Hage bring hulde aan ontslape Winnie

Winnie Madikizela-Mandela was die toonbeeld van swart vroue se verset teen verdrukking, rassisme en imperialisme, het pres. Hage Geingob (foto) Saterdag by dié apartheidsikoon se begrafnis in Soweto in Johannesburg gesê. Geingob het gesê hy het Madikizela-Mandela verlede jaar met die hoogste eerbetoning in Namibië bekroon, maar dat sy dit ongelukkig nie persoonlik kon kom ontvang nie. Hy het ‘n uitnodiging aan sy “susters”gerig om Namibië te besoek sodat die land Madikizela-Mandela op ‘n gepaste wyse kan vereer. Foto Nampa/AFP