Eagles se prestasies gevier
Craig Williams het soos verlede jaar die hoogste toekenning as speler van die jaar ontvang.
Andrew Poolman - Die geskiedkundige hoogtepunte vir die Namibiese senior krieketspan tydens die 2017-2018 seisoen is gedenk toe Krieket Namibië sy prysuitdelingseremonie gehou het.
Die uittrede van die 35-jarige nasionale kaptein, Sarel Burger, en die topkolwer Craig Williams (34) het die kroon gespan op 'n seisoen waarin die Eagles boaan hul groep geëindig en vir die eerste keer tot die eindstryd van die Suid-Afrikaanse provinsiale driedagkompetisie deurgedring het.
Dit is 'n besondere prestasie, wanneer 'n mens oorweeg dat klubkrieket in die land hoogstens oor 50 boulbeurte per span gespeel word, asook die verskille in die getalle spelers.
Die Namibiërs het oorwinnings teen Noord-Kaap (sewe paaltjies), Oostelikes (vier paaltjies), Boland (met 'n beurt), Gauteng (164 lopies), Oostelike Provinsie (108 lopies) asook onbesliste uitslae teen SWD en die Vrystaat behaal.
Die Eagles het ook ses uit tien wedstryde in die eendagkompetisie gewen, waarin hulle die vorige seisoen die finaal gehaal het.
Die lopiemasjien Williams het net in die provinsiale kompetisies meer as 'n duisend lopies aangeteken (687 in vierdagwedstryde en 317 in die eendagreeks) – om nie van sy ewe betekenisvolle bydraes op internasionale vlak óf sy boulwerk te praat nie.
Dit was dus geen verrassing nie toe Craig Williams net soos die vorige jaar as speler van die seisoen vereer is. Die trofee as spelers se speler van die jaar is eenparig bygevoeg vir dié jarelange staatmaker wat sy land in 2007 begin verteenwoordig het.
Kaptein Sarel Burger het namens die nasionale span die Gees van Krieket toekenning van mnr. Richard Frankle, uittredende president van die nasionale beheerliggaam, ontvang. Burger, wat as 20-jarige in die Wêreldbekertoernooi van 2003 gespeel het en later jare 'n belangrike rol as spanleier gespeel het, was ook die ontvanger van die Raymond van Schoor Stigting se gedenkprys.
Die Eagles se afrigter Dee Thakur se werk agter die skerms is met die trofee as afrigter van die jaar beloon.
Vir Jan Frylinck se veelsydige bydraes vir Namibië is hy bekroon as die nasionale speler wat die beste vordering getoon het.
Daar was 'n staande ovasie toe Gerson Nambahu sy toekenning as veldopsigter van die jaar ontvang het. Dit was ooglopend dat die krieketgemeenskap groot waardering vir dié veteraan se werk aan die kolfblad van Trustco United het.
Andrew Louw is as die skeidsregter van die jaar aangewys en Hein Heydenreich as die beste nuweling onder die skeidsregters.
Nolene Winborn van die kusklub Welwitschias is as die voorste administrateur vereer, terwyl Francia Zealand die prys as die beste tellinghouer ontvang het.
Ander trofeewenners in die 2017-2018 seisoen was soos volg:
JUNIORS
Onder 13-speler van die jaar: William Lottering het onder meer 'n honderdtal teen Noordwes-platteland by die provinsiale toernooi behaal.
Onder 15-speler van die jaar: Dian Neethling, Namibiese kaptein in 2017.
Onder 17-speler van die jaar: Jan-Izak de Villiers het paaltjies geneem in elke wedstryd by die o.19 Wêreldbeker, insluitend 4/52 teen Pakistan.
Onder 19-speler van die jaar: Petrus Burger het in sy tweede o.19 Wêreldbeker gespeel en het ook in sy senior eersterangse debuutseisoen paaltjies as draaibouler geneem.
VROUE
Beste vordering: Didi Foerster.
Junior speler van die jaar: Merceli Dantago.
Onder 19-speler van die jaar: Yasmeen Khan.
Senior speler van die jaar: Irené van Zyl.
SKOLE-ONTWIKKELING
Kwata-program administrateur van die jaar: George Lututu.
Kwata-program skool van die jaar: Auas Primary School.
Kwata-program ontwikkelingsbeampte van die jaar: Justus Hangula (Blue Waters)
Kwata-program streek van die jaar: Erongo.
KLUBLIGA, INDIVIDUE
T20 tweede liga, beste kolwer:
TW Koorts (Outjo Northern Leopards).
T20 tweede liga, beste bouler: Neels Labuschagné (Otjiwarongo).
30-boulbeurt tweede liga, beste kolwer: Robert Herridge (Outjo Northern Leopards).
30-boulbeurt tweede liga, beste bouler: Zayne Koorts (Outjo Northern Leopards).
T20 eerste liga, beste kolwer: Wessel Myburgh (Wanderers).
T20 eerste liga, beste bouler: Mauritius Ngupita (Blue Waters/Welwitschias).
40-boulbeurt eerste liga, beste kolwer: Wimpie Viljoen (WHS Old Boys Vintage).
40-boulbeurt eerste liga, beste bouler: Michael Durant (Wanderers).
T20 premierliga, beste kolwer: JP Kotze (WHS Old Boys).
T20 premierliga, beste bouler: Hendrik Geldenhuys (Wanderers).
50-boulbeurt premierliga, beste kolwer: Darren van Dyk (United).
50-boulbeurt premierliga, beste bouler: Hendrik Geldenhuys (Wanderers).
KLUBLIGA, SPANNE
T20 Hunters Edge wenners: Outjo Northern Leopards (tweede liga); Junior Coastal Cricket Academy (eerste liga, kus); Wanderers II (eerste liga, sentraal); Wanderers I (premierliga).
Hunters Edge eendagkrieket wenners: Outjo Northern Leopards (tweede liga, 30 boulbeurte); Junior Coastal Cricket Academy (eerste liga kus, 40 boulbeurte); WHS Old Boys Vintage (eerste liga sentraal, 40 boulbeurte), Wanderers I (premierliga, 50 boulbeurte).
Die uittrede van die 35-jarige nasionale kaptein, Sarel Burger, en die topkolwer Craig Williams (34) het die kroon gespan op 'n seisoen waarin die Eagles boaan hul groep geëindig en vir die eerste keer tot die eindstryd van die Suid-Afrikaanse provinsiale driedagkompetisie deurgedring het.
Dit is 'n besondere prestasie, wanneer 'n mens oorweeg dat klubkrieket in die land hoogstens oor 50 boulbeurte per span gespeel word, asook die verskille in die getalle spelers.
Die Namibiërs het oorwinnings teen Noord-Kaap (sewe paaltjies), Oostelikes (vier paaltjies), Boland (met 'n beurt), Gauteng (164 lopies), Oostelike Provinsie (108 lopies) asook onbesliste uitslae teen SWD en die Vrystaat behaal.
Die Eagles het ook ses uit tien wedstryde in die eendagkompetisie gewen, waarin hulle die vorige seisoen die finaal gehaal het.
Die lopiemasjien Williams het net in die provinsiale kompetisies meer as 'n duisend lopies aangeteken (687 in vierdagwedstryde en 317 in die eendagreeks) – om nie van sy ewe betekenisvolle bydraes op internasionale vlak óf sy boulwerk te praat nie.
Dit was dus geen verrassing nie toe Craig Williams net soos die vorige jaar as speler van die seisoen vereer is. Die trofee as spelers se speler van die jaar is eenparig bygevoeg vir dié jarelange staatmaker wat sy land in 2007 begin verteenwoordig het.
Kaptein Sarel Burger het namens die nasionale span die Gees van Krieket toekenning van mnr. Richard Frankle, uittredende president van die nasionale beheerliggaam, ontvang. Burger, wat as 20-jarige in die Wêreldbekertoernooi van 2003 gespeel het en later jare 'n belangrike rol as spanleier gespeel het, was ook die ontvanger van die Raymond van Schoor Stigting se gedenkprys.
Die Eagles se afrigter Dee Thakur se werk agter die skerms is met die trofee as afrigter van die jaar beloon.
Vir Jan Frylinck se veelsydige bydraes vir Namibië is hy bekroon as die nasionale speler wat die beste vordering getoon het.
Daar was 'n staande ovasie toe Gerson Nambahu sy toekenning as veldopsigter van die jaar ontvang het. Dit was ooglopend dat die krieketgemeenskap groot waardering vir dié veteraan se werk aan die kolfblad van Trustco United het.
Andrew Louw is as die skeidsregter van die jaar aangewys en Hein Heydenreich as die beste nuweling onder die skeidsregters.
Nolene Winborn van die kusklub Welwitschias is as die voorste administrateur vereer, terwyl Francia Zealand die prys as die beste tellinghouer ontvang het.
Ander trofeewenners in die 2017-2018 seisoen was soos volg:
JUNIORS
Onder 13-speler van die jaar: William Lottering het onder meer 'n honderdtal teen Noordwes-platteland by die provinsiale toernooi behaal.
Onder 15-speler van die jaar: Dian Neethling, Namibiese kaptein in 2017.
Onder 17-speler van die jaar: Jan-Izak de Villiers het paaltjies geneem in elke wedstryd by die o.19 Wêreldbeker, insluitend 4/52 teen Pakistan.
Onder 19-speler van die jaar: Petrus Burger het in sy tweede o.19 Wêreldbeker gespeel en het ook in sy senior eersterangse debuutseisoen paaltjies as draaibouler geneem.
VROUE
Beste vordering: Didi Foerster.
Junior speler van die jaar: Merceli Dantago.
Onder 19-speler van die jaar: Yasmeen Khan.
Senior speler van die jaar: Irené van Zyl.
SKOLE-ONTWIKKELING
Kwata-program administrateur van die jaar: George Lututu.
Kwata-program skool van die jaar: Auas Primary School.
Kwata-program ontwikkelingsbeampte van die jaar: Justus Hangula (Blue Waters)
Kwata-program streek van die jaar: Erongo.
KLUBLIGA, INDIVIDUE
T20 tweede liga, beste kolwer:
TW Koorts (Outjo Northern Leopards).
T20 tweede liga, beste bouler: Neels Labuschagné (Otjiwarongo).
30-boulbeurt tweede liga, beste kolwer: Robert Herridge (Outjo Northern Leopards).
30-boulbeurt tweede liga, beste bouler: Zayne Koorts (Outjo Northern Leopards).
T20 eerste liga, beste kolwer: Wessel Myburgh (Wanderers).
T20 eerste liga, beste bouler: Mauritius Ngupita (Blue Waters/Welwitschias).
40-boulbeurt eerste liga, beste kolwer: Wimpie Viljoen (WHS Old Boys Vintage).
40-boulbeurt eerste liga, beste bouler: Michael Durant (Wanderers).
T20 premierliga, beste kolwer: JP Kotze (WHS Old Boys).
T20 premierliga, beste bouler: Hendrik Geldenhuys (Wanderers).
50-boulbeurt premierliga, beste kolwer: Darren van Dyk (United).
50-boulbeurt premierliga, beste bouler: Hendrik Geldenhuys (Wanderers).
KLUBLIGA, SPANNE
T20 Hunters Edge wenners: Outjo Northern Leopards (tweede liga); Junior Coastal Cricket Academy (eerste liga, kus); Wanderers II (eerste liga, sentraal); Wanderers I (premierliga).
Hunters Edge eendagkrieket wenners: Outjo Northern Leopards (tweede liga, 30 boulbeurte); Junior Coastal Cricket Academy (eerste liga kus, 40 boulbeurte); WHS Old Boys Vintage (eerste liga sentraal, 40 boulbeurte), Wanderers I (premierliga, 50 boulbeurte).
Kommentaar
Republikein
Geen kommentaar is op hierdie artikel gelaat nie