Griffons weerhou Namibiërs
Rugby
Andrew Poolman - Hul eerste oorwinning, en selfs hul eerste ligapunt in die SuperSport-uitdaagreeks, ontwyk die Windhoek Draught Welwitschias steeds.
Gister se moedige stryd teen die Down Touch Griffons op Rustenburg het meer as sy kwota kanse gelewer om die Noord-Vrystaters te bêre, maar uiteindelik het die eindfluitjie geblaas op 34-24 in die pers span se guns.
Die Namibiese span het drie drieë gedruk – steeds een kort vir 'n drieëbonuspunt – en is boonop van die verloorbonuspunt ontneem toe 'n laat strafdoel deur die Griffons se plaasvervanger-losskakel Danrich Visagie die punteverskil meer as sewe gemaak het.
Afrigter Phil Davies moes gewis soms op die punt van sy stoel gesit het wanneer sy Namibiese span 'n paar hoogs waaghalsige stukkies spel van diep uit hul eie helfte en selfs vanuit hul eie doelgebied van stapel gestuur het.
Met net enkele meer koel koppe in die laaste minute met die uitslag in die weegskaal, wat die mees basiese foute kon beperk en die geleenthede kon afrond, sou die Welwitschias hul eerste provinsiale oorwinning op Suid-Afrikaanse bodem sedert vroeg 2018 se besoek aan die Valke kon vier.
Heelagter Johann Tromp was vol lewe in sy eerste beginwedstryd van die seisoen, maar die bal wou ook nie heeldag vir hom reg wip nie. Hy het wel sy span se eerste drie gedruk deur 'n slim dwarsskoppie van losskakel Cliven Loubser raak te vat en binne toe te sny.
Stut AJ de Klerk het op volspoed gekom en 'n teenstander laat gras vreet tydens sy lopie van sowat 35 meter vir 'n aanskoulike drie. Haker Louis van der Westhuizen het ook 'n rolmaalbeweging met 'n drie afgerond, maar ongelukkig was dit die Namibiërs se laaste vir die dag.
'n Enkelbesering aan die heelagter Chris Arries was een van die brokkies slegte nuus wat die afrigterspan vir die week se opbou na die tuiswedstryd teen die Luiperds sal moet bestuur.
Gister se moedige stryd teen die Down Touch Griffons op Rustenburg het meer as sy kwota kanse gelewer om die Noord-Vrystaters te bêre, maar uiteindelik het die eindfluitjie geblaas op 34-24 in die pers span se guns.
Die Namibiese span het drie drieë gedruk – steeds een kort vir 'n drieëbonuspunt – en is boonop van die verloorbonuspunt ontneem toe 'n laat strafdoel deur die Griffons se plaasvervanger-losskakel Danrich Visagie die punteverskil meer as sewe gemaak het.
Afrigter Phil Davies moes gewis soms op die punt van sy stoel gesit het wanneer sy Namibiese span 'n paar hoogs waaghalsige stukkies spel van diep uit hul eie helfte en selfs vanuit hul eie doelgebied van stapel gestuur het.
Met net enkele meer koel koppe in die laaste minute met die uitslag in die weegskaal, wat die mees basiese foute kon beperk en die geleenthede kon afrond, sou die Welwitschias hul eerste provinsiale oorwinning op Suid-Afrikaanse bodem sedert vroeg 2018 se besoek aan die Valke kon vier.
Heelagter Johann Tromp was vol lewe in sy eerste beginwedstryd van die seisoen, maar die bal wou ook nie heeldag vir hom reg wip nie. Hy het wel sy span se eerste drie gedruk deur 'n slim dwarsskoppie van losskakel Cliven Loubser raak te vat en binne toe te sny.
Stut AJ de Klerk het op volspoed gekom en 'n teenstander laat gras vreet tydens sy lopie van sowat 35 meter vir 'n aanskoulike drie. Haker Louis van der Westhuizen het ook 'n rolmaalbeweging met 'n drie afgerond, maar ongelukkig was dit die Namibiërs se laaste vir die dag.
'n Enkelbesering aan die heelagter Chris Arries was een van die brokkies slegte nuus wat die afrigterspan vir die week se opbou na die tuiswedstryd teen die Luiperds sal moet bestuur.
Kommentaar
Republikein
Geen kommentaar is op hierdie artikel gelaat nie