Heckmair-verhoor weer vertraag
Een van die moordbeskuldigdes se regsverteenwoordiger het meer tyd versoek om vir die saak voor te berei.
Stefan Noechel – Die moordverhoor van die Amerikaanse beskuldigdes mnre. Marcus Thomas en Kevan Townsend, wat na bewering vir mnr. André Heckmair in 2011 in Windhoek op kort afstand doodgeskiet het, se verhoor was geskeduleer om Dinsdag in die Windhoek-hoërhof voort te duur.
Me. Lilian Mbaeva is deur die direktoraat van regshulp op 23 Maart as Thomas se regsverteenwoordiger aangewys en hoofregter Christie Liebenberg het gelas dat sy tot 13 April tyd gehad het om deur die hofdokumente te werk.
Mbaeva het egter meer tyd versoek om voor te berei en gesê in haar huidige posisie “is sy nie daartoe in staat om professionele advies aan haar kliënt te verskaf nie".
Sy het gesê daar is steeds hofdokumente soos lêers met bewyse waartoe sy nie toegang het nie. Sy het ook gesê dat sy nie al die dokumente van Thomas se vorige regsverteenwoordiger, mnr. Braam Cupido, ontvang het nie. Cupido het weens ’n vertrouensbreuk met sy kliënt onttrek.
Boonop beweer Mbaeva, sy kon slegs twee keer by die detensiesentrum met Thomas vergader om met hom te konsulteer.
Adjunk-aanklaer-generaal Antonia Verhoef het gesê 21 staatsgetuies is reeds in die verhoor ondervra en slegs hul verklarings is altesaam 1 200 bladsye.
Liebenberg het aangedui dit is ’n tendens vir kliënte om van regsverteenwoordigers te wissel en herhaaldelik die verhoor te vertraag, net om weer daarna van regsverteenwoordigers te verander.
Mbaeva het die regter verseker al wat sy nodig het, is die lêer met bewyse waarna sy deeglik kan voorberei vir die verhoor om in Julie voort te gaan
Liebenberg het die saak tot 5 Julie uitgestel.
– [email protected]
FOTO
Me. Lilian Mbaeva is deur die direktoraat van regshulp op 23 Maart as mnr. Marcus Thomas se regsverteenwoordiger aangewys. Foto Stefan Noechel, AZ
Me. Lilian Mbaeva is deur die direktoraat van regshulp op 23 Maart as Thomas se regsverteenwoordiger aangewys en hoofregter Christie Liebenberg het gelas dat sy tot 13 April tyd gehad het om deur die hofdokumente te werk.
Mbaeva het egter meer tyd versoek om voor te berei en gesê in haar huidige posisie “is sy nie daartoe in staat om professionele advies aan haar kliënt te verskaf nie".
Sy het gesê daar is steeds hofdokumente soos lêers met bewyse waartoe sy nie toegang het nie. Sy het ook gesê dat sy nie al die dokumente van Thomas se vorige regsverteenwoordiger, mnr. Braam Cupido, ontvang het nie. Cupido het weens ’n vertrouensbreuk met sy kliënt onttrek.
Boonop beweer Mbaeva, sy kon slegs twee keer by die detensiesentrum met Thomas vergader om met hom te konsulteer.
Adjunk-aanklaer-generaal Antonia Verhoef het gesê 21 staatsgetuies is reeds in die verhoor ondervra en slegs hul verklarings is altesaam 1 200 bladsye.
Liebenberg het aangedui dit is ’n tendens vir kliënte om van regsverteenwoordigers te wissel en herhaaldelik die verhoor te vertraag, net om weer daarna van regsverteenwoordigers te verander.
Mbaeva het die regter verseker al wat sy nodig het, is die lêer met bewyse waarna sy deeglik kan voorberei vir die verhoor om in Julie voort te gaan
Liebenberg het die saak tot 5 Julie uitgestel.
– [email protected]
FOTO
Me. Lilian Mbaeva is deur die direktoraat van regshulp op 23 Maart as mnr. Marcus Thomas se regsverteenwoordiger aangewys. Foto Stefan Noechel, AZ
Kommentaar
Republikein
Geen kommentaar is op hierdie artikel gelaat nie