Droë Kersfees, maar sake verander nou
Vog is eindelik besig om vanuit Angola oor Namibië af te beweeg, wat die reënseisoen op dreef kan kry.
Ronelle Rademeyer - Terwyl die heersende La Niña-stelsel vir sopnat-toestande in Suid-Afrika en ander buurlande sorg, moes Namibiërs die Kers- en Nuwejaarsnaweek droëbek deurgaan.
Die goeie nuus uit weerkringe is dat dié droewige reënprentjie aan die verander is.
Mnr. Johan van den Berg, ’n konsultant vir die landboubedryf oor weersake, sê van Woensdag af kan die noordelike en oostelike dele van Namibië goeie neerslae verwag.
Die Namibiese weerkantoor het ook gister ’n weerwaak in dié verband uitgereik.
“Dit lyk nou vir die eerste keer of daar tropiese vog vanuit Angola oor Namibië afbeweeg. Tot nou toe het daardie vog Namibië grootliks gemis en oor Botswana afbeweeg,” het hy gister uit Bloemfontein gesê.
“Die week hou nie veel belofte vir Windhoek in nie, maar die kans op reën in die sentrale gebied verbeter van die naweek af, sê hy.
“In die laaste tien dae van Januarie lyk dit baie positief vir die grootste deel van Namibië, wat selfs die suidelike gedeeltes kan begin insluit.
“In hierdie stadium lyk dit nog nie of die verre westelike dele gaan reën kry nie,” sê Van den Berg.
“Die langer termyn is ook nog positief en die grootste gedeelte van Namibië kan in Februarie en Maart steeds gemiddelde tot bogemiddelde reën verwag,” sê hy en voeg by die La Niña-stelsel is waarskynlik nou naby sy piek.
Die Facebook-blad oor omgewingskwessies in Suid-Afrika, LandWater, sê in ’n plasing gister “grootmaatwater is uitgebreid op pad en dit sal nié maklik gesystap kan word nie”.
Die impak sal vanaf die tweede deel van hierdie week “deurspoel” en tot volgende week en daarna voortduur en uitbrei, lui die plasing.
Die blad maak spesifiek ook melding van "positiewe skuiwe" in die weerstelsel vir Namibië en maan dit kan ook “te veel water” insluit. LandWater wys daarop "weswaartse traagheid" sal in Namibië voortduur, maar voeg by die grense kan wel “gunstig getoets word”.
LandWater, net soos Van den Berg, maan die moontlikheid van vloede in die Benede-Oranjerivier is nie uitgesluit nie.
“Gefokusde paraatheid is én bly nodig... veral vir die Benede-Oranjerivier. Kalmte en ingeligtheid maak hier baie saak, want dan kan mens ook reg voorberei,” lui LandWater se plasing.
Volgens me. Venetia Phakula, weervoorspeller by die Suid-Afrikaanse Weerdiens, kan groot vloede in die Vaalrivier- en Oranjerivierstelsel voorkom as die Suid-Afrikaanse binneland in die komende maande baie reën kry.
Die vlakke van die Oranjerivier het aansienlik gestyg nadat die Gariep- en Vanderkloofdam verlede week begin oorloop het.
Van den Berg sê in buitengewone reënjare soos wat Suid-Afrika nou beleef, is daar “vlae amper soos met Covid” waartydens baie reën uitsak.
“As die rêrige reën oor Namibië afbeweeg en baie reën oor die sentrale dele van Suid-Afrika val, is daar ’n groot vloedrisiko in die Benede-Oranjerivier. Die damme gaan nie teen daardie tyd leeg wees nie.”
Hy sê die grond is reeds baie versadig en daar is nie bufferkapasiteit nie. “Elke bietjie reën loop af en vul die damme verder.”
Groot vloede het in vorige La Niña-seisoene soos 1974 en 2011 in die Benede-Oranjerivier voorgekom.
Oewerboerderye en nedersettings in die verre suide van Namibië kan geraak word. [email protected]
Die goeie nuus uit weerkringe is dat dié droewige reënprentjie aan die verander is.
Mnr. Johan van den Berg, ’n konsultant vir die landboubedryf oor weersake, sê van Woensdag af kan die noordelike en oostelike dele van Namibië goeie neerslae verwag.
Die Namibiese weerkantoor het ook gister ’n weerwaak in dié verband uitgereik.
“Dit lyk nou vir die eerste keer of daar tropiese vog vanuit Angola oor Namibië afbeweeg. Tot nou toe het daardie vog Namibië grootliks gemis en oor Botswana afbeweeg,” het hy gister uit Bloemfontein gesê.
“Die week hou nie veel belofte vir Windhoek in nie, maar die kans op reën in die sentrale gebied verbeter van die naweek af, sê hy.
“In die laaste tien dae van Januarie lyk dit baie positief vir die grootste deel van Namibië, wat selfs die suidelike gedeeltes kan begin insluit.
“In hierdie stadium lyk dit nog nie of die verre westelike dele gaan reën kry nie,” sê Van den Berg.
“Die langer termyn is ook nog positief en die grootste gedeelte van Namibië kan in Februarie en Maart steeds gemiddelde tot bogemiddelde reën verwag,” sê hy en voeg by die La Niña-stelsel is waarskynlik nou naby sy piek.
Die Facebook-blad oor omgewingskwessies in Suid-Afrika, LandWater, sê in ’n plasing gister “grootmaatwater is uitgebreid op pad en dit sal nié maklik gesystap kan word nie”.
Die impak sal vanaf die tweede deel van hierdie week “deurspoel” en tot volgende week en daarna voortduur en uitbrei, lui die plasing.
Die blad maak spesifiek ook melding van "positiewe skuiwe" in die weerstelsel vir Namibië en maan dit kan ook “te veel water” insluit. LandWater wys daarop "weswaartse traagheid" sal in Namibië voortduur, maar voeg by die grense kan wel “gunstig getoets word”.
LandWater, net soos Van den Berg, maan die moontlikheid van vloede in die Benede-Oranjerivier is nie uitgesluit nie.
“Gefokusde paraatheid is én bly nodig... veral vir die Benede-Oranjerivier. Kalmte en ingeligtheid maak hier baie saak, want dan kan mens ook reg voorberei,” lui LandWater se plasing.
Volgens me. Venetia Phakula, weervoorspeller by die Suid-Afrikaanse Weerdiens, kan groot vloede in die Vaalrivier- en Oranjerivierstelsel voorkom as die Suid-Afrikaanse binneland in die komende maande baie reën kry.
Die vlakke van die Oranjerivier het aansienlik gestyg nadat die Gariep- en Vanderkloofdam verlede week begin oorloop het.
Van den Berg sê in buitengewone reënjare soos wat Suid-Afrika nou beleef, is daar “vlae amper soos met Covid” waartydens baie reën uitsak.
“As die rêrige reën oor Namibië afbeweeg en baie reën oor die sentrale dele van Suid-Afrika val, is daar ’n groot vloedrisiko in die Benede-Oranjerivier. Die damme gaan nie teen daardie tyd leeg wees nie.”
Hy sê die grond is reeds baie versadig en daar is nie bufferkapasiteit nie. “Elke bietjie reën loop af en vul die damme verder.”
Groot vloede het in vorige La Niña-seisoene soos 1974 en 2011 in die Benede-Oranjerivier voorgekom.
Oewerboerderye en nedersettings in die verre suide van Namibië kan geraak word. [email protected]
Kommentaar
Republikein
Geen kommentaar is op hierdie artikel gelaat nie