Een dood, 9 beseer in Burundi-aanval
In die jongste geweldpleging in Burundi se hoofstad is een persoon dood en nege in ‘n handgranaataanval gewond.
Een persoon is dood en nege ander gewond toe ‘n handgranaat in ‘n woonbuurt bekend as 'n opposisiebastion in Burundi se hoofstad, Bujumbura, ontplof het, het die stad se burgemeester, Freddy Mbonimpa, gister gesê.
"’n Granaat is gegooi en het tussen ‘n klomp mense wat bier gedrink het, naby ‘n bushalte in Musaga ontplof,” het Mbonimpa AFP meegedeel. Die voorval het Woensdagaand plaasgevind.
Ooggetuies sê daar was ‘n groot aantal polisielede op die toneel en van hulle het hul vuurwapens afgevuur.
"Daar was waarskuwingskote in die lug,” het die burgemeester gesê en bygevoeg dat die polisie met ‘n ondersoek begin het “om misdadigers agter die aanval op te spoor”.
Musaga, in die suide van die stad, is ‘n bastion vir die opposisie waar protes twee jaar gelede uitgebreek het oor pres. Pierre Nkurunziza se derde presidentstermyn.
Die betogings het tot ‘n politieke krisis gelei wat selfs ‘n mislukte staatsgreep behels het. Sedertdien word gereelde anti-regeringbetogings in Musaga gehou.
Die onluste het tussen 500 en 2 000 lewens geëis en meer as 400 000 inwoners van Burundi is gedwing om in ballingskap te gaan, het menseregtegroepe en die Verenigde Nasies gesê. Daar is ook berigte van honderde voorvalle van marteling en gedwonge verdwynings.
Verlede maand is drie lede van die jeugliga van Burundi se regerende party, wat deur die VN as ‘n milisie beskou word, in ‘n granaataanval in dieselfde woonbuurt dood.
Die "Imbonerakure", wie se naam “Die brandwagte” beteken, word lank reeds van barbaarse metodes beskuldig om politieke doelwitte namens Nkurunziza en sy regerende CNDD-FDD-party te bereik. - Nampa/AFP
"’n Granaat is gegooi en het tussen ‘n klomp mense wat bier gedrink het, naby ‘n bushalte in Musaga ontplof,” het Mbonimpa AFP meegedeel. Die voorval het Woensdagaand plaasgevind.
Ooggetuies sê daar was ‘n groot aantal polisielede op die toneel en van hulle het hul vuurwapens afgevuur.
"Daar was waarskuwingskote in die lug,” het die burgemeester gesê en bygevoeg dat die polisie met ‘n ondersoek begin het “om misdadigers agter die aanval op te spoor”.
Musaga, in die suide van die stad, is ‘n bastion vir die opposisie waar protes twee jaar gelede uitgebreek het oor pres. Pierre Nkurunziza se derde presidentstermyn.
Die betogings het tot ‘n politieke krisis gelei wat selfs ‘n mislukte staatsgreep behels het. Sedertdien word gereelde anti-regeringbetogings in Musaga gehou.
Die onluste het tussen 500 en 2 000 lewens geëis en meer as 400 000 inwoners van Burundi is gedwing om in ballingskap te gaan, het menseregtegroepe en die Verenigde Nasies gesê. Daar is ook berigte van honderde voorvalle van marteling en gedwonge verdwynings.
Verlede maand is drie lede van die jeugliga van Burundi se regerende party, wat deur die VN as ‘n milisie beskou word, in ‘n granaataanval in dieselfde woonbuurt dood.
Die "Imbonerakure", wie se naam “Die brandwagte” beteken, word lank reeds van barbaarse metodes beskuldig om politieke doelwitte namens Nkurunziza en sy regerende CNDD-FDD-party te bereik. - Nampa/AFP
Kommentaar
Republikein
Geen kommentaar is op hierdie artikel gelaat nie