Hahn 2de ná Miller in Sky Ride

Verskeie aanspraak­makers het Saterdag teëspoed beleef.
Andrew Poolman
Andrew Poolman



Die uitstekende vorm van Alex Miller en die puik vordering van die junior vooruitsig Hugo Hahn was ­uitstaande aspekte van Saterdag­oggend se Sky Ride bergfiets­resies by Heja Lodge.

Die roete oor 64 kilometer (twee rondes van 32 km) was besonder uitdagend, in die vierde byeenkoms van die 2020 Hollard Gravel & Dirt-reeks.

Benewens natuurskoon en 'n paar lang, steil opdraandes wat ryers se klimvermoë tot die ­uiterste beproef het, was deel­nemers agterna vol lof vir die nuwe roete wat as 'n verbetering op vorige weergawes ­bestempel is. Die Sky Ride word as een van die moeilikstes in die reeks ­bestempel.

Die redelike groot tydverskille het getuig van 'n wedren waarin selfs die voorste aanspraak­makers dit geensins maklik gehad het nie.

Tristan de Lange het laat in die tweede rondte ­waardevolle ­sekondes verloor toe hy 'n afdraai misgekyk en 'n ent verkeerd gery het. Hierdie flatertjie terwyl net Miller nog voor hom was, het hom minstens een podium-posisie gekos, hoewel hy steeds derde klaargemaak het.

Hugo Hahn se tweede posisie was beloning vir 'n sterk ­vertoning, met nog 'n junior ryer, Bergran Jensen, in 'n puik ­algehele vierde posisie.

Gerhard Mans Junior, die vorige naweek se wenner van die Gravel & Dirt-reeks se ­byeenkoms op Otjiwa, het met pap bande gesukkel en het uiteindelik vyfde oor die eindstreep gejaag.

'n Gebreekte ketting het ook klaargespeel met Ingram Cuff se aanslag om by die voorstes te bly, hoewel hy ondanks die verlore tyd wel die afstand voltooi het (3 ure 46 minute 46 sekondes).

Drikus Coetzee, die reeks se kampioen in 2019, het sy terugkeer gemaak nadat 'n ongesteldheid hom die vorige naweek van deelname op Otjiwa weerhou het. “Ek het maar net kom ry om my hartkloptempo te toets, maar reeds binne die eerste tien minute het ek gevoel ek het nog nie my kragte ten volle terug nie,” het Coetzee gesê.

Die vrouewenner Michelle Vorster het in die algehele tiende posisie klaargemaak, wat 'n goeie teken is dat die Olimpiese ryer heel goed op stryk is. Sy is ook die voorloper in die vrouereeks sover.

Die vyfde en laaste byeenkoms in die reeks is die MTB Dirt Attack op die plaas Ongeama naby Okahandja, op 29 Augustus.

Saterdag se voorste uitslae:

Elite mans, 64 km

1 Alex Miller 02:39:59

2 Hugo Hahn 02:43:31

3 Tristan de Lange 02:44:55

4 Bergran Jensen 02:48:20

5 Kai Pritzen 02:57:02

6 Drikus Coetzee 03:03:34

Subveteraan mans, 64 km

1 Gerhard Mans Jr. 02:53:06

2 Louis Prins 03:05:00

3 Vernon Maresch 03:15:09

4 Christiaan Bean 03:17:30

5 EW Blaauw 03:35:52

Veteraan mans, 64 km

1 Hans du Toit 03:05:15

2 Fanie Steenkamp 03:07:42

3 Greg Chase 03:11:20

4 Pierre Knoetze 03:14:16

5 Heino Windisch 03:14:42

Meesters mans, 64 km

1 Stefan Bohlke 03:17:57

2 Louis Peens 03:23:26

3 Nick du Plessis 03:28:18

4 Carl Hahn 03:28:58

5 George Thiele 03:35:19

Grootmeesters mans, 64 km

1 Brian Hollick 04:24:48

Rhino mans (90 kg plus), 64 km

1 Frans-Anthonie Gerber 03:21:22

2 Fana Lambert 03:24:28

3 Peter Le Riche 03:45:11

Elite vroue, 64 km

1 Michelle Vorster 03:05:00

2 Michelle Döman 03:32:40

Subveteraan vroue, 64 km

1 Nicola Fester 03:50:11

2 Gabriela Raith 03:55:07

3 Maike Bochert 03:57:51

4 Benita Kasch 04:13:03

5 Lelani Swart 04:13:03

Veteraan vroue, 64 km

1 Sandra Lippert 03:58:40

2 Anneke Steenkamp 04:07:08

3 Elanor Grassow 04:08:04

Meesters vroue, 64 km

1 Wilmien Chamberlain 03:56:39

2 Antje Tietz 04:46:10

Grootmeesters vroue, 64 km

1 Elke Jagau 04:26:18

Junior mans, 32 km

1 Daniel Hahn 01:24:32

2 Kevin Lowe 01:27:14

3 Adrian Key 01:33:52

Mans ope, 32 km

1 Mark Spath 01:36:30

2 Sven Strohmenger 01:41:03

3 Corné Prinsloo 01:41:16

Junior vroue, 32 km

1 Delsia Janse van Vuuren 01:56:26

2 Ada Kahl 01:57:49

3 Laura Engling 02:08:35

4 Ané de Bruin 02:29:10

Vroue ope, 32 km

1 Monique du Plessis 01:52:52

2 Jaen-Marie Mostert 01:54:09

3 Binette Klein 01:56:49

4 Talitha Wassenaar 02:13:35

5 Mara van Wyk 02:22:13

32 km hardloop, mans

1 Wim Steenkamp 3:21:41

19 km hardloop, vroue

1 Liezl Swanepoel 01:47:42

2 Lydia Thiel 01:57:03

3 Jo-Andri Pretorius 02:01:08

19 km hardloop, mans

1 Jesaya Matthias 01:22:52

2 Salomo David

01:22:54

3 Eldo Nel 01:40:41

Kommentaar

Republikein 2025-04-03

Geen kommentaar is op hierdie artikel gelaat nie

Meld asseblief aan om kommentaar te lewer