Erongo se koopkrag in die donker

Otis Finck – Duisende koopkragverbruikers in die Erongostreek sit sonder elektrisiteit vanweë ‘n sagtewareprobleem by ErongoRED.
Volgens die woordvoerder van ErongoRED, mnr. Benjamin Nangombe, word alle verbruikers in dié streek geraak.
Nangombe sê ‘n sagtewareprobleem met die koopkragstelsel is die wortel van die kwaad.
Volgens hom werk tegnici sonder ophou om dit op te los en behoort aanlyndienste spoedig weer beskikbaar te wees.
Verbruikers is vanoggend via SMS oor die kwessie ingelig ná probleme gister opgeduik het.
ErongoRED sê hy is jammer oor die ongerief.