Groot verjaardaggeskenk vir Namibië
Ronelle Rademeyer en
Francoise Steynberg
Dele van die noordelike helfte van Namibië is sopnat.
'n Groot massa vogtige, tropiese lug het uiteindelik aan die stertkant van die reënseisoen oor Namibië inbeweeg en kan vir ten minste nog vier dae vir goeie neerslae sorg.
Só het die ervare weerkundige mnr. John Olszewski gister aan Republikein gesê.
“Vir die eerste keer is die kans op reën oor 'n groot deel van die land nou baie meer realisties. Ons sien baie goeie intensiteite van vogtige lug,” sê hy.
Jubelgesange oor goeie neerslae wat wydverspreid voorgekom het, is gister op Facebook-blaaie soos Reën in Namibia en Namibië Boere gesing.
Ook op van die dorpe en plase in die noordwestelike dele waar weinig reën nog geval het, is beduidende neerslae gerapporteer.
Jumbo Marais het gister die volgende op Reën in Namibia geplaas: “Kamanjab - Maandagnag 85 mm, Dinsdag deur die dag en nag 30 mm. Vandag, Woensdag, skyn die son bietjie lekker. Namiddag kry ons die 28 mm vir Independence Dag.”
Nita Botha het berig dit reën die afgelope dae noord en wes van Otjiwarongo na Outjo, Kalkfeld en Omaruru se kant, en tussen 20 mm en 60 mm is gemeet.
Die volgende reënvalsyfers is Dinsdag op die Facebook-blad gerapporteer: Euanda in die Omusatistreek 100 mm, op die plaas Peperboom noord van Kamanjab 90 mm, Kamanjab 85 mm, Ogongo in die Omusatistreek het vanaf Vrydag 72 mm ontvang, Tsumeb 45 mm, Fransfontein tussen 26 mm en 49 mm, Hisuma Hills naby Grootfontein 43 mm, Grootfontein meer as 40 mm, die plaas Okondeka in die Erongoberge 30 mm, Cimbebasia 30 mm en Ruacana 21 mm.
Jaco Karstens het foto's geplaas van vol oshanas tussen Oshakati en Okahao, en volgens Sakaria Kandenge het die vloedvlakte by Onandjaba noordwes van Oshakati meer as 90 mm in die bestek van 24 uur gehad.
Dit pad tussen Opuwo en Omakange is nie die enigste pad wat ná vandeesweek se swaar reënneerslae in die slag gebly het nie.
Volgens die senior hidroloog van die Namibiese hidrologiese dienste, mnr. Ronny Hango, is ander paaie in die Cuvelai-Etosha-vloedgebied ook verspoel, soos die pad tussen Oshakati en Onkani, asook die pad tussen Onesi en Tsandi. “Dit is net reën en nog nie vloede nie,” maan die Namibiese hidrologiese dienste en sê satellietbeelde toon swaar reën is oor die Cuvelai-Etosha-gebied en die sentrale dele van Namibië moontlik.
SUIDE
Noodkrete klink egter op van boere in die Suide waar weinig tot geen reën nog op baie plekke geval het.
Volgens die weerkantoor in Windhoek kan “geïsoleerde tot verspreide donderbuie” op plekke in die Suide voorkom. In die sentrale Noorde en Noordooste sal dit wydverspreid wees en 'n waarskuwing is uitgereik oor kitsvloede wat mag voorkom.
Olszewski sê die groot vraag is of die Maart-reëns sal opmaak vir die verlies aan reën in Januarie en Februarie. “Dit kan wel nog die ondergrondse watertafel aanvul en vir die damvlakke baie beteken.”
Vir weerkundiges is die groot kwessie egter om die veranderde weerpatrone weens klimaatverandering te verstaan. “Ons leer ons weer nou op 'n nuwe bladsy in 'n feitlik heel nuwe boek ken.”
Francoise Steynberg
Dele van die noordelike helfte van Namibië is sopnat.
'n Groot massa vogtige, tropiese lug het uiteindelik aan die stertkant van die reënseisoen oor Namibië inbeweeg en kan vir ten minste nog vier dae vir goeie neerslae sorg.
Só het die ervare weerkundige mnr. John Olszewski gister aan Republikein gesê.
“Vir die eerste keer is die kans op reën oor 'n groot deel van die land nou baie meer realisties. Ons sien baie goeie intensiteite van vogtige lug,” sê hy.
Jubelgesange oor goeie neerslae wat wydverspreid voorgekom het, is gister op Facebook-blaaie soos Reën in Namibia en Namibië Boere gesing.
Ook op van die dorpe en plase in die noordwestelike dele waar weinig reën nog geval het, is beduidende neerslae gerapporteer.
Jumbo Marais het gister die volgende op Reën in Namibia geplaas: “Kamanjab - Maandagnag 85 mm, Dinsdag deur die dag en nag 30 mm. Vandag, Woensdag, skyn die son bietjie lekker. Namiddag kry ons die 28 mm vir Independence Dag.”
Nita Botha het berig dit reën die afgelope dae noord en wes van Otjiwarongo na Outjo, Kalkfeld en Omaruru se kant, en tussen 20 mm en 60 mm is gemeet.
Die volgende reënvalsyfers is Dinsdag op die Facebook-blad gerapporteer: Euanda in die Omusatistreek 100 mm, op die plaas Peperboom noord van Kamanjab 90 mm, Kamanjab 85 mm, Ogongo in die Omusatistreek het vanaf Vrydag 72 mm ontvang, Tsumeb 45 mm, Fransfontein tussen 26 mm en 49 mm, Hisuma Hills naby Grootfontein 43 mm, Grootfontein meer as 40 mm, die plaas Okondeka in die Erongoberge 30 mm, Cimbebasia 30 mm en Ruacana 21 mm.
Jaco Karstens het foto's geplaas van vol oshanas tussen Oshakati en Okahao, en volgens Sakaria Kandenge het die vloedvlakte by Onandjaba noordwes van Oshakati meer as 90 mm in die bestek van 24 uur gehad.
Dit pad tussen Opuwo en Omakange is nie die enigste pad wat ná vandeesweek se swaar reënneerslae in die slag gebly het nie.
Volgens die senior hidroloog van die Namibiese hidrologiese dienste, mnr. Ronny Hango, is ander paaie in die Cuvelai-Etosha-vloedgebied ook verspoel, soos die pad tussen Oshakati en Onkani, asook die pad tussen Onesi en Tsandi. “Dit is net reën en nog nie vloede nie,” maan die Namibiese hidrologiese dienste en sê satellietbeelde toon swaar reën is oor die Cuvelai-Etosha-gebied en die sentrale dele van Namibië moontlik.
SUIDE
Noodkrete klink egter op van boere in die Suide waar weinig tot geen reën nog op baie plekke geval het.
Volgens die weerkantoor in Windhoek kan “geïsoleerde tot verspreide donderbuie” op plekke in die Suide voorkom. In die sentrale Noorde en Noordooste sal dit wydverspreid wees en 'n waarskuwing is uitgereik oor kitsvloede wat mag voorkom.
Olszewski sê die groot vraag is of die Maart-reëns sal opmaak vir die verlies aan reën in Januarie en Februarie. “Dit kan wel nog die ondergrondse watertafel aanvul en vir die damvlakke baie beteken.”
Vir weerkundiges is die groot kwessie egter om die veranderde weerpatrone weens klimaatverandering te verstaan. “Ons leer ons weer nou op 'n nuwe bladsy in 'n feitlik heel nuwe boek ken.”
Kommentaar
Republikein
Geen kommentaar is op hierdie artikel gelaat nie