Goeie nuus vir wilde perde
Die ministerie se bestuurplan erken dié perdebevolking se ongeskondenheid as noodsaaklik vir die diere se langtermynoorlewing.
Tanja Bause - Garub se wilde perde word eindelik as waardevol vir die toerismebedryf erken.
Die ministerie van die omgewing en toerisme het onlangs hul wilde perde-bestuurplan uitgereik.
Dié plan sit die doelstellings en riglyne vir die bestuur van die perde uiteen.
Goeie nuus vir die diere is dat, hoewel hulle nie die bewaringstatus van wilde diere het nie, hulle erken word as van waarde vir beide toerisme en die plaaslike gemeenskappe wat ’n inkomste deur konsessies verdien, lui ’n verklaring wat die Namibia Wild Horses Foundation (NWHF) uitgereik het.
Die bestuurplan erken die bevolking se ongeskondenheid as noodsaaklik vir die perde se langtermynoorlewing.
Die ministerie is toegewy daaraan om volhoubare maniere te vind om konflik tussen die perde en die hiënas in die omgewing te bestuur.
Dit kan die aanbring van ’n hiëna-vastedraad behels, of patrollies in die gebied wat die hiënas wegjaag, asook meer waarskuwingspadtekens.
Die Garub-gebied moet gesoneer word as ‘“Bestuurde hulpbrongebruiksone”, wat konsessies moontlik maak.
Die sone sal toelaat dat die perde in tye van ernstige droogte ondersteun word en teen roofdiere beskerm word.
Die perde moet in die omgewing bly en geen kuratorskap of verskuiwing na ’n veiliger gebied sal oorweeg word nie.
Die ministerie beveel die voortdurende monitering van die perdebevolking aan om te verseker die Garub-omgewing se drakrag word ekologies gehandhaaf.
“Die belangrikste is dat ’n aksiegroep, wat uit plaaslike gemeenskappe en belanghebbendes bestaan, gestig is om aanbevelings aan die ministerie te maak,” sê me. Helen Kolb van die NWHF.
Meer padtekens sal opgerig word om motoriste te waarsku om stadiger te ry omdat die perde dikwels langs die pad wei.
“Dit is iets wat die aksiegroep sal opneem. Aan die suidelike kant van die pad is gras, terwyl Garub, en dus hul waterpunt, aan die noordelike kant is. Die perde loop dus oor die pad en voertuie en vragmotors is ’n groot gevaar vir hulle.
“Ons wil ook weer ’n beroep op alle mense doen dat hulle die perde asseblief nie moet voer nie. Motoriste voer hulle allerhande soorte kos, wat nadelig vir hul spysverteringstelsels kan wees. Wanneer die perde gevoer word, skep dit ’n verband tussen voertuie en kos, wat hulle na die pad toe kan lok en tot hul dood kan lei,” sê sy.
Die ministerie van die omgewing en toerisme het onlangs hul wilde perde-bestuurplan uitgereik.
Dié plan sit die doelstellings en riglyne vir die bestuur van die perde uiteen.
Goeie nuus vir die diere is dat, hoewel hulle nie die bewaringstatus van wilde diere het nie, hulle erken word as van waarde vir beide toerisme en die plaaslike gemeenskappe wat ’n inkomste deur konsessies verdien, lui ’n verklaring wat die Namibia Wild Horses Foundation (NWHF) uitgereik het.
Die bestuurplan erken die bevolking se ongeskondenheid as noodsaaklik vir die perde se langtermynoorlewing.
Die ministerie is toegewy daaraan om volhoubare maniere te vind om konflik tussen die perde en die hiënas in die omgewing te bestuur.
Dit kan die aanbring van ’n hiëna-vastedraad behels, of patrollies in die gebied wat die hiënas wegjaag, asook meer waarskuwingspadtekens.
Die Garub-gebied moet gesoneer word as ‘“Bestuurde hulpbrongebruiksone”, wat konsessies moontlik maak.
Die sone sal toelaat dat die perde in tye van ernstige droogte ondersteun word en teen roofdiere beskerm word.
Die perde moet in die omgewing bly en geen kuratorskap of verskuiwing na ’n veiliger gebied sal oorweeg word nie.
Die ministerie beveel die voortdurende monitering van die perdebevolking aan om te verseker die Garub-omgewing se drakrag word ekologies gehandhaaf.
“Die belangrikste is dat ’n aksiegroep, wat uit plaaslike gemeenskappe en belanghebbendes bestaan, gestig is om aanbevelings aan die ministerie te maak,” sê me. Helen Kolb van die NWHF.
Meer padtekens sal opgerig word om motoriste te waarsku om stadiger te ry omdat die perde dikwels langs die pad wei.
“Dit is iets wat die aksiegroep sal opneem. Aan die suidelike kant van die pad is gras, terwyl Garub, en dus hul waterpunt, aan die noordelike kant is. Die perde loop dus oor die pad en voertuie en vragmotors is ’n groot gevaar vir hulle.
“Ons wil ook weer ’n beroep op alle mense doen dat hulle die perde asseblief nie moet voer nie. Motoriste voer hulle allerhande soorte kos, wat nadelig vir hul spysverteringstelsels kan wees. Wanneer die perde gevoer word, skep dit ’n verband tussen voertuie en kos, wat hulle na die pad toe kan lok en tot hul dood kan lei,” sê sy.
Kommentaar
Republikein
Geen kommentaar is op hierdie artikel gelaat nie