Grootste sonskouspel in 99 jaar
Miljoene Amerikaners en besoekers aan die land het gister reggemaak om die eerste algehele sonsverduistering in Amerika in 99 jaar te aanskou.
Daar word bespiegel dat wanneer die maan se skaduwee reg voor die son verby beweeg, dit die grootste groep toeskouers tot nog toe sou lok om na 'n ruimteverskynsel te gaan kyk.
Die klein dorpie Carbondale in die suide van die deelstaat Illinois was Sondag, op die vooraand van 'n algehele sonsverduistering, besig met die laaste voorbereidings om “eclipse central” te word. Die dorpie is 'n paar kilometer noord van waar die sonsverduistering die langste gaan duur – 'n verwagte twee minute en 41 sekondes.
Dis nou as dit nie bewolk is nie.
Die heel beste plek om dit te sien, is die dorp Hopkinsville in Kentucky. Sterrekundiges sê dit is hier waar die son, die aarde en die maan presies in lyn sal wees. Dit is ook waar die aslyn van die maan se skaduwee die naaste aan die aarde se kern sal wees.
Die sonsverduistering sou die eerste keer sedert 1918 in Amerika, in 'n korridor van 110 km breed, van kus tot kus te sien wees.
'n Gedeeltelike sonsverduistering sou oor die hele Amerika te sien wees. Die verduistering sou van die kus van Oregon tot aan die kus van Suid-Carolina sigbaar wees.
Vir diegene wat van clichés hou: Bonnie Tyler sou haar liedjie “Total Eclipse of the Heart” aan boord van die passasierskip Oasis of the Seas sing, terwyl passasiers na die sonsverduistering oor die Karibiese See kyk, berig Time.
– Netwerk24
Daar word bespiegel dat wanneer die maan se skaduwee reg voor die son verby beweeg, dit die grootste groep toeskouers tot nog toe sou lok om na 'n ruimteverskynsel te gaan kyk.
Die klein dorpie Carbondale in die suide van die deelstaat Illinois was Sondag, op die vooraand van 'n algehele sonsverduistering, besig met die laaste voorbereidings om “eclipse central” te word. Die dorpie is 'n paar kilometer noord van waar die sonsverduistering die langste gaan duur – 'n verwagte twee minute en 41 sekondes.
Dis nou as dit nie bewolk is nie.
Die heel beste plek om dit te sien, is die dorp Hopkinsville in Kentucky. Sterrekundiges sê dit is hier waar die son, die aarde en die maan presies in lyn sal wees. Dit is ook waar die aslyn van die maan se skaduwee die naaste aan die aarde se kern sal wees.
Die sonsverduistering sou die eerste keer sedert 1918 in Amerika, in 'n korridor van 110 km breed, van kus tot kus te sien wees.
'n Gedeeltelike sonsverduistering sou oor die hele Amerika te sien wees. Die verduistering sou van die kus van Oregon tot aan die kus van Suid-Carolina sigbaar wees.
Vir diegene wat van clichés hou: Bonnie Tyler sou haar liedjie “Total Eclipse of the Heart” aan boord van die passasierskip Oasis of the Seas sing, terwyl passasiers na die sonsverduistering oor die Karibiese See kyk, berig Time.
– Netwerk24
Kommentaar
Republikein
Geen kommentaar is op hierdie artikel gelaat nie