Emosionele 'laaste toets' vir Rassie
WB-rugby
Hendrik Cronjé - Rassie Erasmus sal môre se Wêreldbekereindstryd in Jokohama teen Engeland net as 'n mislukking beskou as sy span nie met die regte ingesteldheid opdaag nie.
“Dit sal net 'n mislukking wees indien ons agterna sê ons het nie hard geoefen nie, ons het nie alles gegee nie en ons is nie deur 'n beter span geklop nie,” het die Springbok-afrigter op sy laaste nuuskonferensie voor die eindstryd gesê.
“As ons Saterdag van die veld stap en deur 'n beter Engelse span geklop word, dan is dit maar hoe die lewe is.”
Erasmus het toe hy verlede jaar aangestel is, geweet die telbord sal altyd saakmaak. Hy het ook aanvaar die Bokke sal nie in alle toetse die regte uitslae kry nie en sal lesse daaruit leer. Ondersteuners wat hom en die span weer met spankeuses begin help en kritiseer, is vir 'n Erasmus 'n positiewe teken dat daar weer interaksie tussen die ondersteuners en die span is.
“Ons het nie die week bykomende dinge gedoen om die spelers te motiveer nie.
“Ons het hard gewerk om tot hier te kom en die spelers is reg om te speel. Albei spanne wil wen. Die span wat takties die beste is, sal wen.
“Dit is my laaste toets as hoofafrigter. Dis vir my 'n emosionele toets aangesien ek nie gedink het 25 toetse sal so verbyvlieg nie.
“Ek geniet dit werklik baie. Dis hartseer dat alles oor drie dae verby is. Ek sal vorentoe baie nou betrokke by die Bokke bly.
“Deur die afgelope tyd betrokke te wees, gee my soveel hoop vir hoeveel rugby vir Suid-Afrika kan beteken.
“Twee of drie jaar gelede was ek een van daardie ouens wat gesê het laat ons net rugby speel, kom ons vergeet van die hoop-ding. Ek het my uitkyk daaroor totaal verander.
“As ons op die regte wyse en met passie speel wat die mense sien, help dit mense om van hulle probleme te vergeet.”
Erasmus sal as direkteur van rugby aanbly en iemand soos sy hulpafrigter Jacques Nienaber het 'n goeie kans om vorentoe die nuwe hoofafrigter te word. Dis juis vir Erasmus belangrik dat die momentum van vanjaar se Wêreldbekertoernooi vorentoe behoue moet bly.
KOLBE DRA 14-TRUI
Cheslin Kolbe se insluiting ten koste van S'bu Nkosi is die enigste verandering wat Erasmus aan die Bokke se 23-tal ná die halfeindstryd aangebring het.
Erasmus sê sy span sal Kolbe se X-faktor baie teen Engeland benodig. Kolbe-hulle besef daar staan nou net 80 minute tussen hulle en Wêreldbeker-glorie.
“Om tot in die eindstryd te gevorder het, is egter nie genoeg vir die span nie,” het Erasmus gesê.
“Ons het nou die geleentheid om wêreldkampioene te word, iets wat baie vir die land en ons mense sal beteken.
“Die Bokke is bewus van die goeie ondersteuning wat hul in Suid-Afrika geniet en die meegaande verantwoordelikheid wat op hul skouers rus.
“Ons mag dalk nie die gunstelinge wees nie, maar die spelers sal niks in hul tenk oorhou nie.
“Ons weet hoeveel het 1995 en 2007 se seges vir Suid-Afrika beteken.
“Ons wil graag weer vir Suid-Afrika daardie ervaring wil gee.”
* Bok-span: Willie le Roux (60 toetse), Cheslin Kolbe (13), Lukhanyo Am (14), Damian de Allende (46), Makazole Mapimpi (13), Handré Pollard (47), Faf de Klerk (29), Duane Vermeulen (53), Pieter-Steph du Toit (54), Siya Kolisi (49), Lood de Jager (44) Eben Etzebeth (84), Frans Malherbe (37), Bongi Mbonambi (35), Tendai Mtawarira (116).
Reserwes: Malcolm Marx (32), Steven Kitshoff (46), Vincent Koch (20), RG Snyman (22), Franco Mostert (38), Francois Louw (75), Herschel Jantjies (9), Frans Steyn (66).
EDDIE KIES SY SPAN TEEN BOKKE
Eddie Jones, afrigter van Engeland, gaan poog om die Rose se eerste Wêreldbeker-titel in 16 jaar te wen met 'n onveranderde span vir môre se eindstryd teen Suid-Afrika.
Rugby365 berig die Engelse kaptein Owen Farrell, voorste drieëvraat Jonny May en stut Kyle Sinckler is almal fiks verklaar nadat hulle stampe opgedoen het in die halfeindstryd-sege teen Nieu-Seeland.
Ben Spencer is op die reserwebank ingesluit nadat hy verlede naweek na Japan gereis het om die beseerde skrumskakel Willi Heinz te vervang.
Farrell behou sy plek op binnesenter, terwyl George Ford weer op losskakel gekies is.
“Ons gaan speel sonder enige vrees,” sê Jones. “Suid-Afrika is 'n taai teenstander en ons sal regtig hard moet veg om te wen.
“Ons besef die fisieke aspek van die wedstryd gaan belangrik wees en die spelers betree die kragmeting goed voorbereid en weet hoe ons wil speel.”
Dit is 'n ervare Engelse span met 'n gesamentlike 731 toetse se ervaring in die begin-vyftiental.
* Engeland: 15 Elliot Daly, 14 Anthony Watson, 13 Manu Tuilagi, 12 Owen Farrell (k), 11 Jonny May, 10 George Ford, 9 Ben Youngs, 8 Billy Vunipola, 7 Sam Underhill, 6 Tom Curry, 5 Courtney Lawes, 4 Maro Itoje, 3 Kyle Sinckler, 2 Jamie George, 1 Mako Vunipola.
Reserwes: 16 Luke Cowan-Dickie, 17 Joe Marler, 18 Dan Cole, 19 George Kruis, 20 Mark Wilson, 21 Ben Spencer, 22 Henry Slade, 23 Jonathan Joseph.
Môre se eindstryd skop af om 11:00 (SA en Namibiese tyd). – Netwerk24
“Dit sal net 'n mislukking wees indien ons agterna sê ons het nie hard geoefen nie, ons het nie alles gegee nie en ons is nie deur 'n beter span geklop nie,” het die Springbok-afrigter op sy laaste nuuskonferensie voor die eindstryd gesê.
“As ons Saterdag van die veld stap en deur 'n beter Engelse span geklop word, dan is dit maar hoe die lewe is.”
Erasmus het toe hy verlede jaar aangestel is, geweet die telbord sal altyd saakmaak. Hy het ook aanvaar die Bokke sal nie in alle toetse die regte uitslae kry nie en sal lesse daaruit leer. Ondersteuners wat hom en die span weer met spankeuses begin help en kritiseer, is vir 'n Erasmus 'n positiewe teken dat daar weer interaksie tussen die ondersteuners en die span is.
“Ons het nie die week bykomende dinge gedoen om die spelers te motiveer nie.
“Ons het hard gewerk om tot hier te kom en die spelers is reg om te speel. Albei spanne wil wen. Die span wat takties die beste is, sal wen.
“Dit is my laaste toets as hoofafrigter. Dis vir my 'n emosionele toets aangesien ek nie gedink het 25 toetse sal so verbyvlieg nie.
“Ek geniet dit werklik baie. Dis hartseer dat alles oor drie dae verby is. Ek sal vorentoe baie nou betrokke by die Bokke bly.
“Deur die afgelope tyd betrokke te wees, gee my soveel hoop vir hoeveel rugby vir Suid-Afrika kan beteken.
“Twee of drie jaar gelede was ek een van daardie ouens wat gesê het laat ons net rugby speel, kom ons vergeet van die hoop-ding. Ek het my uitkyk daaroor totaal verander.
“As ons op die regte wyse en met passie speel wat die mense sien, help dit mense om van hulle probleme te vergeet.”
Erasmus sal as direkteur van rugby aanbly en iemand soos sy hulpafrigter Jacques Nienaber het 'n goeie kans om vorentoe die nuwe hoofafrigter te word. Dis juis vir Erasmus belangrik dat die momentum van vanjaar se Wêreldbekertoernooi vorentoe behoue moet bly.
KOLBE DRA 14-TRUI
Cheslin Kolbe se insluiting ten koste van S'bu Nkosi is die enigste verandering wat Erasmus aan die Bokke se 23-tal ná die halfeindstryd aangebring het.
Erasmus sê sy span sal Kolbe se X-faktor baie teen Engeland benodig. Kolbe-hulle besef daar staan nou net 80 minute tussen hulle en Wêreldbeker-glorie.
“Om tot in die eindstryd te gevorder het, is egter nie genoeg vir die span nie,” het Erasmus gesê.
“Ons het nou die geleentheid om wêreldkampioene te word, iets wat baie vir die land en ons mense sal beteken.
“Die Bokke is bewus van die goeie ondersteuning wat hul in Suid-Afrika geniet en die meegaande verantwoordelikheid wat op hul skouers rus.
“Ons mag dalk nie die gunstelinge wees nie, maar die spelers sal niks in hul tenk oorhou nie.
“Ons weet hoeveel het 1995 en 2007 se seges vir Suid-Afrika beteken.
“Ons wil graag weer vir Suid-Afrika daardie ervaring wil gee.”
* Bok-span: Willie le Roux (60 toetse), Cheslin Kolbe (13), Lukhanyo Am (14), Damian de Allende (46), Makazole Mapimpi (13), Handré Pollard (47), Faf de Klerk (29), Duane Vermeulen (53), Pieter-Steph du Toit (54), Siya Kolisi (49), Lood de Jager (44) Eben Etzebeth (84), Frans Malherbe (37), Bongi Mbonambi (35), Tendai Mtawarira (116).
Reserwes: Malcolm Marx (32), Steven Kitshoff (46), Vincent Koch (20), RG Snyman (22), Franco Mostert (38), Francois Louw (75), Herschel Jantjies (9), Frans Steyn (66).
EDDIE KIES SY SPAN TEEN BOKKE
Eddie Jones, afrigter van Engeland, gaan poog om die Rose se eerste Wêreldbeker-titel in 16 jaar te wen met 'n onveranderde span vir môre se eindstryd teen Suid-Afrika.
Rugby365 berig die Engelse kaptein Owen Farrell, voorste drieëvraat Jonny May en stut Kyle Sinckler is almal fiks verklaar nadat hulle stampe opgedoen het in die halfeindstryd-sege teen Nieu-Seeland.
Ben Spencer is op die reserwebank ingesluit nadat hy verlede naweek na Japan gereis het om die beseerde skrumskakel Willi Heinz te vervang.
Farrell behou sy plek op binnesenter, terwyl George Ford weer op losskakel gekies is.
“Ons gaan speel sonder enige vrees,” sê Jones. “Suid-Afrika is 'n taai teenstander en ons sal regtig hard moet veg om te wen.
“Ons besef die fisieke aspek van die wedstryd gaan belangrik wees en die spelers betree die kragmeting goed voorbereid en weet hoe ons wil speel.”
Dit is 'n ervare Engelse span met 'n gesamentlike 731 toetse se ervaring in die begin-vyftiental.
* Engeland: 15 Elliot Daly, 14 Anthony Watson, 13 Manu Tuilagi, 12 Owen Farrell (k), 11 Jonny May, 10 George Ford, 9 Ben Youngs, 8 Billy Vunipola, 7 Sam Underhill, 6 Tom Curry, 5 Courtney Lawes, 4 Maro Itoje, 3 Kyle Sinckler, 2 Jamie George, 1 Mako Vunipola.
Reserwes: 16 Luke Cowan-Dickie, 17 Joe Marler, 18 Dan Cole, 19 George Kruis, 20 Mark Wilson, 21 Ben Spencer, 22 Henry Slade, 23 Jonathan Joseph.
Môre se eindstryd skop af om 11:00 (SA en Namibiese tyd). – Netwerk24
Kommentaar
Republikein
Geen kommentaar is op hierdie artikel gelaat nie