'Gemene benadering' gesoek
Die Instituut vir Openbare Beleidsnavorsing is tans in gesprek oor wette wat verband hou met kuberveiligheid en -misdaad.
Steffi Balzar
Die Instituut vir Openbare Beleidsnavorsing (IPPR) het op 24 Augustus 'n openbare inligtingsessie getiteld “Mainstreaming Human Rights in Cybersecurity and Cybercrime Policism Processes” aangebied.
Die hooffokus was op die inagneming van die burgerlike samelewing en hul menseregte tydens die opstel van wette wat verband hou met kuberveiligheid en die bekamping van kubermisdaad.
Mnr. Frederico Links van die IPPR het verduidelik daar is steeds beperkte toegang tot betroubare data oor kubermisdaad in Namibië, en dikwels publiseer slegs finansiële instellings sporadies aankondigings oor kuberkrakery.
Volgens Links is kubermisdaad egter 'n groeiende probleem wat verskillende vorms kan aanneem en toenemend deur regerings oraloor die wêreld getakel moet word deur middel van wetgewing en wetshervorming, insluitend in Afrika. Wat menseregte betref, kan van dié staatspogings om in te gryp egter as problematies beskou word, veral op die gebied van taalgebruik, wat byvoorbeeld die regte van joernaliste, aktiviste of die opposisie beperk.
In Namibië word twee wetsontwerpe oor kubermisdaad en databeskerming tans voorberei, maar nie die ministerie van inligting en kommunikasietegnologie, óf die ministerie van justisie kon in dié stadium 'n presiese tydsraamwerk vir die voltooiing daarvan aan die IPPR verskaf nie.
Volgens Links is die betrekking van verskeie belanghebbendes by die wetsontwerpproses afgeskeep. Dít is 'n probleem, want kubermisdaad het byvoorbeeld nie net betrekking op die veiligheidsektor nie, maar ook op ander sektore wat oor relevante kennis in dié verband beskik.
Die Regshulpsentrum (LAC) het intussen 'n ontleding van die konsepwet oor kubermisdaad voorgelê wat gebaseer is op die nuutste openbaar beskikbare weergawe van die konsep.
Van die gevolgtrekkings is dat die huidige konsep onder meer nie lyk asof dit verhandeling in wagwoorde aanroer nie, en dat die standaard vir die omskrywing van teistering te wyd is.
Die LAC het onder meer aanbeveel dat toegang tot inligting nie deur kubermisdaadwetgewing oorskadu moet word nie, maar in 'n aparte wet behandel moet word. Dieselfde geld vir databeskerming, lui die verklaring.
Een wet moet die kwessie van aanlyn en vanlyn teistering hanteer om die slagoffers van beide te beskerm. Die kwessie van kinderpornografie was ook 'n fokuspunt. Volgens die LAC moet dié kwessie in 'n meer omvattende wet behandel word. Daarbenewens moet die definisie van “versorging” in die wetsontwerp ook persone met ernstige geestelike gestremdhede insluit.
- [email protected]
Die Instituut vir Openbare Beleidsnavorsing (IPPR) het op 24 Augustus 'n openbare inligtingsessie getiteld “Mainstreaming Human Rights in Cybersecurity and Cybercrime Policism Processes” aangebied.
Die hooffokus was op die inagneming van die burgerlike samelewing en hul menseregte tydens die opstel van wette wat verband hou met kuberveiligheid en die bekamping van kubermisdaad.
Mnr. Frederico Links van die IPPR het verduidelik daar is steeds beperkte toegang tot betroubare data oor kubermisdaad in Namibië, en dikwels publiseer slegs finansiële instellings sporadies aankondigings oor kuberkrakery.
Volgens Links is kubermisdaad egter 'n groeiende probleem wat verskillende vorms kan aanneem en toenemend deur regerings oraloor die wêreld getakel moet word deur middel van wetgewing en wetshervorming, insluitend in Afrika. Wat menseregte betref, kan van dié staatspogings om in te gryp egter as problematies beskou word, veral op die gebied van taalgebruik, wat byvoorbeeld die regte van joernaliste, aktiviste of die opposisie beperk.
In Namibië word twee wetsontwerpe oor kubermisdaad en databeskerming tans voorberei, maar nie die ministerie van inligting en kommunikasietegnologie, óf die ministerie van justisie kon in dié stadium 'n presiese tydsraamwerk vir die voltooiing daarvan aan die IPPR verskaf nie.
Volgens Links is die betrekking van verskeie belanghebbendes by die wetsontwerpproses afgeskeep. Dít is 'n probleem, want kubermisdaad het byvoorbeeld nie net betrekking op die veiligheidsektor nie, maar ook op ander sektore wat oor relevante kennis in dié verband beskik.
Die Regshulpsentrum (LAC) het intussen 'n ontleding van die konsepwet oor kubermisdaad voorgelê wat gebaseer is op die nuutste openbaar beskikbare weergawe van die konsep.
Van die gevolgtrekkings is dat die huidige konsep onder meer nie lyk asof dit verhandeling in wagwoorde aanroer nie, en dat die standaard vir die omskrywing van teistering te wyd is.
Die LAC het onder meer aanbeveel dat toegang tot inligting nie deur kubermisdaadwetgewing oorskadu moet word nie, maar in 'n aparte wet behandel moet word. Dieselfde geld vir databeskerming, lui die verklaring.
Een wet moet die kwessie van aanlyn en vanlyn teistering hanteer om die slagoffers van beide te beskerm. Die kwessie van kinderpornografie was ook 'n fokuspunt. Volgens die LAC moet dié kwessie in 'n meer omvattende wet behandel word. Daarbenewens moet die definisie van “versorging” in die wetsontwerp ook persone met ernstige geestelike gestremdhede insluit.
- [email protected]
Kommentaar
Republikein
Geen kommentaar is op hierdie artikel gelaat nie