Gebore en getoë in Namibië
Die Windhoekse rockgroep Rushour het onlangs hul debuutalbum, This is Africa, vrygestel.
Die Namibiese groep het tien liedjies oor die mense, lewe en natuur van Namibië geskryf. Hul musiek is uniek wat betref die Namibiese rocktoneel, iets tussen “rock & roll” en dans-rock, en is beïnvloed deur die musiektendense van die afgelope ses dekades.
Die liedjies is hoofsaaklik deur tromspeler Johannes Löytty en hoofkitaarspeler Deny Jones geskryf. Etienne Hofmyer en Klaus Rennack, hoofsangers en onderskeidelik baskitaar- en ritmekitaarspeler, het hulle bydraes tot die liedjies gemaak deur sekere sosiale gebeure sedert onafhanklikheid te pen. Die album is opgeneem en geredigeer deur Groove Studios in Windhoek. Liedjies soos “Sand&Stones”, “Taxi Driver” en “Look at the Sky” staan uit as ware weerspieëlings van die lewe in Namibië.
Die groep sien uit daarna om hierdie album op die plaaslike, nasionale en internasionale mark as eg Namibies vry te stel en hoop dit sal ook mense buite Namibië interesseer. Dit is beskikbaar by Namibia Book Market, Macadamstraat, Windhoek, en ook by ander uitgesoekte plaaslike handelaars. Die album kan ook aanlyn van bekende digitale handelaars afgelaai word. Die groep sal die album op 5 Maart tydens ? optrede by die Warehouse Teater bekendstel. Ander bekende plaaslike kunstenaars soos Penilane, Roadhouse Blues en Gasoline sal ook tydens dié geleentheid optree.
Rushour tree dikwels by The Boiler Room en La Brocante op en die groep is veral gewild onder mense wat agtergrondmusiek by hul ete wil geniet en ook op die dansvloer wil uitkom. Rushour tree ook by private partytjies op en is altyd gretig om met nuwe materiaal te vermaak. Sedert die vertrek van Deny Jones na Europa tree die groep saam met hul nuwe hoofkitaarspeler, Andreas Hofmeyr, op. Hulle is nou gereed om plaaslike gehore met liedjies van die debuutalbum sowel as die musiek van ander kunstenaars te vermaak.
Vir meer inligting kontak Klaus Rennack by +264 85 563 8368 of [email protected] en op www.facebook.com.rushournam.
Die Namibiese groep het tien liedjies oor die mense, lewe en natuur van Namibië geskryf. Hul musiek is uniek wat betref die Namibiese rocktoneel, iets tussen “rock & roll” en dans-rock, en is beïnvloed deur die musiektendense van die afgelope ses dekades.
Die liedjies is hoofsaaklik deur tromspeler Johannes Löytty en hoofkitaarspeler Deny Jones geskryf. Etienne Hofmyer en Klaus Rennack, hoofsangers en onderskeidelik baskitaar- en ritmekitaarspeler, het hulle bydraes tot die liedjies gemaak deur sekere sosiale gebeure sedert onafhanklikheid te pen. Die album is opgeneem en geredigeer deur Groove Studios in Windhoek. Liedjies soos “Sand&Stones”, “Taxi Driver” en “Look at the Sky” staan uit as ware weerspieëlings van die lewe in Namibië.
Die groep sien uit daarna om hierdie album op die plaaslike, nasionale en internasionale mark as eg Namibies vry te stel en hoop dit sal ook mense buite Namibië interesseer. Dit is beskikbaar by Namibia Book Market, Macadamstraat, Windhoek, en ook by ander uitgesoekte plaaslike handelaars. Die album kan ook aanlyn van bekende digitale handelaars afgelaai word. Die groep sal die album op 5 Maart tydens ? optrede by die Warehouse Teater bekendstel. Ander bekende plaaslike kunstenaars soos Penilane, Roadhouse Blues en Gasoline sal ook tydens dié geleentheid optree.
Rushour tree dikwels by The Boiler Room en La Brocante op en die groep is veral gewild onder mense wat agtergrondmusiek by hul ete wil geniet en ook op die dansvloer wil uitkom. Rushour tree ook by private partytjies op en is altyd gretig om met nuwe materiaal te vermaak. Sedert die vertrek van Deny Jones na Europa tree die groep saam met hul nuwe hoofkitaarspeler, Andreas Hofmeyr, op. Hulle is nou gereed om plaaslike gehore met liedjies van die debuutalbum sowel as die musiek van ander kunstenaars te vermaak.
Vir meer inligting kontak Klaus Rennack by +264 85 563 8368 of [email protected] en op www.facebook.com.rushournam.
Kommentaar
Republikein
Geen kommentaar is op hierdie artikel gelaat nie