Fishrotter skarrel om toegang tot bates te kry
Kristien Kruger
Een van die Fishrot-beskuldigdes het aansoek by die hoërhof in Windhoek gedoen om van sy bates, waarop die aanklaer-generaal in November 2020 op beslag gelê het, te verkoop sodat hy sy uitstaande en toekomstige regskostes kan dek.
Mnr. Ricardo Gustavo het gister voor regter Orben Sibeya verskyn en die aanklaer-generaal het versoek dat die saak uitgestel moet word. Sibeya het die versoek toegestaan en die saak is tot 6 April 2022 uitgestel.
Volgens Gustavo, beloop sy regkostes reeds sowat N$1,3 miljoen waarvan daar tans sowat een miljoen uitstaande is.
“Die rede is voor die hand liggend. Ek het eenvoudig nie die geld om vir dit te betaal nie. Ek het ook nie ander bates wat nie aan die voorlopige beslagleggingsbevel onderhewig is nie,” luidens die hofstukke.
Volgens hom sal sy prokureurs hom nie veel langer sonder betaling verteenwoordig nie.
Dit maak glo inbreuk op sy grondwetlike reg tot ’n regsverteenwoordiger van sy keuse.
“Ek is reeds twee jaar in verskeie siviele en kriminele regsgedinge betrokke en die sake gaan nie binnekort afgehandel word nie. Ek kan nie in sien hoeveel ek ten einde gaan moet opdok nie.”
Gustavo is volgens hofstukke nie van plan om al sy bates vir sy regskostes aan te wend nie, maar slegs genoeg om die kostes te dek.
Gustavo verdien ook nie meer enige vorm van inkomste nie.
Gustavo sal môre (15 Desember) uitspraak ontvang op sy formele aansoek om borgtog.
Die borgtogverhoor is op 25 November voor regter Herman Oosthuizen in die hoërhof in Windhoek afgehandel.
Medebeskuldigdes mnre. Sacky Shanghala, voormalige minister van justisie, James Hatuikulipi, voormalige voorsitter van Fishcor, Mike Nghipunya, voormalige uitvoerende hoof van Fishcor, Pius Mwatelulo, Otneel Shuudifonya en Phillipus Mwapopi se formele aansoek om borgtog sal op 24 Januarie hervat.
Mnr. Nigel van Wyk het vandeesmaand sy formele aansoek teruggetrek en sy regsverteenwoordiger, mnr. Trevor Brockerhoff, het die hof in kennis gestel hulle sal volgende jaar ’n nuwe aansoek indien. – [email protected]
Een van die Fishrot-beskuldigdes het aansoek by die hoërhof in Windhoek gedoen om van sy bates, waarop die aanklaer-generaal in November 2020 op beslag gelê het, te verkoop sodat hy sy uitstaande en toekomstige regskostes kan dek.
Mnr. Ricardo Gustavo het gister voor regter Orben Sibeya verskyn en die aanklaer-generaal het versoek dat die saak uitgestel moet word. Sibeya het die versoek toegestaan en die saak is tot 6 April 2022 uitgestel.
Volgens Gustavo, beloop sy regkostes reeds sowat N$1,3 miljoen waarvan daar tans sowat een miljoen uitstaande is.
“Die rede is voor die hand liggend. Ek het eenvoudig nie die geld om vir dit te betaal nie. Ek het ook nie ander bates wat nie aan die voorlopige beslagleggingsbevel onderhewig is nie,” luidens die hofstukke.
Volgens hom sal sy prokureurs hom nie veel langer sonder betaling verteenwoordig nie.
Dit maak glo inbreuk op sy grondwetlike reg tot ’n regsverteenwoordiger van sy keuse.
“Ek is reeds twee jaar in verskeie siviele en kriminele regsgedinge betrokke en die sake gaan nie binnekort afgehandel word nie. Ek kan nie in sien hoeveel ek ten einde gaan moet opdok nie.”
Gustavo is volgens hofstukke nie van plan om al sy bates vir sy regskostes aan te wend nie, maar slegs genoeg om die kostes te dek.
Gustavo verdien ook nie meer enige vorm van inkomste nie.
Gustavo sal môre (15 Desember) uitspraak ontvang op sy formele aansoek om borgtog.
Die borgtogverhoor is op 25 November voor regter Herman Oosthuizen in die hoërhof in Windhoek afgehandel.
Medebeskuldigdes mnre. Sacky Shanghala, voormalige minister van justisie, James Hatuikulipi, voormalige voorsitter van Fishcor, Mike Nghipunya, voormalige uitvoerende hoof van Fishcor, Pius Mwatelulo, Otneel Shuudifonya en Phillipus Mwapopi se formele aansoek om borgtog sal op 24 Januarie hervat.
Mnr. Nigel van Wyk het vandeesmaand sy formele aansoek teruggetrek en sy regsverteenwoordiger, mnr. Trevor Brockerhoff, het die hof in kennis gestel hulle sal volgende jaar ’n nuwe aansoek indien. – [email protected]
Kommentaar
Republikein
Geen kommentaar is op hierdie artikel gelaat nie