Droogte knou mielieboere

Tammy Kleinhans – Droëlandprodusente in die mielie-driehoek het nie meer veel hoop vir vanjaar se oes nie en verwag ten beste ’n opbrengs van 35 persent. Volgens die voorsitter van die Grootfontein Boerevereniging (BV), mnr. Willem Enslin, gaan die ministerie van landbou, water en bosbou binnekort ’n span stuur om die omvang die droogte te bepaal. Hy het gesê aangesien mielieprodusente nie meer dekking teen droogte by kommersiële versekeringsmaatskappye kan uitneem nie, moet daar op ander maniere na hulle gekyk word. “Die algemene sentiment is egter dat die situasie reeds kritiek is met slegs ongeveer 35 persent opbrengs wat in die droëlandgebiede verwag word, mits dit dadelik begin reën.” Volgens Enslin is die ekonomiese impak van die swakker mielie-oeste wat ook in Suid-Afrika verwag word, uiteenlopend en sluit dit die moontlikheid van duurder voer in asook ’n daling in die speenkalfpryse, aangesien die voerkoste vanaf voerkrale verhoog. “Dit is vir mielieboere, Grootfontein en die land ? ramp,” het hy gesê. Volgens die boere sal die huidige toedrag van sake ? groot impak hê op die plaaslike dorpe se ondernemings en diensverskaffers, en werksverliese sal onvermydelik wees.Ná ? onlangs vergadering is ? brief na die ministerie van landbou, water en bosbou gestuur om om hulp te vra. “Net ’n klein getal produsente was gelukkig genoeg om reën te kry, maar selfs hulle het reeds skade aan hul oeste gehad. Met die huidige toestande is hul oeste ook nie verseker nie,” lui die brief. Baie oeste is reeds ’n misoes en dit, gekombineer met die boere se insetkoste van N$70 miljoen, sal verlore gaan aangesien produsente sedert 2014 nie het oesversekering nie. “Baie produsente het reeds in die 2013-seisoen groot verliese gely en moes geld leen om te plant en bedryfkostes te dek.” Volgens Enslin sal die boere weens ’n verlies aan inkomste teen Augustus nie hul rekeninge en werkers kan betaal nie. Hulle sal ook nie tot volgende jaar Augustus ’n inkomste hê nie.“Sommige sal alles wat hulle het en moontlik ook hul grond moet verkoop net sodat hulle kan oorleef,” lui die brief aan die ministerie.Sonder oesversekering sal boere nie nóg ’n produksielening kan aangaan nie en hul kredietgeriewe by banke is reeds oortrokke. Volgens die brief moes produsente groot plant om vir bedryfkoste voorsiening te maak, asook om te vergoed vir die verliese wat hulle in 2013 gely het. “Sommige produsente het die afgelope drie jaar nie genoeg reën ontvang nie en dit het al hul reserwes uitgeput en hulle bankrot gemaak.” Produsente het gemiddeld tussen 200 en 400 hektaar aangeplant teen ? gemiddelde koste van tussen N$1,4 miljoen en N$1,7 miljoen. Luidens die brief word produsente gedwing om groot te plant weens die hoë insetkoste. “In die verlede het produsente tydens droogtes oorleef, want hulle het nie so groot geplant nie en hul insetkoste was net ’n derde van wat dit vandag is.” Volgens die boere het die Suid-Afrikaanse prys vir mielies reeds tot N$2 850 per ton gestyg. “Omdat dit na Namibië vervoer word, sal die prys na ongeveer N$4 000 ? ton styg, en dit is sonder die koste daaraan verbonde om dit te maal en te versprei. Dit sal dus meer as N$1 000 per ton duurder wees as plaaslik vervaardigde mielies.” Die boere meen dit is geld wat Namibië gaan verlaat in plaas daarvan dat die geld na Namibiërs en die plaaslike ekonomie gaan. OplossingsDie brief bevat talle opsies vir oplossings wat oorweeg kan word. Dit sluit onder meer ’n eenmalige subsidie van die regering vir die insetkoste in en die verlenging van lenings by Agribank wat oor drie tot vier jaar afbetaal word. ’n Ander alternatief kan wees om ’n lening of subsidie te bied om ten minste 40% van produsente se insetkoste te dek sodat hulle hul bedryfskoste kan betaal.”Nóg ’n voorstel is ’n waarborg van die regering aan banke of ’n fonds waarin produsente ’n persentasie van hul winste in goeie oestye kan betaal en dit van hul wins aftrek om in swaar jare te gebruik. Volgens die brief is boere aangeraai om hul boerdery te diversifiseer, spesifiek op klein plase, sodat die risiko ten tye van droogte verminder word. Dit sluit in die plant van ander gewasse, die groei van korter mielies, die plant van droogteweerstandige mielies en om plantdigtheid te verminder.

Droogte knou mielieboere

Kommentaar

Republikein 2025-01-30

Meld asseblief aan om kommentaar te lewer

Droogte knou mielieboere

Kommentaar

Republikein 2025-01-30

Meld asseblief aan om kommentaar te lewer

MELD AAN

Advertensie