Grondregte staan vas
Sekere planne wat in 2018 by die nasionale grondkonferensie beraam is, is in stryd met basiese regte in die Grondwet.
JEMIMA BEUKES
Die huidige beleid om grond van gewillige verkopers vir herverdeling aan te koop, asook die besit van meer as een plaas kan nie grondwetlik verander of verbied word nie.
Die twee voorstelle is twee jaar gelede by Namibie se tweede grondberaad gemaak.
Die jongste vorderingsverslag oor die uitvoering van die konferensie se besluite benadruk dat Artikel 16 van die Grondwet gepaardgaande eiendomsregte verskans. Grond kan dus nie sommer van onwillige eienaars gekoop word nie en die strydkreet "Een Namibier, een plaas" is dus ook nie wetlik uitvoerbaar nie.
Die dokument waarin die tameletjie saamgevat word, is gedateer 2 Desember 2020.
Verskanste menseregte kan nie gewysig word nie - selfs nie deur middel van 'n referendum nie.
Volgens die span bemoeid met nuwe grondhervormingsplanne maak eiendomsreg nie onderskeid tussen Namibiese en buitelandse persone nie en ook nie tussen privaat persone en besighede nie. Volgens die verslag word minder as een persent van landbougrond deur regspersone besit en is veelvuldige eienaarskap ewe beperk.
Die verslag meld dat die regering self verskeie plase bestuur en dus ook 'n veelvuldige eienaar is.
Middele vir hervorming wat aan grondwetlike voorskrifte voldoen, bestaan volgens die verslag reeds. “Tot dusver het die mark grond vir verkryging beskikbaar gestel," lui die raad aan die regering.
"Die verkrygingsmag berus egter op die status van 'n ekonomie op 'n gegewe tydstip. Dit is die status van die ekonomie wat bepaal hoeveel jy kan spandeer. Terwyl hierdie program steeds deur middel van 'n jaarlikse begroting gefinansier word, het die huidige ekonomiese onstuimighede nie die verhoging van grondpryse moontlik gemaak nie,” bevind die verslag.
Volgens die verslag sal dit ses jaar neem om nog 1,3 miljoen hektaar grond aan te skaf.
Die identifisering van onderbenutte grond vir hervormingsdoeleindes is volgens die verslag 90% voltooi.
- [email protected]
Die huidige beleid om grond van gewillige verkopers vir herverdeling aan te koop, asook die besit van meer as een plaas kan nie grondwetlik verander of verbied word nie.
Die twee voorstelle is twee jaar gelede by Namibie se tweede grondberaad gemaak.
Die jongste vorderingsverslag oor die uitvoering van die konferensie se besluite benadruk dat Artikel 16 van die Grondwet gepaardgaande eiendomsregte verskans. Grond kan dus nie sommer van onwillige eienaars gekoop word nie en die strydkreet "Een Namibier, een plaas" is dus ook nie wetlik uitvoerbaar nie.
Die dokument waarin die tameletjie saamgevat word, is gedateer 2 Desember 2020.
Verskanste menseregte kan nie gewysig word nie - selfs nie deur middel van 'n referendum nie.
Volgens die span bemoeid met nuwe grondhervormingsplanne maak eiendomsreg nie onderskeid tussen Namibiese en buitelandse persone nie en ook nie tussen privaat persone en besighede nie. Volgens die verslag word minder as een persent van landbougrond deur regspersone besit en is veelvuldige eienaarskap ewe beperk.
Die verslag meld dat die regering self verskeie plase bestuur en dus ook 'n veelvuldige eienaar is.
Middele vir hervorming wat aan grondwetlike voorskrifte voldoen, bestaan volgens die verslag reeds. “Tot dusver het die mark grond vir verkryging beskikbaar gestel," lui die raad aan die regering.
"Die verkrygingsmag berus egter op die status van 'n ekonomie op 'n gegewe tydstip. Dit is die status van die ekonomie wat bepaal hoeveel jy kan spandeer. Terwyl hierdie program steeds deur middel van 'n jaarlikse begroting gefinansier word, het die huidige ekonomiese onstuimighede nie die verhoging van grondpryse moontlik gemaak nie,” bevind die verslag.
Volgens die verslag sal dit ses jaar neem om nog 1,3 miljoen hektaar grond aan te skaf.
Die identifisering van onderbenutte grond vir hervormingsdoeleindes is volgens die verslag 90% voltooi.
- [email protected]
Kommentaar
Republikein
Geen kommentaar is op hierdie artikel gelaat nie