Grant Noble, Dinah Azhar se dwelmsaak hervat
Twee mans wat daarvan beskuldig word dat hulle sowat 412 kilogram kokaïen in 'n vraghouer na Walvisbaai vervoer het, se verhoor het gister voortgegaan.
Kristien Kruger
Mnre. Grant Noble en Dinah Azhar, wat op aanklagte van dwelmhandel, die besit van dwelms en geldwassery teregstaan, se saak het gister in die Windhoekse hoërhof hervat.
Die staat beweer Noble en Azhar het tussen Februarie en 15 Junie 2018 sowat 412 kilogram kokaïen, met 'n geraamde straatwaarde van N$206 miljoen, vanaf Brasilië na Walvisbaai vervoer. Albei het aan die begin van hul verhoor onskuldig gepleit.
Die twee mans beweer hulle dra geen kennis van verbode middels in die houer wat na Walvisbaai gestuur is nie, aangesien hulle nie teenwoordig was toe die vraghouer gelaai is nie.
Tydens gister se hofsitting het die staat 'n werknemer van Walvisbaai se hawe as getuie geroep.
Mnr. Jesaja Shangula was die waarnemende kontroleur verantwoordelik vir die klaring van goedere in vraghouers wat deur die hawe beweeg en die land binnegekom het.
Hy was een van drie hawepersoneellede wat teenwoordig was by die inspeksie van die vraghouer en toe die pakkies met wit poeier ontdek is.
Shangula het getuig 'n onbekende persoon het hom in April 2018 gebel en hom oor die vraghouer gewaarsku. Hy het die hawe se risikobestuurafdeling daarvan in kennis gestel en dié afdeling het besluit om die vraghouer te inspekteer wanneer dit by die hawe aankom.
Noble was, volgens Shangula, hiervan in kennis gestel en 'n tyd is afgespreek sodat hy teenwoordig kan wees.
Hy sê Noble het op 15 Junie 2018 glo self die vraghouer oopgemaak.
Albei beskuldigdes, drie hawepersoneellede en die polisie was by toe bokse agter in die vraghouer ontdek is. Dié bokse was as fotostaatpapier verklaar, maar het kleiner pakkies ingehad.
LASBRIEF
Die polisie se snuffelhonde het gereageer toe die sowat 20 bokse uitgehaal en die kleiner pakkies ondersoek is.
Shangula het glo waargeneem hoe een van die personeellede die kleiner pakkie oopsny en die wit poeier ontdek. Volgens hom was daar 200 soortgelyke pakkies in die vraghouer gevind.
Noble en Azhar se prokureur, mnr. Sisa Namandje, het vroeër tydens die verhoor beswaar gemaak oor die wettige gronde waarop die vraghouer oopgemaak en deursoek is.
Die staat het saamgestem die geldigheid van die lasbrief om die vraghouer te deursoek kan in twyfel getrek word en het ingestem om geen argumente op grond daarvan aan te voer nie.
Regter Orben Sibeya het beslis die staatgetuienis kan voortgaan aangesien dit nie enigiets met dié lasbrief te doen het nie en Shangula protokol gevolg en binne sy hoedanigheid as waarnemende kontroleur opgetree het.
– [email protected]
Mnre. Grant Noble en Dinah Azhar, wat op aanklagte van dwelmhandel, die besit van dwelms en geldwassery teregstaan, se saak het gister in die Windhoekse hoërhof hervat.
Die staat beweer Noble en Azhar het tussen Februarie en 15 Junie 2018 sowat 412 kilogram kokaïen, met 'n geraamde straatwaarde van N$206 miljoen, vanaf Brasilië na Walvisbaai vervoer. Albei het aan die begin van hul verhoor onskuldig gepleit.
Die twee mans beweer hulle dra geen kennis van verbode middels in die houer wat na Walvisbaai gestuur is nie, aangesien hulle nie teenwoordig was toe die vraghouer gelaai is nie.
Tydens gister se hofsitting het die staat 'n werknemer van Walvisbaai se hawe as getuie geroep.
Mnr. Jesaja Shangula was die waarnemende kontroleur verantwoordelik vir die klaring van goedere in vraghouers wat deur die hawe beweeg en die land binnegekom het.
Hy was een van drie hawepersoneellede wat teenwoordig was by die inspeksie van die vraghouer en toe die pakkies met wit poeier ontdek is.
Shangula het getuig 'n onbekende persoon het hom in April 2018 gebel en hom oor die vraghouer gewaarsku. Hy het die hawe se risikobestuurafdeling daarvan in kennis gestel en dié afdeling het besluit om die vraghouer te inspekteer wanneer dit by die hawe aankom.
Noble was, volgens Shangula, hiervan in kennis gestel en 'n tyd is afgespreek sodat hy teenwoordig kan wees.
Hy sê Noble het op 15 Junie 2018 glo self die vraghouer oopgemaak.
Albei beskuldigdes, drie hawepersoneellede en die polisie was by toe bokse agter in die vraghouer ontdek is. Dié bokse was as fotostaatpapier verklaar, maar het kleiner pakkies ingehad.
LASBRIEF
Die polisie se snuffelhonde het gereageer toe die sowat 20 bokse uitgehaal en die kleiner pakkies ondersoek is.
Shangula het glo waargeneem hoe een van die personeellede die kleiner pakkie oopsny en die wit poeier ontdek. Volgens hom was daar 200 soortgelyke pakkies in die vraghouer gevind.
Noble en Azhar se prokureur, mnr. Sisa Namandje, het vroeër tydens die verhoor beswaar gemaak oor die wettige gronde waarop die vraghouer oopgemaak en deursoek is.
Die staat het saamgestem die geldigheid van die lasbrief om die vraghouer te deursoek kan in twyfel getrek word en het ingestem om geen argumente op grond daarvan aan te voer nie.
Regter Orben Sibeya het beslis die staatgetuienis kan voortgaan aangesien dit nie enigiets met dié lasbrief te doen het nie en Shangula protokol gevolg en binne sy hoedanigheid as waarnemende kontroleur opgetree het.
– [email protected]
Kommentaar
Republikein
Geen kommentaar is op hierdie artikel gelaat nie