Fees van klassieke musiek ten bate van kanker
Een van die mees begaafde pianiste in Namibië, Johann van der Merwe, bied môre (22 Januarie) 'n uitvoering aan om geld in te samel om die Kankervereniging van Namibië (CAN) in hul voortgesette stryd teen kanker te ondersteun.
Hy sal verskeie komposisies deur Ludwig von Beethoven uitvoer.
Johann is in 1973 as 'n dosent by die Kollege van die Kunste (Cota) aangestel. Teen die einde van 1977 het hy 'n beurs ontvang om verder aan die Royal College of Music in Londen te studeer, waar hy sy ARCM-uitvoeringsdiploma verwerf het.
Terug in Windhoek het hy verskeie klavieruitvoerings aangebied en verskeie kere as solis saam met die Windhoekse Simfonieorkes verskyn. Ná 35 jaar as klavierdosent by Cota, het hy in 2008 afgetree. Sedert sy aftrede het hy verskeie liefdadigheidsuitvoerings ten bate van CAN en Multiple Sclerosis Namibia aangebied. Kaartjies is by die deur teen N$100 vir volwassenes en N$50 vir kinders en pensioenarisse beskikbaar. Die uitvoering begin om 19:00 by Cota.
Vir meer inligting, kontak die CAN-kantoor by 061 237 740.
Hy sal verskeie komposisies deur Ludwig von Beethoven uitvoer.
Johann is in 1973 as 'n dosent by die Kollege van die Kunste (Cota) aangestel. Teen die einde van 1977 het hy 'n beurs ontvang om verder aan die Royal College of Music in Londen te studeer, waar hy sy ARCM-uitvoeringsdiploma verwerf het.
Terug in Windhoek het hy verskeie klavieruitvoerings aangebied en verskeie kere as solis saam met die Windhoekse Simfonieorkes verskyn. Ná 35 jaar as klavierdosent by Cota, het hy in 2008 afgetree. Sedert sy aftrede het hy verskeie liefdadigheidsuitvoerings ten bate van CAN en Multiple Sclerosis Namibia aangebied. Kaartjies is by die deur teen N$100 vir volwassenes en N$50 vir kinders en pensioenarisse beskikbaar. Die uitvoering begin om 19:00 by Cota.
Vir meer inligting, kontak die CAN-kantoor by 061 237 740.
Kommentaar
Republikein
Geen kommentaar is op hierdie artikel gelaat nie