Graad 11's en 12's wil terug skool toe
Suid-Afrikaanse universiteite gaan nie hul jaarplanne verander om by Namibiese leerlinge aan te pas wat eers in Junie 2021 hul akademiese jaar voltooi nie.
Henriette Lamprecht
“Ons graad 11- en 12-leerlinge moet hul eksterne eksamens in Oktober skryf en ons sal ons tot die hoogste hof wend om dit te laat gebeur.”
Volgens me. Colette Rieckert van die Vereniging van Private Skole in Namibië wat ook die Namibiese leerplan volg, het die skole tydens 'n opname deur die ministerie van onderwys, kuns en kultuur gekies om Junie weer te open en die akademiese jaar te voltooi. In die geval word hulle ook deur 'n groep staatskole ondersteun.
Die vereniging verteenwoordig sowat 12 000 leerlinge en skole soos St. George's, St. Paul's, Gobabis Gimnasium, Riverside, Sunshine Kids, Windhoek Christian Academy, Windhoek International School, Walvisbaai Privaat Laerskool en Hoërskool en Windhoek Gimnasium.
“Almal is dit eens ons kan nie die jaar in Junie 2021 eindig nie. Van die graad 12-leerlinge het reeds by universiteite vir toelating en ook vir beurse aansoek gedoen,” het sy gesê.
Volgens Rieckert het sy ook gesprekke met verskeie Suid-Afrikaanse universiteite gevoer wat gewild onder Namibiërs is en wat die universiteite van Stellenbosch, Pretoria en Kaapstad insluit.
“Hulle beplan geensins om hul termyne te verander om 'n paar Namibiërs te akkommodeer nie. Hul jaar gaan normaal voort. Geen Suid-Afrikaanse instansie gaan hul jaarplanne verander om by ons in te skakel nie.” Met verwysing na Cambridge wat die eksamens reguleer, sê Rieckert senior persone met wie sy hier gepraat het, was glad nie bewus van die moontlike verandering van die skoolkalender nie.
'n Ander kontak het egter wel laat weet Windhoek Gimnasium se eksamenkantoor het hom onlangs gekontak en so 'n moontlikheid bespreek.
Met verwysing na die sielkundige invloed op leerlinge het Rieckert gesê kinders is sosiale wesens en het interaksie met vriende nodig.
“Aanvanklik was dit lekker (om by die huis te wees), maar hulle kom nou by die fase wat hulle moed verloor en kwaad is en nie die einde sien nie.”
Sy het beklemtoon by skole kan die riglyne vir die bestryding van Covid-19 nougeset en onder toesig gevolg word. Dit sluit higiëne en die meet van temperatuur in.
“Is dit nie beter om hulle hier, in 'n beheerde omgewing en met gestruktureerde aktiwiteite te hê nie?”
Dit sluit sentrums vir vroeë kinderontwikkeling (ECD) in.
Die sosioëkonomiese risiko is nou soveel hoër as die risiko vir die siekte, waarsku Rieckert.
Sy het gemaan leerlinge kan nie “drie jaar in 'n abnormale ritme” leef totdat daar weer wel na 'n stelsel van drie termyne teruggekeer word nie.
“Ons verstaan nie hoekom skole nog vir drie maande gesluit moet wees nie. Ons wil weet hoe het hulle (die ministerie) by opsie een uitgekom.”
Volgens haar is die vereniging besig om 'n dokument op te stel om 'n vergadering met die minister van onderwys te versoek.
Sy het beklemtoon die vereniging wil “niemand kritiseer nie, want dan wen niemand”.
“Ons is almal saam in hierdie ding. Ons wil help sover ons kan en wil ook help om by 'n oplossing te kom sodat dit 'n wen-wen situasie vir almal is.”
Hoekom kan graad 11- en 12-leerlinge nie reeds terugkeer skool toe en hul akademiese jaar voltooi nie? wou 'n graad 12-leerling verbonde aan 'n staatskool in 'n onderhoud met Republikein weet.
“Daar is genoeg klaskamers (vir sosiale afstand). Ons is bereid om na die skole terug te keer tot einde Desember dan kan ons ten minste ons jaar klaarmaak.”
Volgens haar “is dit nie so baie werk nie” en sal leerlinge dit met harde werk teen Desember kan voltooi.
“As almal wil, sal ons kan klaarmaak.”
Sy het ook soos baie van haar vriende reeds aansoek by 'n universiteit in Suid-Afrika vir studies aanstaande jaar gedoen. Haar betrokke skool sal teen volgende week graad 12-leerlinge laat weet of 'n matriekafskeid hulle vanjaar beskore gaan wees al dan nie.
“Ons as ouers se hande is afgekap,” het 'n ouer aan Republikein gesê.
“Almal neem besluite namens hulle (die leerlinge) oor hul lewens en toekoms sonder dat hulle geken word,” het sy gesê.
Volgens haar kan ouers en leerlinge nie verstaan waarom leerlinge wat reeds vier maande by die huis is, weer oor Desember en Januarie sewe weke vakansie met opsie een van vier kwartale het nie.
“My kind wil klaarkry en wil nie volgende jaar weer terug skool toe nie. Sy het klaar toelating by 'n universiteit in Suid-Afrika gekry.”
Intussen is 'n aanlyn versoekskrif op change.org onder die vaandel Motion for schools to open earlier for grade 11's and 12's in Namibia begin. Teen druktyd het duisende dit reeds ondersteun.– [email protected]
“Ons graad 11- en 12-leerlinge moet hul eksterne eksamens in Oktober skryf en ons sal ons tot die hoogste hof wend om dit te laat gebeur.”
Volgens me. Colette Rieckert van die Vereniging van Private Skole in Namibië wat ook die Namibiese leerplan volg, het die skole tydens 'n opname deur die ministerie van onderwys, kuns en kultuur gekies om Junie weer te open en die akademiese jaar te voltooi. In die geval word hulle ook deur 'n groep staatskole ondersteun.
Die vereniging verteenwoordig sowat 12 000 leerlinge en skole soos St. George's, St. Paul's, Gobabis Gimnasium, Riverside, Sunshine Kids, Windhoek Christian Academy, Windhoek International School, Walvisbaai Privaat Laerskool en Hoërskool en Windhoek Gimnasium.
“Almal is dit eens ons kan nie die jaar in Junie 2021 eindig nie. Van die graad 12-leerlinge het reeds by universiteite vir toelating en ook vir beurse aansoek gedoen,” het sy gesê.
Volgens Rieckert het sy ook gesprekke met verskeie Suid-Afrikaanse universiteite gevoer wat gewild onder Namibiërs is en wat die universiteite van Stellenbosch, Pretoria en Kaapstad insluit.
“Hulle beplan geensins om hul termyne te verander om 'n paar Namibiërs te akkommodeer nie. Hul jaar gaan normaal voort. Geen Suid-Afrikaanse instansie gaan hul jaarplanne verander om by ons in te skakel nie.” Met verwysing na Cambridge wat die eksamens reguleer, sê Rieckert senior persone met wie sy hier gepraat het, was glad nie bewus van die moontlike verandering van die skoolkalender nie.
'n Ander kontak het egter wel laat weet Windhoek Gimnasium se eksamenkantoor het hom onlangs gekontak en so 'n moontlikheid bespreek.
Met verwysing na die sielkundige invloed op leerlinge het Rieckert gesê kinders is sosiale wesens en het interaksie met vriende nodig.
“Aanvanklik was dit lekker (om by die huis te wees), maar hulle kom nou by die fase wat hulle moed verloor en kwaad is en nie die einde sien nie.”
Sy het beklemtoon by skole kan die riglyne vir die bestryding van Covid-19 nougeset en onder toesig gevolg word. Dit sluit higiëne en die meet van temperatuur in.
“Is dit nie beter om hulle hier, in 'n beheerde omgewing en met gestruktureerde aktiwiteite te hê nie?”
Dit sluit sentrums vir vroeë kinderontwikkeling (ECD) in.
Die sosioëkonomiese risiko is nou soveel hoër as die risiko vir die siekte, waarsku Rieckert.
Sy het gemaan leerlinge kan nie “drie jaar in 'n abnormale ritme” leef totdat daar weer wel na 'n stelsel van drie termyne teruggekeer word nie.
“Ons verstaan nie hoekom skole nog vir drie maande gesluit moet wees nie. Ons wil weet hoe het hulle (die ministerie) by opsie een uitgekom.”
Volgens haar is die vereniging besig om 'n dokument op te stel om 'n vergadering met die minister van onderwys te versoek.
Sy het beklemtoon die vereniging wil “niemand kritiseer nie, want dan wen niemand”.
“Ons is almal saam in hierdie ding. Ons wil help sover ons kan en wil ook help om by 'n oplossing te kom sodat dit 'n wen-wen situasie vir almal is.”
Hoekom kan graad 11- en 12-leerlinge nie reeds terugkeer skool toe en hul akademiese jaar voltooi nie? wou 'n graad 12-leerling verbonde aan 'n staatskool in 'n onderhoud met Republikein weet.
“Daar is genoeg klaskamers (vir sosiale afstand). Ons is bereid om na die skole terug te keer tot einde Desember dan kan ons ten minste ons jaar klaarmaak.”
Volgens haar “is dit nie so baie werk nie” en sal leerlinge dit met harde werk teen Desember kan voltooi.
“As almal wil, sal ons kan klaarmaak.”
Sy het ook soos baie van haar vriende reeds aansoek by 'n universiteit in Suid-Afrika vir studies aanstaande jaar gedoen. Haar betrokke skool sal teen volgende week graad 12-leerlinge laat weet of 'n matriekafskeid hulle vanjaar beskore gaan wees al dan nie.
“Ons as ouers se hande is afgekap,” het 'n ouer aan Republikein gesê.
“Almal neem besluite namens hulle (die leerlinge) oor hul lewens en toekoms sonder dat hulle geken word,” het sy gesê.
Volgens haar kan ouers en leerlinge nie verstaan waarom leerlinge wat reeds vier maande by die huis is, weer oor Desember en Januarie sewe weke vakansie met opsie een van vier kwartale het nie.
“My kind wil klaarkry en wil nie volgende jaar weer terug skool toe nie. Sy het klaar toelating by 'n universiteit in Suid-Afrika gekry.”
Intussen is 'n aanlyn versoekskrif op change.org onder die vaandel Motion for schools to open earlier for grade 11's and 12's in Namibia begin. Teen druktyd het duisende dit reeds ondersteun.– [email protected]
Kommentaar
Republikein
Geen kommentaar is op hierdie artikel gelaat nie