Hage roskam Recon-kritici
Die president sê vryheid van spraak word deur sommige misbruik om groot potensiële beleggers af te skrik.
Ogone Tlhage
President Hage Geingob sê die media se visier op beleggers het die land reeds betekenisvolle beleggings gekos.
Hy het dié opmerking Dinsdag tydens 'n hoflikheidsbesoek deur die Kanadese oliemaatskappy ReconAfrica gemaak.
Die stigter van ReconAfrica, mnr. Craig Steinke, het Geingob besoek om hom op hoogte te bring van die maatskappy se vordering met betrekking tot sy eksplorasiewerk in die Kavango-Oosstreek, waar die maatskappy tans na olie soek. ReconAfrica is aan kritiek onderwerp wat breedvoerig in die media gedek is. Dit sluit in aantygings van onwettige besetting en eksplorasie-aktiwiteite in sommige nedersettings, asook die beweerde versuim om standaard omgewingsbeskerming toe te pas.
Die president het verder gesê omdat Namibië 'n land van wette en regulasies is, moet beleggers sekere beleidsrigtings volg, wat ReconAfrica deur die mynbou- en omgewingsministerie gedoen het om te verseker al sy prosesse word volgens wetgewing uitgevoer.
Steinke is gevra wat sy mening is oor 'n Viceroy-verslag wat beweer daar is geen olie in die streek waar die maatskappy tans boor nie.
“Dis die probleem met Namibiërs. . . mense wil hier kom belê, maar hulle jaag beleggers weg met hul negatiwiteit,” het Geingob gesê.
“Hulle het Epupa (Baynes-hidrokragprojek) weggejaag, en hulle is steeds arm en huilend. Kavango is arm, hulle sê hulle is die armstes, en ons neem beleggers daarheen om werk te skep,” het hy gesê.
Die president het verder fout gevind met die vrae wat tydens dié besoek geopper is.
“Hierdie hoflikheidsbesoek is om my op hoogte te bring, maar nou kom vra júlle vrae by Staatshuis. Hierdie is Staatshuis,” het hy gesê.
'DEMOKRASIE IS NUUT'
“Demokrasie is nuut, so ons praat te veel,” het Geingob aan Steinke gesê voor sy vertrek.
Die minister van myne en energie, mnr. Tom Alweendo, het ook ReconAfrica se bedrywighede in die land verdedig, en gesê dit kan beslis een van die mees noemenswaardige beleggings in Namibië wees.
“Ek dink as 'n land moet ons almal desperaat wees vir beleggings; ons weet dat die ekonomie stilstaan.
“Die afgelope jare was daar 'n aantal onafhanklike veranderlikes in ons ekonomie. As jy regtig 'n goeie belegging kry – en dié kan een van die goeie beleggings wees – sou ek beslis sê ons is desperaat,” het hy gesê.
- [email protected]
President Hage Geingob sê die media se visier op beleggers het die land reeds betekenisvolle beleggings gekos.
Hy het dié opmerking Dinsdag tydens 'n hoflikheidsbesoek deur die Kanadese oliemaatskappy ReconAfrica gemaak.
Die stigter van ReconAfrica, mnr. Craig Steinke, het Geingob besoek om hom op hoogte te bring van die maatskappy se vordering met betrekking tot sy eksplorasiewerk in die Kavango-Oosstreek, waar die maatskappy tans na olie soek. ReconAfrica is aan kritiek onderwerp wat breedvoerig in die media gedek is. Dit sluit in aantygings van onwettige besetting en eksplorasie-aktiwiteite in sommige nedersettings, asook die beweerde versuim om standaard omgewingsbeskerming toe te pas.
Die president het verder gesê omdat Namibië 'n land van wette en regulasies is, moet beleggers sekere beleidsrigtings volg, wat ReconAfrica deur die mynbou- en omgewingsministerie gedoen het om te verseker al sy prosesse word volgens wetgewing uitgevoer.
Steinke is gevra wat sy mening is oor 'n Viceroy-verslag wat beweer daar is geen olie in die streek waar die maatskappy tans boor nie.
“Dis die probleem met Namibiërs. . . mense wil hier kom belê, maar hulle jaag beleggers weg met hul negatiwiteit,” het Geingob gesê.
“Hulle het Epupa (Baynes-hidrokragprojek) weggejaag, en hulle is steeds arm en huilend. Kavango is arm, hulle sê hulle is die armstes, en ons neem beleggers daarheen om werk te skep,” het hy gesê.
Die president het verder fout gevind met die vrae wat tydens dié besoek geopper is.
“Hierdie hoflikheidsbesoek is om my op hoogte te bring, maar nou kom vra júlle vrae by Staatshuis. Hierdie is Staatshuis,” het hy gesê.
'DEMOKRASIE IS NUUT'
“Demokrasie is nuut, so ons praat te veel,” het Geingob aan Steinke gesê voor sy vertrek.
Die minister van myne en energie, mnr. Tom Alweendo, het ook ReconAfrica se bedrywighede in die land verdedig, en gesê dit kan beslis een van die mees noemenswaardige beleggings in Namibië wees.
“Ek dink as 'n land moet ons almal desperaat wees vir beleggings; ons weet dat die ekonomie stilstaan.
“Die afgelope jare was daar 'n aantal onafhanklike veranderlikes in ons ekonomie. As jy regtig 'n goeie belegging kry – en dié kan een van die goeie beleggings wees – sou ek beslis sê ons is desperaat,” het hy gesê.
- [email protected]
Kommentaar
Republikein
Geen kommentaar is op hierdie artikel gelaat nie