‘Dwelmslaaf’ vermoor glo vriend
Misdaad
Leandrea Louw – Swakopmund se gemeenskap is geskok oor die moord op mnr. Thomas Frederick (Frikkie) van Schalkwyk (69) wat na bewering deur sy 36-jarige vriend in sy huis op Swakopmund verwurg is.
Adj.komm. Erastus Iikuyu, die koördineerder vir misdaadondersoeke in die Erongostreek, het bevestig dat Van Schalkwyk, ’n sakeman, Donderdag omstreeks 21:00 by sy huis in Camelthornstraat 5226 in die Ocean View-woonbuurt verwurg is.
“Die oorledene en sy vriend wat die verdagte in die saak is, was by Van Schalkwyk se huis toe ’n argument tussen hulle ontstaan het. Die verdagte het na bewering vir Van Schalkwyk verwurg om hom sy bewussyn te laat verloor, maar hy het gesterf,” het Iikuyu gesê.
“Die verdagte het daarna die huis gesluit en met die oorledene se groen Jeep na ’n dwelmhandelaar se huis in Narraville op Walvisbaai gery waar hy glo die voertuig aan die dwelmhandelaar vir dwelms verruil het.”
Volgens Iikuyu het die verdagte hom Vrydag omstreeks 15:00 aan die polisie oorgegee en is in hegtenis geneem.
Van Schalkwyk het alleen gewoon en die verdagte het glo onlangs vanaf Otjiwarongo gekom om op Swakopmund werk te soek, waar hy by Van Schalkwyk gebly het.
“Die oorledene se liggaam is in die sitkamer gevind en sy liggaam is na die Swakopmund-staatshospitaal geneem. Die Jeep is na die Narraville-polisiekantoor geneem waar dit in veilige bewaring gehou word,” het Iikuyu gesê.
Die oorledene se naasbestaandes is van sy dood ingelig.
’n Vriend van die verdagte is geskok en woedend, “want ná Frikkie se moord het hy (die verdagte) my probeer verlei”.
Die vriend sê die verdagte is ’n volslae dwelmslaaf. “Dit kon net sowel gebeur het dat ek die slagoffer was”.
’n Buurman van Van Schalkwyk het aan Erwin Leuschner van Allgemeine Zeitung gesê hy was ’n baie stil en aangename buurman.
Die verdagte was al agter tralies vir ’n dwelmoortreding en het op Otjiwarongo sy lewe probeer regruk deur fietstoere ter bewusmaking van die gevare van dwelmverslawing by skole landswyd te doen.
Hy sal vandag op klagte van moord en voertuigdiefstal in die Swakopmund-landdroshof verskyn.
– [email protected]
Adj.komm. Erastus Iikuyu, die koördineerder vir misdaadondersoeke in die Erongostreek, het bevestig dat Van Schalkwyk, ’n sakeman, Donderdag omstreeks 21:00 by sy huis in Camelthornstraat 5226 in die Ocean View-woonbuurt verwurg is.
“Die oorledene en sy vriend wat die verdagte in die saak is, was by Van Schalkwyk se huis toe ’n argument tussen hulle ontstaan het. Die verdagte het na bewering vir Van Schalkwyk verwurg om hom sy bewussyn te laat verloor, maar hy het gesterf,” het Iikuyu gesê.
“Die verdagte het daarna die huis gesluit en met die oorledene se groen Jeep na ’n dwelmhandelaar se huis in Narraville op Walvisbaai gery waar hy glo die voertuig aan die dwelmhandelaar vir dwelms verruil het.”
Volgens Iikuyu het die verdagte hom Vrydag omstreeks 15:00 aan die polisie oorgegee en is in hegtenis geneem.
Van Schalkwyk het alleen gewoon en die verdagte het glo onlangs vanaf Otjiwarongo gekom om op Swakopmund werk te soek, waar hy by Van Schalkwyk gebly het.
“Die oorledene se liggaam is in die sitkamer gevind en sy liggaam is na die Swakopmund-staatshospitaal geneem. Die Jeep is na die Narraville-polisiekantoor geneem waar dit in veilige bewaring gehou word,” het Iikuyu gesê.
Die oorledene se naasbestaandes is van sy dood ingelig.
’n Vriend van die verdagte is geskok en woedend, “want ná Frikkie se moord het hy (die verdagte) my probeer verlei”.
Die vriend sê die verdagte is ’n volslae dwelmslaaf. “Dit kon net sowel gebeur het dat ek die slagoffer was”.
’n Buurman van Van Schalkwyk het aan Erwin Leuschner van Allgemeine Zeitung gesê hy was ’n baie stil en aangename buurman.
Die verdagte was al agter tralies vir ’n dwelmoortreding en het op Otjiwarongo sy lewe probeer regruk deur fietstoere ter bewusmaking van die gevare van dwelmverslawing by skole landswyd te doen.
Hy sal vandag op klagte van moord en voertuigdiefstal in die Swakopmund-landdroshof verskyn.
– [email protected]
Kommentaar
Republikein
Geen kommentaar is op hierdie artikel gelaat nie