Dundee voeg daad by woord
Adjunkpresident en hoofbestuurder stel voorbeeld
Dundee Precious Metals op Tsumeb het nie net die “Kick Out Cancer Fitness and Fun Festival” geborg nie, maar ook daaraan deelgeneem.
Dié fiksheidsfees het tydens die dorp se jaarlikse Koperfees op 1 November plaasgevind.
Die Koper-halfmarathon was ten bate van kinders met kanker in Namibië (Chica) en het bestaan uit die hoofitem van 21 km, asook ’n 10 km-item en ’n 5 km-wedren waar deelnemers kon stap of draf. Die marathon het ook die Lionsklub se jaarlikse Boss Run-pretloop betrek.
Die adjunkpresident en die hoofbestuurder van Dundee Precious Metals, mnr. Hans Nolte, het die voorbeeld gestel deur vir die 10 km-wedloop in te skryf en sesde geëindig. Hy is ook die eerste veteraan wat oor die eindstreep is. Die deelnemers het Dundee se waterpunte as die beste aangewys.
Volgens Dundee was die doel van die geleentheid om die gemeenskap byeen te bring en om ’n gesonde leefstyl onder plaaslike sportentoesiaste van alle ouderdomme en fiksheidsvlakke te bevorder.
Nog ’n doel was om sakeondernemings aan te moedig om aan sport deel te neem en dit het dus ook as ’n spanbou-aktiwiteit gedien.
Die organiseerder, mnr. Nigel Reynolds van Multisport Africa Namibia, het gesê meer sulke geleenthede word vir die toekoms beplan.
Dié fiksheidsfees het tydens die dorp se jaarlikse Koperfees op 1 November plaasgevind.
Die Koper-halfmarathon was ten bate van kinders met kanker in Namibië (Chica) en het bestaan uit die hoofitem van 21 km, asook ’n 10 km-item en ’n 5 km-wedren waar deelnemers kon stap of draf. Die marathon het ook die Lionsklub se jaarlikse Boss Run-pretloop betrek.
Die adjunkpresident en die hoofbestuurder van Dundee Precious Metals, mnr. Hans Nolte, het die voorbeeld gestel deur vir die 10 km-wedloop in te skryf en sesde geëindig. Hy is ook die eerste veteraan wat oor die eindstreep is. Die deelnemers het Dundee se waterpunte as die beste aangewys.
Volgens Dundee was die doel van die geleentheid om die gemeenskap byeen te bring en om ’n gesonde leefstyl onder plaaslike sportentoesiaste van alle ouderdomme en fiksheidsvlakke te bevorder.
Nog ’n doel was om sakeondernemings aan te moedig om aan sport deel te neem en dit het dus ook as ’n spanbou-aktiwiteit gedien.
Die organiseerder, mnr. Nigel Reynolds van Multisport Africa Namibia, het gesê meer sulke geleenthede word vir die toekoms beplan.
Kommentaar
Republikein
Geen kommentaar is op hierdie artikel gelaat nie