Elf lande soek daai groen baadjie
Gholf
Namibië Brouerye het sy vierde Windhoek Lager Africa Jacket Gholfkampioenskap by die Windhoek Buiteklub bekend gestel waaraan spelers van elf lande op die vasteland betrokke sal wees. Spelers kwalifiseer opnuut vir die eindtoernooi op 23 en 24 Junie deur middel van hul prestasies by vier bestaande toernooie in hul eie land. Saam met die gasheerland was Botswana, Suid-Afrika, Zambië en Zimbabwe deel van die eerste toernooi in 2013, met Swaziland, Kenia, Uganda, Tanzanië, Seychelle en Mauritius wat intussen bygevoeg is. Die tweede jaarlikse Windhoek Lager Suid-Afrikaanse Parespelkampioenskap sal op dieselfde datums by Omeya en Windhoek aangebied word. Van links is Ian Stevenson (Windhoek Lager), Steve Basson (Windhoek Buiteklub), Adri Pienaar (president van die Namibiese Vroue Gholfvereniging), Geof Mortimer en Corneels Jafta (beide Windhoek Buiteklub). Foto Tielman van Lill
Kommentaar
Republikein
Geen kommentaar is op hierdie artikel gelaat nie