Fifa gaan sy spaarvarkie breek
Sokker
Die internasionale sokkerbeheerliggaam, Fifa, gaan geld uit sy reserwefonds beskikbaar stel om die impak van die Covid-19-pandemie op dié sport te probeer verlig.
Die versekering kom van Gianni Infantino, president van Fifa, nadat verskeie ligas oor die wêreld heen opgeskort moes word. Dit het daartoe gelei dat individue en organisasies in die bedryf nou naarstigtelik die koste van die koronavirus probeer verreken.
Infantino sê pogings moet nou aangewend word om die impak van die virus te versag.
“Fifa het ’n goeie reputasie op die finansiële markte, iets wat ons toegelaat het om goeie reserwes op te bou. Maar ons reserwes is nie Fifa se geld nie, dit is sokker se geld.
“So wanneer sokker in nood is, moet ons dink op watter maniere ons kan help . . . dit is ons plig en verantwoordelikheid,” sê Infantino.
Volgens hom het Fifa reeds met ’n konsultasieproses begin om die finansiële impak op die bedryf te bepaal.
“Jy moet weet dat ons daar sal wees om saam oplossings te vind. Jy sal nooit alleen wees nie . . . die wêreld sal weet waar die geld heengaan en net so belangrik hoekom die geld op ’n spesifieke manier gebruik word.”
Infantino het ook gevra dat geld wat later vanjaar aan federasies betaalbaar is en deel vorm van Fifa se Vorentoe-program (’n ontwikkelingsprogram), vroeër betaal word om federasies se kontantvloei te help verbeter.
“As sokker daarin kan slaag om ’n gesprek te hê waar almal positiewe bydraes kan lewer en die globale impak (van die virus) bo eie gewin kan stel, is ek oortuig ons sal ’n beter toekoms as verlede hê. Dan sal ons ook beter voorbereid wees vir dinge vorentoe.
“Ek is oortuig daarvan dat sokker ’n leidende rol daarin sal speel om mense weer bymekaar te bring wanneer dit weer veilig is om te speel. Laat ons voorberei vir daardie tyd,” sê Infantino. – TeamTalk
Die versekering kom van Gianni Infantino, president van Fifa, nadat verskeie ligas oor die wêreld heen opgeskort moes word. Dit het daartoe gelei dat individue en organisasies in die bedryf nou naarstigtelik die koste van die koronavirus probeer verreken.
Infantino sê pogings moet nou aangewend word om die impak van die virus te versag.
“Fifa het ’n goeie reputasie op die finansiële markte, iets wat ons toegelaat het om goeie reserwes op te bou. Maar ons reserwes is nie Fifa se geld nie, dit is sokker se geld.
“So wanneer sokker in nood is, moet ons dink op watter maniere ons kan help . . . dit is ons plig en verantwoordelikheid,” sê Infantino.
Volgens hom het Fifa reeds met ’n konsultasieproses begin om die finansiële impak op die bedryf te bepaal.
“Jy moet weet dat ons daar sal wees om saam oplossings te vind. Jy sal nooit alleen wees nie . . . die wêreld sal weet waar die geld heengaan en net so belangrik hoekom die geld op ’n spesifieke manier gebruik word.”
Infantino het ook gevra dat geld wat later vanjaar aan federasies betaalbaar is en deel vorm van Fifa se Vorentoe-program (’n ontwikkelingsprogram), vroeër betaal word om federasies se kontantvloei te help verbeter.
“As sokker daarin kan slaag om ’n gesprek te hê waar almal positiewe bydraes kan lewer en die globale impak (van die virus) bo eie gewin kan stel, is ek oortuig ons sal ’n beter toekoms as verlede hê. Dan sal ons ook beter voorbereid wees vir dinge vorentoe.
“Ek is oortuig daarvan dat sokker ’n leidende rol daarin sal speel om mense weer bymekaar te bring wanneer dit weer veilig is om te speel. Laat ons voorberei vir daardie tyd,” sê Infantino. – TeamTalk
Kommentaar
Republikein
Geen kommentaar is op hierdie artikel gelaat nie