Grootfontein vereer Luttig, Jahs

Die aanwysing van FNB Grootfontein-rugbyklub se sportman en sportvrou van die jaar vir 2021 was redelik voor die hand liggend, ná Johan Luttig en Gabriella Jahs se insluiting in nasionale spanne.

Luttig, ’n slot of flank, is die afgelope naweek met die groot prys beloon nadat hy in Juliemaand sy toetsdebuut in Abidjan teen Madagaskar gemaak het.

Vir Jahs was dit ook ’n deurbreekjaar. Sy het as binnesenter in die 15-rugbytoets in Windhoek teen Zambië gespeel, met die nasionale vrouesewesspan se deelname die afgelope naweek in Lesotho ook vars in die geheue.

Grootfontein het vanjaar in sy eerste seisoen ná jare in die Namibië Rugby-unie se premierliga puik spel gelewer en op ’n haarbreedte na die semifinaal misgeloop.

Die noordeklub se ander pryswenners vir 2021:

Voorste puntemaker vir die tweede span: Irongwa Atshivudhi (15 punte).

Voorste driedrukker vir die eerste span: Wikus Jacobs (sewe drieë).

Voorste puntemaker vir die eerste span: Ronnie Deck (47 punte).

Voorste driedrukker vir die tweede span: Irongwa Atshivudhi (drie drieë).

Voorspelers van die jaar: Pieter du Plessis (eerstespan stut); Jerry Maurihungirire (tweedespan haker).

Agterspeler van die jaar Cobus Enslin (eerstespan skrumskakel); Irongwa Atshivudhi (tweedespan heelagter).

Jong speler van die jaar: Pieter-Daan Kok (flank/slot).

Mees bestendige speler van die jaar: Buruxa Geiseb (senter/leuel)

Speler van die jaar: Ian Malan (vleuel)

Spelers se speler van die jaar: Wikus Jacobs (losvoorspeler).

FOTO’s Andrew Poolman

Gabriela Jahs

Johan Luttig

Ronald Deck