Duo blink steeds Doer Onder
Rolbal
Tielman van Lill - Marietjie van den Bergh en Will Esterhuizen speel steeds die St. John Rolbalklub in Sydney, Australië aan die brand, waar die Kampioen van Kampioene-wêreldtoernooi in die enkelspel aangebied word.
Van den Bergh se week het wankelrig begin toe sy haar eerste wedstryd teen Maleisië in die valbylstel verloor het. Sy het egter soos ’n ware kampioen teruggeveg om haar volgende twee botsings teen Macao China en Israel te wen.
Op dag twee het sy skoonskip in al drie kragmetings teen die eiland Man, Ierland en Fidji gemaak. Woensdag moes sy teen die Norfolk-eilande die knie buig (8-9, 7-9), maar sy oorrompel Thailand se Patsorn Bryant met 10-5 en 12-5.
Gister het Judith Wason van Wallis die eerste stel met 5-9 gewen, maar Van den Bergh ruk weer reg, stof die Wallieser met 12-6 af en beklink die valbylstel met 4-3. Volgende tref die Namibiër vir Anne Nunes (VSA) soos ’n tornado en dwing die Yank met 7-5, 7-8 en 5-0 (valbyl) tot oorgawe om haar tweede posisie in groep 2 te verseker.
Vandag speel Van den Bergh, wat op Tsumeb woon, teen Switserland en Siprus waar sy sal mik om op haar wenrekord van agt uit tien voort te bou.
MANS
Nadat Esterhuizen sy eerste drie botsings teen Kanada, Argentinië en die eiland Man gewen het, moes hy ’n paar keer alles uithaal om sy mededingers te uitoorlê. Hoewel hy in groep 1 vir drie dae die tweede posisie beklee het, het hy tot die derde plek teruggesak.
In rondes 4, 5 en 6 wen hy net teen Ierland, waarna Hongkong en Guernsey hom tot oorgawe dwing.
Woensdag ruk hy weer reg nadat hy teen Shannon Mcllroy van Nieu-Seeland met 4-9 en 6-12 verloor het, om Surend Prasad van Fidji met 11-4 en 11-4 af te stof. Sy volgende slagoffer is Hisahar Satoh van Japan, met 8-5, 6-8 en 3-1 in die valbyl.
Gister het Esterhuizen eers ’n loslootjie gehad voor hy ronde 11 teen Ozkan Akar van Turkye met 9-5 en 8-8 beklink.
Esterhuizen het die afgelope vier dae sewe uit tien wedstryde gewen. Vandag kom hy teen die kampioene van Israel en Thailand te staan.
Die ranglys tot ná gister se wedstryde:
Mans: Groep 1: 1 Nieu-Seeland, 2 Hongkong China, 3 Namibië. Groep 2: 1 Australië, 2 Skotland, 3 Wallis.
Vroue: Groep 1: 1 Nieu-Seeland. 2 Australië, 3 Skotland. Groep 2:1 Maleisië, 2 Namibië, 3 VSA.
Van den Bergh se week het wankelrig begin toe sy haar eerste wedstryd teen Maleisië in die valbylstel verloor het. Sy het egter soos ’n ware kampioen teruggeveg om haar volgende twee botsings teen Macao China en Israel te wen.
Op dag twee het sy skoonskip in al drie kragmetings teen die eiland Man, Ierland en Fidji gemaak. Woensdag moes sy teen die Norfolk-eilande die knie buig (8-9, 7-9), maar sy oorrompel Thailand se Patsorn Bryant met 10-5 en 12-5.
Gister het Judith Wason van Wallis die eerste stel met 5-9 gewen, maar Van den Bergh ruk weer reg, stof die Wallieser met 12-6 af en beklink die valbylstel met 4-3. Volgende tref die Namibiër vir Anne Nunes (VSA) soos ’n tornado en dwing die Yank met 7-5, 7-8 en 5-0 (valbyl) tot oorgawe om haar tweede posisie in groep 2 te verseker.
Vandag speel Van den Bergh, wat op Tsumeb woon, teen Switserland en Siprus waar sy sal mik om op haar wenrekord van agt uit tien voort te bou.
MANS
Nadat Esterhuizen sy eerste drie botsings teen Kanada, Argentinië en die eiland Man gewen het, moes hy ’n paar keer alles uithaal om sy mededingers te uitoorlê. Hoewel hy in groep 1 vir drie dae die tweede posisie beklee het, het hy tot die derde plek teruggesak.
In rondes 4, 5 en 6 wen hy net teen Ierland, waarna Hongkong en Guernsey hom tot oorgawe dwing.
Woensdag ruk hy weer reg nadat hy teen Shannon Mcllroy van Nieu-Seeland met 4-9 en 6-12 verloor het, om Surend Prasad van Fidji met 11-4 en 11-4 af te stof. Sy volgende slagoffer is Hisahar Satoh van Japan, met 8-5, 6-8 en 3-1 in die valbyl.
Gister het Esterhuizen eers ’n loslootjie gehad voor hy ronde 11 teen Ozkan Akar van Turkye met 9-5 en 8-8 beklink.
Esterhuizen het die afgelope vier dae sewe uit tien wedstryde gewen. Vandag kom hy teen die kampioene van Israel en Thailand te staan.
Die ranglys tot ná gister se wedstryde:
Mans: Groep 1: 1 Nieu-Seeland, 2 Hongkong China, 3 Namibië. Groep 2: 1 Australië, 2 Skotland, 3 Wallis.
Vroue: Groep 1: 1 Nieu-Seeland. 2 Australië, 3 Skotland. Groep 2:1 Maleisië, 2 Namibië, 3 VSA.
Kommentaar
Republikein
Geen kommentaar is op hierdie artikel gelaat nie