Ekstra waarde vir lesers en kliënte

Vanaf Maandag vernuwe die samestelling van Republikein en sustersdagblaaie in die Namibie Media Holdings-groep se daaglikse inhoud.

Kleinadvertensies, vakatures, tenders, kennisgewings en motornuus sal voortaan ook in die Namibian Sun en Allgemeine Zeitung verskyn. Sodoende kan kliënte ‘n veel groter mark bereik en lesers ontvang meer waarde vir hul geld - deur ekstra inhoud, buiten vir ons gewone byvoegsels. Bestaande seksies van Republikein bly behoue, maar sekere inhoudsafdelings sal voortaan dieper in die koerant lê.

Die Engelse sake- en finansiesseksie, Market Watch, sal elke dag in al drie koerante verskyn. Op Donderdae en Vrydae sal vakatures in sy eie seksie, Careers, gepubliseer word.

Op Maandae sal die Sun se Sport Wrap ook in Republikein en AZ verskyn en Dinsdae sal die jeugseksie, My Zone, met twee bladsye Afrikaanse skolenuus, deel van al drie dagblaaie se inhoud word.

Soos huidig, is Business 7, My.Na Cars en My.Na Property al om die week die groep se bonusinhoud op Woensdae.

Donderdae verskyn soos gewoonlik in bepaalde afsetgebiede die Erongo, Windhoek Express en deelnemende skole se skolekoerante. Kollig verskyn steeds op Vrydae.