Draf of ry fiets vir spesiale kinders
Elke kilometer komende naweek tel in Namibië se kompetisie met ander lande.
Tielman van Lill – Die Brain Child-fonds (BCF) gaan Saterdag en Sondag internasionaal oor 'n tydperk van 48 uur sy BCF Kilos for Kidz-projek loslaat. Mense kan ter ondersteuning op hul fietse of in hul drafskoene pret hê terwyl geld vir kinders met spesiale behoeftes ingesamel word.
Drikus Coetzee, die Namibiese nasionale elite individuele tydtoetskampioen van 2018, 2019 en 2020 en voormalige driekampatleet, is deur die BCF genader om as hul ambassadeur in Namibië op te tree.
Coetzee sal self die naweek op sy fiets die speke vir die goeie doel laat sing.
Hy sê: “Ek het myself aan hierdie edele gedagte gekoppel wat beloof om lewens te verander. Ek wou nog altyd graag iets vir liefdadigheid doen en nou het ek die kans gekry om saam met ander Namibiërs 'n verskil te maak aan 'n kind en gesinne wat spesiale hulp nodig het om 'n lewe so normaal as moontlik te geniet.
“Dit kos net N$100 per inskrywing en mense kan selfs net een kilometer of 100 km draf of per fiets aflê. Ek self beplan om so ver as moontlik te ry, want die lande kompeteer teen mekaar vir die meeste kilometers.
“Ek het namens die hele land ingeskryf en ons moet kyk of ons Saterdag en Sondag nie meer kilometers kan opstapel as enige van die ander 36 lande wat betrokke is nie. Ek weet dit gaan pret wees en ons Namibiërs is inderdaad in staat om dit te kan doen.
“Op die BCF-webtuiste kan mense na 'n video kyk om die situasie van kinders met spesiale behoeftes te verstaan. By dieselfde skakel kan mense inskryf en hul donasies betaal. Mense moet asseblief seker maak hulle skryf net vir draf of fietsry in, want dit is waar ons kilometers gaan tel.
“Draf- en fietsryklubs, gesinne, kollegas, vriende asook besighede en korporatiewe instansies kan mekaar uitdaag om te kyk wie die snaaksste aantrek en saam die kilometers inryg.
“Mense het vanaf Vrydagnag 24:00 tot Sondagnag 24:00 om hul bydrae te lewer. Deelnemers kan Saterdag 'n sessie doen en dan weer Sondag. Daar is geen beperking hoeveel keer die deelnemers gaan draf, stap of fietsry nie.
SPERTYD
“Namibië sal deel van 'n Facebook-groep wees waar elkeen sy storie kan vertel en andere kan uitdaag. Die inskrywing sluit Vrydagaand, dus sal mense moet spring om in te skryf!”
Sodra voornemende deelnemers geregistreer en hul donasie betaal het, sal hulle per e-pos 'n deelnemernommer ontvang wat gebruik moet word wanneer die kilometers agterna geregistreer word. Skermgrepe van die datum, afstand afgelê en tyd moet ook geneem en as bewys opgelaai word.
Belangstellendes kan by https://brainchildfund.org/kilosforkids/index.html na die video kyk en inskryf. Die Facebook-groep is BCF Kilos for Kids.
'n Potensieel slim idee kan wees om registrasie vir Namibië se BCF-kilometers te kombineer met deelname aan die bestaande uithoubyeenkomste komende naweek, soos dié van Lema Events (hiernaas) of die Standard Bank X-Trail by Avisdam.
- [email protected]
Drikus Coetzee, die Namibiese nasionale elite individuele tydtoetskampioen van 2018, 2019 en 2020 en voormalige driekampatleet, is deur die BCF genader om as hul ambassadeur in Namibië op te tree.
Coetzee sal self die naweek op sy fiets die speke vir die goeie doel laat sing.
Hy sê: “Ek het myself aan hierdie edele gedagte gekoppel wat beloof om lewens te verander. Ek wou nog altyd graag iets vir liefdadigheid doen en nou het ek die kans gekry om saam met ander Namibiërs 'n verskil te maak aan 'n kind en gesinne wat spesiale hulp nodig het om 'n lewe so normaal as moontlik te geniet.
“Dit kos net N$100 per inskrywing en mense kan selfs net een kilometer of 100 km draf of per fiets aflê. Ek self beplan om so ver as moontlik te ry, want die lande kompeteer teen mekaar vir die meeste kilometers.
“Ek het namens die hele land ingeskryf en ons moet kyk of ons Saterdag en Sondag nie meer kilometers kan opstapel as enige van die ander 36 lande wat betrokke is nie. Ek weet dit gaan pret wees en ons Namibiërs is inderdaad in staat om dit te kan doen.
“Op die BCF-webtuiste kan mense na 'n video kyk om die situasie van kinders met spesiale behoeftes te verstaan. By dieselfde skakel kan mense inskryf en hul donasies betaal. Mense moet asseblief seker maak hulle skryf net vir draf of fietsry in, want dit is waar ons kilometers gaan tel.
“Draf- en fietsryklubs, gesinne, kollegas, vriende asook besighede en korporatiewe instansies kan mekaar uitdaag om te kyk wie die snaaksste aantrek en saam die kilometers inryg.
“Mense het vanaf Vrydagnag 24:00 tot Sondagnag 24:00 om hul bydrae te lewer. Deelnemers kan Saterdag 'n sessie doen en dan weer Sondag. Daar is geen beperking hoeveel keer die deelnemers gaan draf, stap of fietsry nie.
SPERTYD
“Namibië sal deel van 'n Facebook-groep wees waar elkeen sy storie kan vertel en andere kan uitdaag. Die inskrywing sluit Vrydagaand, dus sal mense moet spring om in te skryf!”
Sodra voornemende deelnemers geregistreer en hul donasie betaal het, sal hulle per e-pos 'n deelnemernommer ontvang wat gebruik moet word wanneer die kilometers agterna geregistreer word. Skermgrepe van die datum, afstand afgelê en tyd moet ook geneem en as bewys opgelaai word.
Belangstellendes kan by https://brainchildfund.org/kilosforkids/index.html na die video kyk en inskryf. Die Facebook-groep is BCF Kilos for Kids.
'n Potensieel slim idee kan wees om registrasie vir Namibië se BCF-kilometers te kombineer met deelname aan die bestaande uithoubyeenkomste komende naweek, soos dié van Lema Events (hiernaas) of die Standard Bank X-Trail by Avisdam.
- [email protected]
Kommentaar
Republikein
Geen kommentaar is op hierdie artikel gelaat nie