Handboeke en gidse vir skole
Twee gelukkige skole het skoolboeke en onderwysergidse van die Ohorongo Otavi Community Trust (OOCT), in samewerking met Support Ulm e.V., Crown Build it Windhoek en Kambwa Trading, ontvang.
Die skole is die Nicolas Witbooi Memorial School op Rehoboth en die Gekombineerde Skool Omuthitu op Okahao in die Omusatistreek.
Die skenking is sowat N$34 500 werd en sluit wiskunde-, sosiale studies-, natuurwetenskap- en Engels-handboeke in.
Crown Build it het die Nicolas Witbooi Memorial School gekies en 80 handboeke aan hulle geskenk, terwyl Kambwa Trading 406 handboeke aan die Gekombineerde Skool Omuthitu geskenk het.
Dié skool bestaan sedert 1969 en het tans 269 leerlinge. Die eienaar van Kambwa Trading, mnr. David Sheehama, was van graad een tot graad nege by dié skool.
“Dit is my skool en dit is hier waar ek geleer het. Nou wil ek met dié skenking aan die skool en gemeenskap teruggee,” het hy gesê.
Die Nicolas Witbooi Memorial School in die Khomasstreek bestaan al van 1928 af en het 263 kinders.
Volgens mnr. Riaan van Staden, mede-eienaar van Crown Build dit Windhoek, is besighede net so goed soos die gemeenskappe waarin hulle besigheid doen, en het hulle genoodsaak gevoel om die boeke te skenk om hul deel vir die toekomstige leiers van die land te doen.
OOCT het, in samewerking met Support Ulm e.V., meer as 1 600 handboeke en onderwysergidse aangeskaf, wat onder verskeie skole in die Otjozondjupa-, Ohangwena-, Oshana- en Khomasstreek versprei sal word.
Die skole is die Nicolas Witbooi Memorial School op Rehoboth en die Gekombineerde Skool Omuthitu op Okahao in die Omusatistreek.
Die skenking is sowat N$34 500 werd en sluit wiskunde-, sosiale studies-, natuurwetenskap- en Engels-handboeke in.
Crown Build it het die Nicolas Witbooi Memorial School gekies en 80 handboeke aan hulle geskenk, terwyl Kambwa Trading 406 handboeke aan die Gekombineerde Skool Omuthitu geskenk het.
Dié skool bestaan sedert 1969 en het tans 269 leerlinge. Die eienaar van Kambwa Trading, mnr. David Sheehama, was van graad een tot graad nege by dié skool.
“Dit is my skool en dit is hier waar ek geleer het. Nou wil ek met dié skenking aan die skool en gemeenskap teruggee,” het hy gesê.
Die Nicolas Witbooi Memorial School in die Khomasstreek bestaan al van 1928 af en het 263 kinders.
Volgens mnr. Riaan van Staden, mede-eienaar van Crown Build dit Windhoek, is besighede net so goed soos die gemeenskappe waarin hulle besigheid doen, en het hulle genoodsaak gevoel om die boeke te skenk om hul deel vir die toekomstige leiers van die land te doen.
OOCT het, in samewerking met Support Ulm e.V., meer as 1 600 handboeke en onderwysergidse aangeskaf, wat onder verskeie skole in die Otjozondjupa-, Ohangwena-, Oshana- en Khomasstreek versprei sal word.
Kommentaar
Republikein
Geen kommentaar is op hierdie artikel gelaat nie