Gerson Kandjii is skoonveld

Kenya Kambowe en verslaggewers - Die vermeende moordenaar en renosterstroper, dr. Gerson Kandjii, het nie Vrydag sy opwagting in die landdroshof op Okahao gemaak nie.’n Lasbrief is vir die inhegtenisneming van die voormalige spandokter van die Brave Warriors en sy medebeskuldigde, mnr. Stephanus David, uitgereik. Hulle moet op 12 Augustus weer voorkom en verduidelik waarom hulle versuim het om Vrydag in die hof te verskyn. Die moontlikheid bestaan dat hulle hul borgtoggeld aan die staat kan verbeur.Die drie ander beskuldigdes, mnr. Karunga Martin, Hinu Lucky and Daniel Nghidinwa, het voor landdros Peingeondjabi Shipoh verskyn en sy het die verhoor tot 23 September uitgestel.Die vyf is aangekla van die onwettige jag van spesiaal beskermde wild, die besit van ’n vuurwapen sonder ’n lisensie en die onwettige besit van ammunisie. Hulle is in November 2014 in verband met renosterstropery in die Etosha Nasionale Park in hegtenis geneem. Kandjii is vroeg Januarie 2015 op borgtog van N$20 000 vrygelaat voordat sy jaggeweer deur middel van ballistiese toetse aan die Etosha-stropings gekoppel kon word. Die ander vier verdagtes is ook op borgtog vrygelaat. Intussen het Kandjii ook ’n klag van die moord op die bejaarde Duitse burger, mnr. Reinhardt Schmidt, op sy jagplaas naby Kalkrand in Februarie 2015, op sy kerfstok. Hy en sy medebeskudligdes, mnre. Erwin Tjiteer, Domingo Juseus, Stefanus Jarson en Mawapunchila Nakapanda, is in Maart 2015 in hegtenis geneem en in November 2015 op borgtog van N$5 000 vrygelaat. Toe die verdagtes in Maart 2015 in hegtenis geneem is, is gespekuleer dat hulle moontlik deel is van ’n sindikaat verantwoordelik vir renosterstropery, en dat hulle Schmidt se hoodia-jagplaas vir ’n ruk lank dopgehou het aangesien hy van voorneme was om renosters by die wild op die plaas te voeg.

Gerson Kandjii is skoonveld

Kommentaar

Republikein 2025-04-21

Meld asseblief aan om kommentaar te lewer

Gerson Kandjii is skoonveld

Kommentaar

Republikein 2025-04-21

Meld asseblief aan om kommentaar te lewer

MELD AAN

Advertensie