Dodetal ná grondstorting styg tot 115

Noodwerkers in die Ethiopiese hoofstad, Addis Abeba, het gister vir die vyfde agtereenvolgende dag deur 'n berg rommel gesoek na oorlewendes, met die dodetal wat vanweë 'n grondstorting tot 115 gestyg het.

Twee liggame is gisteroggend ontdek, het reddingswerkers gesê. Dit nadat 'n woordvoerder van die regering Woensdag aangedui het die dodetal is 113, onder wie 75 vroue. "Aangesien daar nog heelwat vermiste persone is, verwag ons dat die dodetal sal styg,” het 'n noodwerker aan Reuters gesê.

Inwoners van die gebied sê minstens 80 mense word nog vermis. - Nampa/Reuters