Graad 11 (NSSCO)-uitslae Vrydag bekend

Die uitslae van die Namibië Senior Sekondêre Sertifikaat Gewone Vlak - NSSCO - (graad 11) vir beide voltydse en deeltydse kandidate word Vrydag vrygestel. Volgens die ministerie van onderwys, kuns en kultuur sal die uitslae in die gedrukte media, op die ministerie se webtuiste by www.moe.gov.na of alternatiewelik via sms beskikbaar wees.
Kandidate kan hul kandidaatnommers sms aan 99099 of 55755. Beide die webtuiste en die sms-lyn sal Vrydag vanaf 12:15 aktief wees. Die uitslae sal ook by streekskantore tydens kantoorure beskikbaar wees.