Gewapende magte verneder, rand mense aan
Tydens die staat van inperking is die Namibiese veiligheidsmagte verskeie kere van onnodige gewelddadige optrede beskuldig.
Jana-Mari Smith - Die Covid-19-pandemie het aanleiding gegee tot verskeie hofsake teen veiligheidsmagte. Hulle word van onnodige gewelddadige en onmenslike behandeling van lede van die publiek beskuldig.
Vyf Namibiërs uit die Erongo- en Oshanastreek het met die hulp van mnr. Norman Tjombe, ‘n prokureur, regstappe teen die Namibiese polisie en -weermag geneem. Dít na bewerings van gewelddadige- en vernederende aanrandings, skending van menseregte en onwettige inhegtenisnemings tydens April.
Verskeie siviele hofsake wat verband hou met regskending spruit uit die voormalige gesamentlike polisie- en weermag operasies Kalahariwoestyn en -Hornkranz.
Mnr. Reinhold Tangeni Uusiku dagvaar die polisie en die Namibiese weermag (NDF) ná hy gedwing is om in modder te rol terwyl tuisgemaakte bier oor hom gegooi word.
Beeldmateriaal van dié toneel by die Ehke-Etemba-nedersetting in die Oshanastreek het vroeër vandeesmaand hewige reaksie op sosiale media uitgelok.
In Uusiku se eis beskuldig hy die gewapende magte, wat op 6 April teenwoordig was, hulle het hom geskop en geslaan. Hy sê hy is ook met ‘n sambok geslaan. Daarná is hy beveel om op die grond te lê terwyl drank oor hom gegooi en hy getart is.
Uusiku sê hy het fisieke beserings opgedoen en ly aan sielkundige trauma ná die voorval. Hy sê hy het “verneder en getraumatiseer” gevoel.
Hy dagvaar ook vir skade wat aan sy eiendom aangerig is en vir die skending van sy privaatheid, en beskuldig die gewapende magte hulle het sy huis sonder ‘n lasbrief binnegegaan.
Die polisiehoof, mnr. Sebastian Ndeitunga, het die voorval destyds sterk veroordeel.
Hy het gesê terwyl sommige personeellede hulle uitstekend van hul taak kwyt om burgers met respek te behandel, is ander se optrede onprofessioneel en nie in ooreenstemming met die polisie se mandaat nie.
GEBROKE
Op Saterdag 4 April is ‘n groep polisielede en soldate van gewelddadige optrede teenoor mnr. Jesaja Nelumbo Hango beskuldig. Hy is glo só erg aangerand dat sy arm gebreek is en by ‘n private hospitaal op Swakopmund geopereer moes word.
Hango, ‘n elektrisiën by die Rossing Uranium-myn, sê in sy eis die voorval het hom met fisieke- en sielkundige pyn gelaat en hy het “getraumatiseer en verneder” gevoel.
Die aanranding het voor mense plaasgevind, wat sy waardigheid skade berokken het.
Hango eis N$1 miljoen se skadevergoeding.
Op dieselfde dag wat Hango aangerand is, is die Swakopmund-polisie ook van die aanranding van mnre. Ruben Asser en Simson Simon beskuldig.
In regsdokumente sê dié twee die polisie het “ons gedwing om op die grond te lê en in die stof rond te rol” in die DRC- informele nedersetting op Swakopmund, naby die Mondesa-polisiestasie. Hulle is ook voor die tyd geskop en geslaan.
Die aanval is op kamera vasgelê en wyd op sosiale media gedeel. Asser en Simson beweer dit het tot hulle vernedering en pyn bygedra.
Asser en Simon het altwee ernstige beserings opgedoen.
ONGEREGTIGHEID
Mnr. Ashley Friedburgh sê in sy eis hy is onwettig op Dinsdag 7 April in hegtenis geneem en deur die polisie en soldate naby die Hentiesbaai-polisiestasie aangehou.
Friedburgh sê hy is “herhaaldelik met ‘n sweep op sy rug geslaan” en gedwing om “fisieke oefeninge te doen.”
Hy het verskeie beserings opgedoen en die voorval het hom ook verneder en bang gelaat.
In nie een van dié gevalle was dit moontlik om die oortreders te identifiseer nie.
Tjombe het dié week bevestig sy kliënte se hofsake is hangend en die verweerders het die nodige geskrewe kennisgewings van die sake teen hulle ontvang. Die dagvaardings sal middel-Mei by die hof ingedien word.
In April het die Regshulpsentrum (LAC) ‘n Your rights in a global pandemic-publikasie bekend gestel.
Ten spyte van die noodtoestand en die staat van inperking word daar van veiligheidsmagte verwag om “tydens die uitvoering van hulle pligte seker te maak geen menseregte word geskend nie, en te onthou sekere grondwetlike regte kan nie geïgnoreer word nie.”
Die LAC het gewaarsku selfs te midde van die huidige toestand, kan geen persoon aan marteling of onmenslike of vernederende behandeling of straf onderwerp word nie.
Volgens die LAC moet veiligheidsmagte "oordeel aan die dag lê” as dit by fisieke geweld kom en nie die inperking gebruik as ‘n “regverdiging vir die skending van menseregte nie.”
- [email protected]
Vyf Namibiërs uit die Erongo- en Oshanastreek het met die hulp van mnr. Norman Tjombe, ‘n prokureur, regstappe teen die Namibiese polisie en -weermag geneem. Dít na bewerings van gewelddadige- en vernederende aanrandings, skending van menseregte en onwettige inhegtenisnemings tydens April.
Verskeie siviele hofsake wat verband hou met regskending spruit uit die voormalige gesamentlike polisie- en weermag operasies Kalahariwoestyn en -Hornkranz.
Mnr. Reinhold Tangeni Uusiku dagvaar die polisie en die Namibiese weermag (NDF) ná hy gedwing is om in modder te rol terwyl tuisgemaakte bier oor hom gegooi word.
Beeldmateriaal van dié toneel by die Ehke-Etemba-nedersetting in die Oshanastreek het vroeër vandeesmaand hewige reaksie op sosiale media uitgelok.
In Uusiku se eis beskuldig hy die gewapende magte, wat op 6 April teenwoordig was, hulle het hom geskop en geslaan. Hy sê hy is ook met ‘n sambok geslaan. Daarná is hy beveel om op die grond te lê terwyl drank oor hom gegooi en hy getart is.
Uusiku sê hy het fisieke beserings opgedoen en ly aan sielkundige trauma ná die voorval. Hy sê hy het “verneder en getraumatiseer” gevoel.
Hy dagvaar ook vir skade wat aan sy eiendom aangerig is en vir die skending van sy privaatheid, en beskuldig die gewapende magte hulle het sy huis sonder ‘n lasbrief binnegegaan.
Die polisiehoof, mnr. Sebastian Ndeitunga, het die voorval destyds sterk veroordeel.
Hy het gesê terwyl sommige personeellede hulle uitstekend van hul taak kwyt om burgers met respek te behandel, is ander se optrede onprofessioneel en nie in ooreenstemming met die polisie se mandaat nie.
GEBROKE
Op Saterdag 4 April is ‘n groep polisielede en soldate van gewelddadige optrede teenoor mnr. Jesaja Nelumbo Hango beskuldig. Hy is glo só erg aangerand dat sy arm gebreek is en by ‘n private hospitaal op Swakopmund geopereer moes word.
Hango, ‘n elektrisiën by die Rossing Uranium-myn, sê in sy eis die voorval het hom met fisieke- en sielkundige pyn gelaat en hy het “getraumatiseer en verneder” gevoel.
Die aanranding het voor mense plaasgevind, wat sy waardigheid skade berokken het.
Hango eis N$1 miljoen se skadevergoeding.
Op dieselfde dag wat Hango aangerand is, is die Swakopmund-polisie ook van die aanranding van mnre. Ruben Asser en Simson Simon beskuldig.
In regsdokumente sê dié twee die polisie het “ons gedwing om op die grond te lê en in die stof rond te rol” in die DRC- informele nedersetting op Swakopmund, naby die Mondesa-polisiestasie. Hulle is ook voor die tyd geskop en geslaan.
Die aanval is op kamera vasgelê en wyd op sosiale media gedeel. Asser en Simson beweer dit het tot hulle vernedering en pyn bygedra.
Asser en Simon het altwee ernstige beserings opgedoen.
ONGEREGTIGHEID
Mnr. Ashley Friedburgh sê in sy eis hy is onwettig op Dinsdag 7 April in hegtenis geneem en deur die polisie en soldate naby die Hentiesbaai-polisiestasie aangehou.
Friedburgh sê hy is “herhaaldelik met ‘n sweep op sy rug geslaan” en gedwing om “fisieke oefeninge te doen.”
Hy het verskeie beserings opgedoen en die voorval het hom ook verneder en bang gelaat.
In nie een van dié gevalle was dit moontlik om die oortreders te identifiseer nie.
Tjombe het dié week bevestig sy kliënte se hofsake is hangend en die verweerders het die nodige geskrewe kennisgewings van die sake teen hulle ontvang. Die dagvaardings sal middel-Mei by die hof ingedien word.
In April het die Regshulpsentrum (LAC) ‘n Your rights in a global pandemic-publikasie bekend gestel.
Ten spyte van die noodtoestand en die staat van inperking word daar van veiligheidsmagte verwag om “tydens die uitvoering van hulle pligte seker te maak geen menseregte word geskend nie, en te onthou sekere grondwetlike regte kan nie geïgnoreer word nie.”
Die LAC het gewaarsku selfs te midde van die huidige toestand, kan geen persoon aan marteling of onmenslike of vernederende behandeling of straf onderwerp word nie.
Volgens die LAC moet veiligheidsmagte "oordeel aan die dag lê” as dit by fisieke geweld kom en nie die inperking gebruik as ‘n “regverdiging vir die skending van menseregte nie.”
- [email protected]
Kommentaar
Republikein
Geen kommentaar is op hierdie artikel gelaat nie