Gift of the Givers gaan in Indonesië help
Die Suid-Afrikaanse noodlenigingsorganisasie Gift of the Givers se noodreddingspanne het gister na Indonesië vertrek in die nadraai van ’n vernietigende aardbewing en tsoenami wat die land Vrydag getref het.
Gift of the Givers gaan help op versoek van pres. Joko Widodo van Indonesië.
Dr. Imtiaz Sooliman, stigter van Gift of the Givers, sê hulle gaan bystand aan inwoners lewer.
Sooliman het aan Netwerk24 gesê soek- en noodreddingspanne met hoogs gespesialiseerde toerusting, vergesel van ’n gekeurde groep noodreddingspersoneel, sal aanvanklik na Indonesië vertrek.
“Indien nodig, sal ’n groter mediese afvaardiging, ook met gespesialiseerde toerusting, ’n dag of twee later volg.
“Logistiek, diplomasie, die aankoop van belangrike voorrade soos water, kos, brandstof en medisyne, vervoer, veiligheid, en fynere bygewerkte inligting kry tans voorkeur ter voorbereiding van ons vertrek.”
Hy sê inligting oor die dodetal, die vermistes, beseerdes en oorlewendes wat vasgekeer is, word bemoeilik weens die ontoeganklikheid van die gebied.
“Die ontplooiing van ons ervare spanne in die hart van die ramp sal meebring dat inligting eerstehands bekom kan word.” – Netwerk24
Gift of the Givers gaan help op versoek van pres. Joko Widodo van Indonesië.
Dr. Imtiaz Sooliman, stigter van Gift of the Givers, sê hulle gaan bystand aan inwoners lewer.
Sooliman het aan Netwerk24 gesê soek- en noodreddingspanne met hoogs gespesialiseerde toerusting, vergesel van ’n gekeurde groep noodreddingspersoneel, sal aanvanklik na Indonesië vertrek.
“Indien nodig, sal ’n groter mediese afvaardiging, ook met gespesialiseerde toerusting, ’n dag of twee later volg.
“Logistiek, diplomasie, die aankoop van belangrike voorrade soos water, kos, brandstof en medisyne, vervoer, veiligheid, en fynere bygewerkte inligting kry tans voorkeur ter voorbereiding van ons vertrek.”
Hy sê inligting oor die dodetal, die vermistes, beseerdes en oorlewendes wat vasgekeer is, word bemoeilik weens die ontoeganklikheid van die gebied.
“Die ontplooiing van ons ervare spanne in die hart van die ramp sal meebring dat inligting eerstehands bekom kan word.” – Netwerk24
Kommentaar
Republikein
Geen kommentaar is op hierdie artikel gelaat nie