Paniek dryf koopmanie
Winkels kan nie voorbly met die verskaffing van items soos handreiniger en ontsmetmiddels nie.
Tanja Bause – Daar is tans geen tekort aan toiletpapier in Namibië nie.
Dit is egter nié die geval wat waterlose handreinigers, ontsmetmiddels, gesigmaskers en vitamien C-aanvullings betref nie.
Volgens mnr. Absalom Hamukwaya, takbestuurder van die WB-supermark in Eros, het mense die winkel Saterdag binnegeval en ontsmetmiddels, vitamien C en ontsmetlappies gekoop.
“Waterlose handreinigers was in die week al uitverkoop. Saterdag het mense enige bottel gekoop waarop ‘antisepties’ of ‘ontsmetmiddel’ staan. Alles is uitverkoop, ook al ons bruistablette, tablette en stroop wat vitamien C bevat,” sê hy.
’n Werknemer van Checkers in die hoofstad sê hulle het tot dusver geen probleem met die verskaffing van toiletpapier ervaar nie.
“Daarvan het ons genoeg. Waterlose handreinigers is egter uitverkoop. As ons ’n bestelling kry en die rakke vol pak, is dit amper onmiddellik weer uitverkoop. Ons verwag egter vandag ’n nuwe besending en sal dan weer op die rakke hê.”
’n Apteker van Lifestyle Pharmacy in Windhoek sê hul gesigmaskers was al in Januarie uitverkoop.
“Ons bly bestel, maar soos dit inkom, verkoop dit uit. Ons waterlose handreinigers is ook lankal uitverkoop. Ons het klein plastiekbottels met handreiniger uit groot bottels gevul en verkoop, maar nou het ons nie meer klein plastiekbotteltjies nie,” sê sy.
Beide die apteker en die Checkers-werknemer sê verskaffers uit Suid-Afrika sê hulle kan nie meer in die vraag na veral waterlose handreinigers voorsien nie, omdat Suid-Afrika dit self benodig.
Super Spar Maerua se vloerbestuurder sê ook hul winkel is veral Saterdag deur mense oorval wat ontsmetmiddels, waterlose handreinigers, ontsmetlappies en antiseptiese reinigers aangeskaf het.
“Ons het bestel en die verskaffers het belowe hulle sal vandeesweek lewer. Mense moet net kalmeer. Alles is bestel en die rakke gaan nie leeg bly nie,” sê sy.
By Fruit & Veg in Maerua Mall dra personeel reeds handskoene en is ontsmetlappies by die ingang beskikbaar.
Otis Finck op Walvisbaai berig me. Rianda Holmberg van die Dunes Mall Pharmacy op die hawedorp sê maskers en handreinigers is uitverkoop.
“Ek het vir my personeel maskers gegee omdat ons met siek mense werk. Dit help nie as massahisterie uitbreek nie. Ons moet positief bly,” sê sy.
“As mense nie maskers kan kry nie kan hulle ook ’n serp gebruik as hulle iets vir beskerming wil gebruik. Mense sê ook die gebruik van ontsmetmiddels help nie, maar ons het weer handreinigers bestel. Ons probeer almal help.”
– [email protected]
Dit is egter nié die geval wat waterlose handreinigers, ontsmetmiddels, gesigmaskers en vitamien C-aanvullings betref nie.
Volgens mnr. Absalom Hamukwaya, takbestuurder van die WB-supermark in Eros, het mense die winkel Saterdag binnegeval en ontsmetmiddels, vitamien C en ontsmetlappies gekoop.
“Waterlose handreinigers was in die week al uitverkoop. Saterdag het mense enige bottel gekoop waarop ‘antisepties’ of ‘ontsmetmiddel’ staan. Alles is uitverkoop, ook al ons bruistablette, tablette en stroop wat vitamien C bevat,” sê hy.
’n Werknemer van Checkers in die hoofstad sê hulle het tot dusver geen probleem met die verskaffing van toiletpapier ervaar nie.
“Daarvan het ons genoeg. Waterlose handreinigers is egter uitverkoop. As ons ’n bestelling kry en die rakke vol pak, is dit amper onmiddellik weer uitverkoop. Ons verwag egter vandag ’n nuwe besending en sal dan weer op die rakke hê.”
’n Apteker van Lifestyle Pharmacy in Windhoek sê hul gesigmaskers was al in Januarie uitverkoop.
“Ons bly bestel, maar soos dit inkom, verkoop dit uit. Ons waterlose handreinigers is ook lankal uitverkoop. Ons het klein plastiekbottels met handreiniger uit groot bottels gevul en verkoop, maar nou het ons nie meer klein plastiekbotteltjies nie,” sê sy.
Beide die apteker en die Checkers-werknemer sê verskaffers uit Suid-Afrika sê hulle kan nie meer in die vraag na veral waterlose handreinigers voorsien nie, omdat Suid-Afrika dit self benodig.
Super Spar Maerua se vloerbestuurder sê ook hul winkel is veral Saterdag deur mense oorval wat ontsmetmiddels, waterlose handreinigers, ontsmetlappies en antiseptiese reinigers aangeskaf het.
“Ons het bestel en die verskaffers het belowe hulle sal vandeesweek lewer. Mense moet net kalmeer. Alles is bestel en die rakke gaan nie leeg bly nie,” sê sy.
By Fruit & Veg in Maerua Mall dra personeel reeds handskoene en is ontsmetlappies by die ingang beskikbaar.
Otis Finck op Walvisbaai berig me. Rianda Holmberg van die Dunes Mall Pharmacy op die hawedorp sê maskers en handreinigers is uitverkoop.
“Ek het vir my personeel maskers gegee omdat ons met siek mense werk. Dit help nie as massahisterie uitbreek nie. Ons moet positief bly,” sê sy.
“As mense nie maskers kan kry nie kan hulle ook ’n serp gebruik as hulle iets vir beskerming wil gebruik. Mense sê ook die gebruik van ontsmetmiddels help nie, maar ons het weer handreinigers bestel. Ons probeer almal help.”
– [email protected]
Kommentaar
Republikein
Geen kommentaar is op hierdie artikel gelaat nie