Fishrotter trek borgaansoek terug
Kristien Kruger
Die Fishrot-beskuldigde, mnr. Nigel van Wyk, se formele aansoek om borgtog is Maandag van die hofrol geskrap.
Die verhoor sou verlede week in die hoërhof in Windhoek plaasvind, maar is uitgestel omrede die verdediging en die staat onderhandel het.
Van Wyk se verteenwoordiger, adv. James Diedericks, het Maandag gesê die onderhandelinge was onsuksesvol.
“Ons versoek dat hierdie aansoek van die rol geskrap word en dan sal ons volgende jaar ’n nuwe aansoek bring,” het hy aan regter Johanna Salionga gesê. Salionga het sy versoek toegestaan.
AGTERGROND
Van Wyk is ’n voormalige werknemer van die destydse minister van justisie, mnr. Sacky Shanghala, en is in Desember 2019 in hegtenis geneem.
Van Wyk het verlede week in ’n brief aan die ombudsman, mnr. Basilius Diakghuwa, gestel sy regte is nooit aan hom deurgegee en verduidelik nie.
“Dit is hoe ek dit verstaan; as my regte nie aan my voorgelees is nie, dan was my arrestasie onwettig en is dit wat ook al op grond daarvan gebeur het, ongeldig en onwettig.”
Hy het ook in die brief gesê sy regskostes beloop tans sowat N$140 000.
“Hierdie koste is onnodig, maar onder die omstandighede word ek verplig om dit te betaal aangesien my vrylating op borgtog teengestaan word. Ek sal daarom alle koste van die prokureur-generaal (PG) se kantoor terugeis sou die hof met my saamstem my aanhouding is onwettig.”
Van Wyk staan tereg op twee aanklagte van rampokkery, drie aanklagte van geldwassery, een aanklagte van die onwettige besit van ammunisie, een aanklagte van regsverydeling, diefstal en aanranding. - [email protected]
Die Fishrot-beskuldigde, mnr. Nigel van Wyk, se formele aansoek om borgtog is Maandag van die hofrol geskrap.
Die verhoor sou verlede week in die hoërhof in Windhoek plaasvind, maar is uitgestel omrede die verdediging en die staat onderhandel het.
Van Wyk se verteenwoordiger, adv. James Diedericks, het Maandag gesê die onderhandelinge was onsuksesvol.
“Ons versoek dat hierdie aansoek van die rol geskrap word en dan sal ons volgende jaar ’n nuwe aansoek bring,” het hy aan regter Johanna Salionga gesê. Salionga het sy versoek toegestaan.
AGTERGROND
Van Wyk is ’n voormalige werknemer van die destydse minister van justisie, mnr. Sacky Shanghala, en is in Desember 2019 in hegtenis geneem.
Van Wyk het verlede week in ’n brief aan die ombudsman, mnr. Basilius Diakghuwa, gestel sy regte is nooit aan hom deurgegee en verduidelik nie.
“Dit is hoe ek dit verstaan; as my regte nie aan my voorgelees is nie, dan was my arrestasie onwettig en is dit wat ook al op grond daarvan gebeur het, ongeldig en onwettig.”
Hy het ook in die brief gesê sy regskostes beloop tans sowat N$140 000.
“Hierdie koste is onnodig, maar onder die omstandighede word ek verplig om dit te betaal aangesien my vrylating op borgtog teengestaan word. Ek sal daarom alle koste van die prokureur-generaal (PG) se kantoor terugeis sou die hof met my saamstem my aanhouding is onwettig.”
Van Wyk staan tereg op twee aanklagte van rampokkery, drie aanklagte van geldwassery, een aanklagte van die onwettige besit van ammunisie, een aanklagte van regsverydeling, diefstal en aanranding. - [email protected]
Kommentaar
Republikein
Geen kommentaar is op hierdie artikel gelaat nie