Erge loting demp drome van Warriors in WB 2022
Sokker
Die Brave Warriors sal opnuut as 'n buiteperd afgeskryf word vir die 2022 Fifa Wêreldbeker, nadat hy in die loting vir die kontinentale kwalifiserende wedstryde in groep H teen die gedugte Senegal, Kongo en Togo geplaas is.
Namibië het nog nooit tevore vir sokker se grootste skouspel gekwalifiseer nie.
In sy reaksie op die loting wat Dinsdagaand in Egipte afgehandel is, het die Brave Warriors se tussentydse afrigter Bobby Samaria gesê Namibië het die geleentheid om aan die sokkerwêreld te wys dat hy volwassenheid begin bereik.
“Hierdie loting is vir ons land nog 'n kans om te wys hoedat ons gegroei het. Dit is 'n uitdaging wat ons moet aanpak sonder om deur die druk oorweldig te word.”
Senegal, Kongo en Togo ...
“Wat 'n loting! Sonder enige twyfel sal ons die buiteperd in hierdie groep wees. Al hierdie spanne word hoër as ons gereken en het gesoute professionele spelers op die hoogste vlak in hul geledere.”
Samaria plaas egter sy hoop op die Namibiese spelersgroep se selfvertroue, wat hulle teen die verwagtinge in aangevuur het om vir twee opeenvolgende Afrika Nasieskampioenskappe (CHAN) te kwalifiseer, asook om verlede jaar vir die derde keer (ná 1998 en 2008) weer die Afrika Nasiebeker te haal.
“Namibië is die land van die dapperes en ek glo die spelers en die afrigterspan sal hoogs gemotiveerd wees om die groot kanonne in die gesig te staar.
“Stel jou voor hoe jy as speler stelling inneem teen Sadio Mane (Senegal se pas bekroonde Afrika-sokkerspeler van die jaar) en sulke supersterre.”
Die tweede rondte van WB-kwalifisering in Afrika sal in Maart vanjaar afskop en duur tot in Oktober 2021. Rondte drie, geskeduleer vir November 2021, plaas die tien wenspanne van die vorige rondte teen mekaar in uitklopwedstryde, wat die vasteland se vyf plekke na Katar 2022 sal vul.
Die Fifa Wêreldbeker 2022 sal tussen 21 November en 18 Desember 3022 in Katar gespeel word.
By die vorige Wêreldbeker (Frankryk 2018) was Egipte, Marokko, Nigerië, Senegal en Tunisië die vyftal uit Afrika, wat almal in die groepfase uitgeskakel is. – NFA.org.na
Namibië het nog nooit tevore vir sokker se grootste skouspel gekwalifiseer nie.
In sy reaksie op die loting wat Dinsdagaand in Egipte afgehandel is, het die Brave Warriors se tussentydse afrigter Bobby Samaria gesê Namibië het die geleentheid om aan die sokkerwêreld te wys dat hy volwassenheid begin bereik.
“Hierdie loting is vir ons land nog 'n kans om te wys hoedat ons gegroei het. Dit is 'n uitdaging wat ons moet aanpak sonder om deur die druk oorweldig te word.”
Senegal, Kongo en Togo ...
“Wat 'n loting! Sonder enige twyfel sal ons die buiteperd in hierdie groep wees. Al hierdie spanne word hoër as ons gereken en het gesoute professionele spelers op die hoogste vlak in hul geledere.”
Samaria plaas egter sy hoop op die Namibiese spelersgroep se selfvertroue, wat hulle teen die verwagtinge in aangevuur het om vir twee opeenvolgende Afrika Nasieskampioenskappe (CHAN) te kwalifiseer, asook om verlede jaar vir die derde keer (ná 1998 en 2008) weer die Afrika Nasiebeker te haal.
“Namibië is die land van die dapperes en ek glo die spelers en die afrigterspan sal hoogs gemotiveerd wees om die groot kanonne in die gesig te staar.
“Stel jou voor hoe jy as speler stelling inneem teen Sadio Mane (Senegal se pas bekroonde Afrika-sokkerspeler van die jaar) en sulke supersterre.”
Die tweede rondte van WB-kwalifisering in Afrika sal in Maart vanjaar afskop en duur tot in Oktober 2021. Rondte drie, geskeduleer vir November 2021, plaas die tien wenspanne van die vorige rondte teen mekaar in uitklopwedstryde, wat die vasteland se vyf plekke na Katar 2022 sal vul.
Die Fifa Wêreldbeker 2022 sal tussen 21 November en 18 Desember 3022 in Katar gespeel word.
By die vorige Wêreldbeker (Frankryk 2018) was Egipte, Marokko, Nigerië, Senegal en Tunisië die vyftal uit Afrika, wat almal in die groepfase uitgeskakel is. – NFA.org.na
Kommentaar
Republikein
Geen kommentaar is op hierdie artikel gelaat nie