Eagles se Smit en Green wys staal
Die vreugdevure van plaaslike ondersteuners het hoog gebrand ná gister en Saterdag se oortuigende oorwinnings.
Tielman van Lill – Die vreeslose en meedoënlose benadering van afrigter Pierre de Bruyn se Namibiese krieketspan het gister sy tol geëis op die besoekende Ontluikende Suid-Afrikaanse elftal.
Met ’n reusekolfbeurt van 230/6 en ’n oorwinning van 91 lopies het die Namibiese Eagles gister seker gemaak dat hulle die reeks van drie T20-wedstryde met 2-1 beklink.
Die reekssege is ’n belowende voorteken in die opbou na die T20 Wêreldbeker in Indië, waar Namibië in November sy debuut sal maak.
Die teleurstelling in die Suid-Afrikaanse geledere het geblyk toe die kaptein, Sinethemba Qeshile, agterna in die TV-onderhoud gevra is of sy span enigiets positief uit hul vertoning kan neem. Hy het geantwoord, “Nie juis nie. Die uitslag spreek vanself.”
Die besoekers sal nou hoop om tydens die eendagreeks beter rekenskap te gee, wat môre, Donderdag en Saterdag (vanaf 10:00 elke dag) beslis word.
Namibië se kaptein, Gerhard Erasmus, was in sy noppies. “Vir die beslissende wedstryd met die reeks op 1-1 was dit nodig om geestelik sterk te wees, maar ons span het opgedaag. Ons is ingestuur om eerste te kolf en die kolwers het hul taak uitstekend uitgevoer. Ons het ’n stewige grondslag gelê om in die later beurte te kan aanval vir ’n groot totaal.”
Zane Green as aanvangskolwer is as speler van die wedstryd aangewys vir ’n puik 63 lopies van 38 balle, met ses viere en drie sesse.
Slaankrag dwarsdeur die kolflys was ’n kenmerk van die Namibiese beurt, want elke kolwer het minstens een ses geslaan.
Benewens Green is sy vennoot Nicol Loftie-Eaton uitgevang vir 12 van 9 balle (1x6). Hierna het Gerhard Erasmus 39 van 27 balle bygedra (2x4 2x6), gevolg deur JP Kotzé (28 van 20 balle, 2x6), JJ Smit 37 van 15 balle, 2x4 3x6), Jan Frylinck (22 nie uit nie van 8 balle, 3x6) en Ruben Trumpelmann (11 van 6 b, 1x6).
Die Suid-Afrikaanse beurt het nooit werklik vlamgevat nie en hulle is vir 139 uitgeboul (16.2 bb). Die boulhelde was Trumpelmann (1/12), Frylinck (2/11), JJ Smit (1/39), Mauritius Ngupita (2/27), Michael van Lingen (2/6 in 1 bb) en Loftie-Eaton (2/8 in 1.2 bb).
SMIT LEWER EENMANVERTONING
JJ Smit het Saterdagnamiddag by Wanderers op meesterlike wyse sy eerste T20-honderdtal vir die Eagles geslaan. Sy onoorwonne 103 van 45 balle, met tien sesse en drie viere, sal nog lank onthou word deur die bevoorregte kykers.
Toe die munt in Erasmus se guns val het, het hy dadelik die besoekers ingestuur eerste om te kolf. Erasmus het moontlik gedobbel, maar die Eagles het met dié botsing gewys dat hulle nie geïntimideer word deur die name of talent van die manne in groen-en-goud nie. Hoewel die groen Proteas 190 lopies geslaan het, het die gasheerspan gewys hulle kan reuseteikens suksesvol jaag.
Die SA span het ná 15 boulbeurte met 132 op die telbord gespog en nog 58 in die laaste vyf beurte bygevoeg. Die Eagles was ná 15 beurte op 140/3 voor die besoekers en dit het al meer moontlik begin lyk dat hulle geskiedenis kon maak.
Vir die Eagles was die verlies van die aanvangspaar, Green op 1 (5 b) en Loftie-Eaton op 2 (5 b) ’n terugslag. Die herstelwerk van Smit en Erasmus (38 van 34 b, 3x4, 2x6) se vennootskap van 101 lopies om die derde paaltjie was uitstekend voordat Smit sy briljante onoorwonne 103 saam met Jan Frylinck behaal het
Onder geweldige druk was Frylinck koel soos ’n komkommer van die laaste aflewering, want die spanne se tellings was gelykop op 190 elk. Frylinck (6*, 3 b, 1x4) wat toe nog net twee aflewerings getrotseer het, het egter met groot gemak Stefan Tait se laaste bal na die wegkant grens toe vir ’n welverdiende vier en sege te stuur.
In die laaste vyf beurte het Smit, wat toe op 64 van 30 aflewerings gestaan het, sy klas gewys en 39 lopies gemoker wat vier sesse en ’n vier insluit om hom speler van die wedstryd te maak.
Hy het ná die wedstryd gesê: “Dit was vir my ’n besonderse oomblik toe ek my 100-tal behaal het. Ek is lekker moeg en gaan vanaand vroeg slaap om reg vir Sondag te wees. My lyf is seer en ná die fisio gaan ek in die bed spring.”
Vir Suid-Afrika het Grant Roelofsen (52, 31 b, 5x4, 2x6, uitgehardloop Trumpelmann), Kabelo Sekhukhune (37, 38 b, 2x4, 1x6, gevang Frylinck, geboul Erasmus), Jonathan Bird (74*, 337 b, 4x5, 5x6), Breetzke (18 van 12 b, 2x4, gevang Erasmus, geboul Trumpelmann), uitgeblink.
Trumpelmann (1/33 in 4), Frylinck (1/35 in 4) en Erasmus (1/20 in 2) het vir die Eagles se paaltjies gesorg.
Potgieter (2/37 in 4), Tshepo Ntuli (1/14 in 2), Tait (1/33 in 4) en Smith (1/15 in 2) was op peil vir die SA-span met die bal in die hand.
WEDSTRYD EEN
Die Eagles moes die vorige dag in die eerste T20-botsing die knie buig, maar Saterdag het die Eagles (194/5 in 20 boulbeurte) op al hul silinders geloop om dramatiese met die laaste aflewering die Suid-Afrikaners (190/4 in 20) tot oorgawe te dwing.
Die onvermoë van die Namibiese kolwers om met die eerste uitdaging die SA span se boulers in die laaste vyf boulbeurte onder druk te plaas, het hulle heel moontlik die wedstryd gekos. Die Eagles-boulers het ook nie daarin geslaag om die twee SA kolwers in hul laaste vyf boulbeurte te ontsenu nie.
Die Eagles is Vrydag deur die besoekers ingestuur en het 167/5 in hul toegelate boulbeurte bemeester. Die SA span het egter met agt aflewerings oor die teiken met 169/5 verbygesteek. Craig Williams, wat Vrydag saam met Zane Geen (18) die Eagles se kolfbeurt met 56 lopies van 54 aflewerings (5x4 en 2x6) geopen het, was Saterdag nie vir sy span beskikbaar nie.
JP Kotzé op nommer drie (20 van 16 balle, 3x4, 1x6), Gerhard Erasmus op vier (13, 15 b, 1x4), Nicol Loftie-Eaton (37* van 20 b, 2x4, 3x6), JJ Smit (8) en Michael van Lingen (3) het saam met 12 bylopies vir die gasheer se lopies gesorg.
Vir die Suid-Afrikaners was Dayyaan Galiem (1/37 in 4), Bryce Parsons (1/44 in 4) en Stefan Tait (1/30 in 4) op koers met die bal in die hand. Williams is deur Mathew Breedtzke uitgehardloop en hul kaptein, Sinethemba Qeshile, het op dieselfde wyse van Kotzé ontslae geraak.
Hoewel die Eagles goedkoop van die besoekers se topdrie kolwers ontslae geraak het (30 lopies van 25 balle), het paaltjiewagter Queshile op vier (40 van 29 b, 4x4, 1x6) en Wandile Makwetu op vyf (20 van 22 b, 1x6) die pot aan die prut gehou en die grondslag gelê vir die afronding wat veral Jason Smith op ses (48* van 26 b, 2x4, 3x6) saam met Delano Potgieter (26* van 10 b, 2x4, 2x6) gedoen het.
Vir die Eagles het Ruben Trumpelmann (2/22 in 3), Smit (1/28 in 3) en Loftie-Eaton (1/19 in 2) paaltjies geneem, terwyl Tangeni Lungameni ‘n belangrike en briljante uithardloop van sy eie boulwerkstellig het om van die gevaarlike Kabelo Sekhukhune op drie ontslae te raak.
– [email protected]
FOTO’S
JJ Smit bulder sy vreugde uit ná sy briljante T20-honderdtal Saterdag. Foto Tielman van Lill
JJ Smit se slaankrag en tydsberekening was Saterdag in die kol tydens sy briljante T20-honderdtal. Foto Tielman van Lill
Nicol Loftie-Eaton se selfvertroue as houespeler is een van die Eagles se troefkaarte. Foto Tielman van Lill
Met ’n reusekolfbeurt van 230/6 en ’n oorwinning van 91 lopies het die Namibiese Eagles gister seker gemaak dat hulle die reeks van drie T20-wedstryde met 2-1 beklink.
Die reekssege is ’n belowende voorteken in die opbou na die T20 Wêreldbeker in Indië, waar Namibië in November sy debuut sal maak.
Die teleurstelling in die Suid-Afrikaanse geledere het geblyk toe die kaptein, Sinethemba Qeshile, agterna in die TV-onderhoud gevra is of sy span enigiets positief uit hul vertoning kan neem. Hy het geantwoord, “Nie juis nie. Die uitslag spreek vanself.”
Die besoekers sal nou hoop om tydens die eendagreeks beter rekenskap te gee, wat môre, Donderdag en Saterdag (vanaf 10:00 elke dag) beslis word.
Namibië se kaptein, Gerhard Erasmus, was in sy noppies. “Vir die beslissende wedstryd met die reeks op 1-1 was dit nodig om geestelik sterk te wees, maar ons span het opgedaag. Ons is ingestuur om eerste te kolf en die kolwers het hul taak uitstekend uitgevoer. Ons het ’n stewige grondslag gelê om in die later beurte te kan aanval vir ’n groot totaal.”
Zane Green as aanvangskolwer is as speler van die wedstryd aangewys vir ’n puik 63 lopies van 38 balle, met ses viere en drie sesse.
Slaankrag dwarsdeur die kolflys was ’n kenmerk van die Namibiese beurt, want elke kolwer het minstens een ses geslaan.
Benewens Green is sy vennoot Nicol Loftie-Eaton uitgevang vir 12 van 9 balle (1x6). Hierna het Gerhard Erasmus 39 van 27 balle bygedra (2x4 2x6), gevolg deur JP Kotzé (28 van 20 balle, 2x6), JJ Smit 37 van 15 balle, 2x4 3x6), Jan Frylinck (22 nie uit nie van 8 balle, 3x6) en Ruben Trumpelmann (11 van 6 b, 1x6).
Die Suid-Afrikaanse beurt het nooit werklik vlamgevat nie en hulle is vir 139 uitgeboul (16.2 bb). Die boulhelde was Trumpelmann (1/12), Frylinck (2/11), JJ Smit (1/39), Mauritius Ngupita (2/27), Michael van Lingen (2/6 in 1 bb) en Loftie-Eaton (2/8 in 1.2 bb).
SMIT LEWER EENMANVERTONING
JJ Smit het Saterdagnamiddag by Wanderers op meesterlike wyse sy eerste T20-honderdtal vir die Eagles geslaan. Sy onoorwonne 103 van 45 balle, met tien sesse en drie viere, sal nog lank onthou word deur die bevoorregte kykers.
Toe die munt in Erasmus se guns val het, het hy dadelik die besoekers ingestuur eerste om te kolf. Erasmus het moontlik gedobbel, maar die Eagles het met dié botsing gewys dat hulle nie geïntimideer word deur die name of talent van die manne in groen-en-goud nie. Hoewel die groen Proteas 190 lopies geslaan het, het die gasheerspan gewys hulle kan reuseteikens suksesvol jaag.
Die SA span het ná 15 boulbeurte met 132 op die telbord gespog en nog 58 in die laaste vyf beurte bygevoeg. Die Eagles was ná 15 beurte op 140/3 voor die besoekers en dit het al meer moontlik begin lyk dat hulle geskiedenis kon maak.
Vir die Eagles was die verlies van die aanvangspaar, Green op 1 (5 b) en Loftie-Eaton op 2 (5 b) ’n terugslag. Die herstelwerk van Smit en Erasmus (38 van 34 b, 3x4, 2x6) se vennootskap van 101 lopies om die derde paaltjie was uitstekend voordat Smit sy briljante onoorwonne 103 saam met Jan Frylinck behaal het
Onder geweldige druk was Frylinck koel soos ’n komkommer van die laaste aflewering, want die spanne se tellings was gelykop op 190 elk. Frylinck (6*, 3 b, 1x4) wat toe nog net twee aflewerings getrotseer het, het egter met groot gemak Stefan Tait se laaste bal na die wegkant grens toe vir ’n welverdiende vier en sege te stuur.
In die laaste vyf beurte het Smit, wat toe op 64 van 30 aflewerings gestaan het, sy klas gewys en 39 lopies gemoker wat vier sesse en ’n vier insluit om hom speler van die wedstryd te maak.
Hy het ná die wedstryd gesê: “Dit was vir my ’n besonderse oomblik toe ek my 100-tal behaal het. Ek is lekker moeg en gaan vanaand vroeg slaap om reg vir Sondag te wees. My lyf is seer en ná die fisio gaan ek in die bed spring.”
Vir Suid-Afrika het Grant Roelofsen (52, 31 b, 5x4, 2x6, uitgehardloop Trumpelmann), Kabelo Sekhukhune (37, 38 b, 2x4, 1x6, gevang Frylinck, geboul Erasmus), Jonathan Bird (74*, 337 b, 4x5, 5x6), Breetzke (18 van 12 b, 2x4, gevang Erasmus, geboul Trumpelmann), uitgeblink.
Trumpelmann (1/33 in 4), Frylinck (1/35 in 4) en Erasmus (1/20 in 2) het vir die Eagles se paaltjies gesorg.
Potgieter (2/37 in 4), Tshepo Ntuli (1/14 in 2), Tait (1/33 in 4) en Smith (1/15 in 2) was op peil vir die SA-span met die bal in die hand.
WEDSTRYD EEN
Die Eagles moes die vorige dag in die eerste T20-botsing die knie buig, maar Saterdag het die Eagles (194/5 in 20 boulbeurte) op al hul silinders geloop om dramatiese met die laaste aflewering die Suid-Afrikaners (190/4 in 20) tot oorgawe te dwing.
Die onvermoë van die Namibiese kolwers om met die eerste uitdaging die SA span se boulers in die laaste vyf boulbeurte onder druk te plaas, het hulle heel moontlik die wedstryd gekos. Die Eagles-boulers het ook nie daarin geslaag om die twee SA kolwers in hul laaste vyf boulbeurte te ontsenu nie.
Die Eagles is Vrydag deur die besoekers ingestuur en het 167/5 in hul toegelate boulbeurte bemeester. Die SA span het egter met agt aflewerings oor die teiken met 169/5 verbygesteek. Craig Williams, wat Vrydag saam met Zane Geen (18) die Eagles se kolfbeurt met 56 lopies van 54 aflewerings (5x4 en 2x6) geopen het, was Saterdag nie vir sy span beskikbaar nie.
JP Kotzé op nommer drie (20 van 16 balle, 3x4, 1x6), Gerhard Erasmus op vier (13, 15 b, 1x4), Nicol Loftie-Eaton (37* van 20 b, 2x4, 3x6), JJ Smit (8) en Michael van Lingen (3) het saam met 12 bylopies vir die gasheer se lopies gesorg.
Vir die Suid-Afrikaners was Dayyaan Galiem (1/37 in 4), Bryce Parsons (1/44 in 4) en Stefan Tait (1/30 in 4) op koers met die bal in die hand. Williams is deur Mathew Breedtzke uitgehardloop en hul kaptein, Sinethemba Qeshile, het op dieselfde wyse van Kotzé ontslae geraak.
Hoewel die Eagles goedkoop van die besoekers se topdrie kolwers ontslae geraak het (30 lopies van 25 balle), het paaltjiewagter Queshile op vier (40 van 29 b, 4x4, 1x6) en Wandile Makwetu op vyf (20 van 22 b, 1x6) die pot aan die prut gehou en die grondslag gelê vir die afronding wat veral Jason Smith op ses (48* van 26 b, 2x4, 3x6) saam met Delano Potgieter (26* van 10 b, 2x4, 2x6) gedoen het.
Vir die Eagles het Ruben Trumpelmann (2/22 in 3), Smit (1/28 in 3) en Loftie-Eaton (1/19 in 2) paaltjies geneem, terwyl Tangeni Lungameni ‘n belangrike en briljante uithardloop van sy eie boulwerkstellig het om van die gevaarlike Kabelo Sekhukhune op drie ontslae te raak.
– [email protected]
FOTO’S
JJ Smit bulder sy vreugde uit ná sy briljante T20-honderdtal Saterdag. Foto Tielman van Lill
JJ Smit se slaankrag en tydsberekening was Saterdag in die kol tydens sy briljante T20-honderdtal. Foto Tielman van Lill
Nicol Loftie-Eaton se selfvertroue as houespeler is een van die Eagles se troefkaarte. Foto Tielman van Lill
Kommentaar
Republikein
Geen kommentaar is op hierdie artikel gelaat nie