GIPF belê in Tsumeb Private Hospitaal

Die regering se pensioenfonds (GIPF) het N$10 miljoen in die Tsumeb Private Hospitaal belê. Volgens die GIPF se uitvoerende hoof, mnr. David Nuyoma, beteken dit 'n eienaarskap van 49% in die hospitaal. Die belegging het ten doel om die hospitaal se stel spesialiste te diversifiseer wat sal beteken meer dienste kan hier gelewer word. Tans bied dit onder meer 'n nood- en intensiewesorgeenheid, sowel as kraamafdeling en aptekersdienste. Die hospitaal het geriewe vir 40 beddens, twee teaters, een herstelkamer, 'n kraamafdeling, rehabiliteringsgeriewe, apteek, ten volle operasionele gesondheidskliniek, Pathcare-laboratorium, X-straalgeriewe, sowel as 'n ongevalle-afdeling. - Nampa