km tot 7 km voor Swakopmund plaasgevind.
Monzil McNab (24), Jaco Goliath (25) en Solomon Alfonzo Winfred (27) het op die toneel beswyk, terwyl Izolda Belies (24) in die hospitaal op Swakopmund gesterf het.
Volgens adj.komm. Erasutus Iikuyu van die Erongostreek is Kisting Clinton Wotan (35), die eienaar en bestuurder van die motor, in ‘n kritieke maar stabiele toestand in die staatshospitaal op Swakopmund.
‘n Saak van strafbare manslag word ondersoek.
Op die hoofpad tussen Okamwandi kaNandjokwe en Onethindi in die omgewing van die Onamulunga-nedersetting in die Oshikotostreek is Asser Uushona (26) Saterdag omstreeks 02:00 op slag dood toe hy beheer oor sy voertuig verloor het en dit die pad verlaat en omgeslaan het.
Twee ander insittendes – ook beide 26 jaar oud – het ongedeërd daarvan afgekom. – Otis Finck/Nampa
Kommentaar
Republikein
Geen kommentaar is op hierdie artikel gelaat nie