Eindtelling: Min vreugde vir Warriors óf Zambië
Sokker
Namibië se Tafel Lager Brave Warriors en die besoekende Zambië het pas met 1-1 gelykop gespeel in hul 2019 Afrika Nasiebeker kwalifiserende wedstryd in die Sam Nujoma-stadion.
Ná ’n rustydtelling van 0-0 het beide spanne met laat doele toegeslaan.
Eerste was Namibië se treffer in die 78ste minuut, toe Petrus Shitembi teen die linkerkantlyn ’n bal onderskep en ’n ent vorentoe gevorder het, voordat hy Hendrik Somaeb weggestuur het wat met 'n kort aangee die doel vir Benson Shilongo geskep het.
Zambië se Chipolopolo het egter nóg later (91ste minuut) hul gelykmakende doel deur Justin Shonga gekry, wat ’n vryskop verby die Namibiese doelwagter Virgil Vries gestuur het.
Beide spanne verdien net een ligapunt in die kwalifiserende groep K, nadat beide hul eerste wedstryd verloor het.
Mosambiek en Guinee-Bissau, die groep se voorlopers met drie punte elk, speel ook vandag teen mekaar.
Ná ’n rustydtelling van 0-0 het beide spanne met laat doele toegeslaan.
Eerste was Namibië se treffer in die 78ste minuut, toe Petrus Shitembi teen die linkerkantlyn ’n bal onderskep en ’n ent vorentoe gevorder het, voordat hy Hendrik Somaeb weggestuur het wat met 'n kort aangee die doel vir Benson Shilongo geskep het.
Zambië se Chipolopolo het egter nóg later (91ste minuut) hul gelykmakende doel deur Justin Shonga gekry, wat ’n vryskop verby die Namibiese doelwagter Virgil Vries gestuur het.
Beide spanne verdien net een ligapunt in die kwalifiserende groep K, nadat beide hul eerste wedstryd verloor het.
Mosambiek en Guinee-Bissau, die groep se voorlopers met drie punte elk, speel ook vandag teen mekaar.
Kommentaar
Republikein
Geen kommentaar is op hierdie artikel gelaat nie