Duitsland stem

Berlyn - Stembusse sluit vanmiddag om 18:00 in Duitsland in die algemene verkiesing wat sal bepaal wie by me. Angela Merkel as kanselier sal oorneem.
Merkel was vir 16 jaar aan die stuur van Duitse politiek.
Waarnemers reken die uitslag is die moeilikste om te voorspel in die onlangse verlede weens ‘n kop-aan-kop wedloop tussen die konserwatiewe alliansie tussen die Christen-demokrate en die Christen-sosialiste (die Eenheidsparty of CDU/CSU-koalisie) en die meer linkse Sosiale Demokrate.
Stembusse het om 06:00 vanoggend geopen. Daar is meer as 60 miljoen kiesers in Duitsland.
Vrese bestaan dat jarelange stabiliteit plek vir onsekerheid sal maak.
Die hoofkandidate vir die kanselierskap is finansminister Olaf Scholz van die Sosiaal-demokratiese Party (SPD) en Armin Laschet van die CDU/CSU.
‘n Koalisie sal waarskynlik opnuut nodig wees en onderhandelinge daaroor kan selfs maande duur.
In die foto gooi kiesers hul stembriewe in die bus terwyl Schols, tans vise-kanselier, in die agtergrond sy stem uitbring in Potsman.
Storie en foto – Nampa/AFP