Gru-ongeluk in Kavango-Wes
Slegs een passasier het oorleef toe twee voertuie trompop gebots en beide in vlamme uitgebars het.
Yandi du Plessis en Kenya Kambowe – Tien mense het Vrydag omstreeks 18:45 in die dorp Simanya in die Kavango-Wesstreek in ’n gru-ongeluk omgekom nadat die voertuie waarin hulle gery het, ná ’n kop-teen-kopbotsing aan die brand geslaan het.
Al dié slagoffers, van wie een glo ’n baba was, is onherkenbaar verbrand. Daar was net een oorlewende.
Simanya is ongeveer 15 kilometer wes van Nkurenkuru op die B10-pad geleë.
Adjunkkommissaris Abner Agas, die koördineerder van misdaadondersoeke in Kavango-Wes, het die ongeluk bevestig en het aangedui dat die oorsaak nog onduidelik is.
Ooggetuies het glo gesê een van die bestuurders het oënskynlik beheer verloor en met die ander motor gebots nadat hy van die teerpad afgery het om voetgangers te ontwyk wat na bewering in die pad was.
Vir die omstanders en ander wat vroeg op die toneel afgekom het, was dit ’n afgryslike ondervinding dat hulle niks kon doen vir die vasgekeerde slagoffers wat om hulp geskreeu het nie, want altwee motors – ’n sewesitplekvoertuig met vyf passasiers en ’n oorvol Nissan Tidal met ses passasiers – was reeds aan die brand.
Die oorlewende is na die Nkurenkuru-hospitaal gehaas en is glo in ’n stabiele, maar kritieke toestand.
Die NamPol-hoof van gemeenskapsake in Kavango-Wes, hoofinspekteur Raimbert Muronga, het gesê die ondersoeke is nog aan die gang en het versoek dat familielede na vore kom om te bevestig of hul familielede in die ongeluk betrokke was.
Hy het gesê ’n forensiese DNS-ondersoek sal dalk gedoen moet word om die identiteit van die tien oorledenes te bepaal, aangesien almal onherkenbaar verbrand is. Hy het bygevoeg die identifiseringsproses en verdere reëlings sal hanteer word sodra die kantoor van die plaaslike misdaadkoördineerder meer inligting kan verskaf.
“Ons doen ’n beroep op alle bestuurders om aandag te gee aan padtekens en by die spoedgrens te hou. Terselfdertyd wil ons die bedroefde gesinne sterkte toewens in hierdie moeilike tyd,” het hy gesê.
Kenya Kambowe berig dat een van die voertuie glo op pad terug was van ’n roudiens, voor ’n begrafnis wat die volgende dag sou plaasvind.
BUITE SWAKOPMUND
’n Noodlottige ongeluk is Vrydagaand op die B2-roete sowat 20 km buite Swakopmund in die omgewing van die Nonidas-plotte aangemeld.
Een passasier, Maxine Deversha Hope Ouses (21), is op slag dood toe die bestuurder van ’n sedanvoertuig glo beheer verloor het, wat daartoe gelei het dat die voertuig die pad verlaat en omgeslaan het. Die bestuurder is uit die voertuig geslinger en paramedici moes op die toneel ingryp voordat hy in ’n ernstige, maar stabiele toestand na die hospitaal vervoer is.
Nog twee ander passasiers het ernstige beserings opgedoen en is op die toneel behandel word voordat hulle ook na die staatshospitaal op Swakopmund geneem is.
Die Swakopmund brandweer- en reddingsdienste was op die toneel om die lyk van die oorledene onder die voertuig uit te haal.
Twee passasiers is Saterdag in die vroeë oggendure na Windhoek oorgeplaas vir spesialisbehandeling en versorging weens die aard van hul beserings.
Spoed en ’n gebarste band was vermoedelik bydraende faktore, hoewel die oorsaak van die ongeluk en die voorafgaande gebeure steeds ondersoek word.
MEER PADSTERFTES
Padsterftes word vanjaar in groot getalle aangemeld.
Die genoemde twee voorvalle volg kort ná die ongeluk op 20 Maart vanjaar in die Bahnhof-gebied van Rehoboth. Op dié Saterdagaand is vyf mense dood toe die voertuig waarin hulle gery het, teen ’n muur vasgery het.
Vyf van die sewe passasiers van die Land Rover is dood toe die voertuig ná die botsing in vlamme uitgebars het en hulle vasgekeer was. Twee het daarin geslaag om uit die brandende motor te kom.
Dit was destyds nie bekend of daar alkohol betrokke was nie, maar spoed was glo ’n bydraende faktor.
– [email protected]; [email protected]
Al dié slagoffers, van wie een glo ’n baba was, is onherkenbaar verbrand. Daar was net een oorlewende.
Simanya is ongeveer 15 kilometer wes van Nkurenkuru op die B10-pad geleë.
Adjunkkommissaris Abner Agas, die koördineerder van misdaadondersoeke in Kavango-Wes, het die ongeluk bevestig en het aangedui dat die oorsaak nog onduidelik is.
Ooggetuies het glo gesê een van die bestuurders het oënskynlik beheer verloor en met die ander motor gebots nadat hy van die teerpad afgery het om voetgangers te ontwyk wat na bewering in die pad was.
Vir die omstanders en ander wat vroeg op die toneel afgekom het, was dit ’n afgryslike ondervinding dat hulle niks kon doen vir die vasgekeerde slagoffers wat om hulp geskreeu het nie, want altwee motors – ’n sewesitplekvoertuig met vyf passasiers en ’n oorvol Nissan Tidal met ses passasiers – was reeds aan die brand.
Die oorlewende is na die Nkurenkuru-hospitaal gehaas en is glo in ’n stabiele, maar kritieke toestand.
Die NamPol-hoof van gemeenskapsake in Kavango-Wes, hoofinspekteur Raimbert Muronga, het gesê die ondersoeke is nog aan die gang en het versoek dat familielede na vore kom om te bevestig of hul familielede in die ongeluk betrokke was.
Hy het gesê ’n forensiese DNS-ondersoek sal dalk gedoen moet word om die identiteit van die tien oorledenes te bepaal, aangesien almal onherkenbaar verbrand is. Hy het bygevoeg die identifiseringsproses en verdere reëlings sal hanteer word sodra die kantoor van die plaaslike misdaadkoördineerder meer inligting kan verskaf.
“Ons doen ’n beroep op alle bestuurders om aandag te gee aan padtekens en by die spoedgrens te hou. Terselfdertyd wil ons die bedroefde gesinne sterkte toewens in hierdie moeilike tyd,” het hy gesê.
Kenya Kambowe berig dat een van die voertuie glo op pad terug was van ’n roudiens, voor ’n begrafnis wat die volgende dag sou plaasvind.
BUITE SWAKOPMUND
’n Noodlottige ongeluk is Vrydagaand op die B2-roete sowat 20 km buite Swakopmund in die omgewing van die Nonidas-plotte aangemeld.
Een passasier, Maxine Deversha Hope Ouses (21), is op slag dood toe die bestuurder van ’n sedanvoertuig glo beheer verloor het, wat daartoe gelei het dat die voertuig die pad verlaat en omgeslaan het. Die bestuurder is uit die voertuig geslinger en paramedici moes op die toneel ingryp voordat hy in ’n ernstige, maar stabiele toestand na die hospitaal vervoer is.
Nog twee ander passasiers het ernstige beserings opgedoen en is op die toneel behandel word voordat hulle ook na die staatshospitaal op Swakopmund geneem is.
Die Swakopmund brandweer- en reddingsdienste was op die toneel om die lyk van die oorledene onder die voertuig uit te haal.
Twee passasiers is Saterdag in die vroeë oggendure na Windhoek oorgeplaas vir spesialisbehandeling en versorging weens die aard van hul beserings.
Spoed en ’n gebarste band was vermoedelik bydraende faktore, hoewel die oorsaak van die ongeluk en die voorafgaande gebeure steeds ondersoek word.
MEER PADSTERFTES
Padsterftes word vanjaar in groot getalle aangemeld.
Die genoemde twee voorvalle volg kort ná die ongeluk op 20 Maart vanjaar in die Bahnhof-gebied van Rehoboth. Op dié Saterdagaand is vyf mense dood toe die voertuig waarin hulle gery het, teen ’n muur vasgery het.
Vyf van die sewe passasiers van die Land Rover is dood toe die voertuig ná die botsing in vlamme uitgebars het en hulle vasgekeer was. Twee het daarin geslaag om uit die brandende motor te kom.
Dit was destyds nie bekend of daar alkohol betrokke was nie, maar spoed was glo ’n bydraende faktor.
– [email protected]; [email protected]
Kommentaar
Republikein
Geen kommentaar is op hierdie artikel gelaat nie