Harley-groep samel geld in vir Mariana

Die Harley-eienaarsgroep van Namibië het tydens die Glück-Auf-saamtrek op Tsumeb ''n spesiale veiling ten bate van Mariana Grobler gehou. Mariana is huidig in Amerika waar sy twee groot operasies sal ondergaan om haar sig te herstel. Sy is op 19 Februarie vanjaar met ’n rare siekte gebore wat as “wit kornea” bekend staan. Tydens die veiling is N$25 000 ingesamel wat aan die Okanti-stigting oorhandig is en vir Mariana se mediese uitgawe gebruik sal word.