Histerie breek in Malawi uit oor vampiere-vrees

In die suide van Malawi is die inwoners só bang vir vampiere dat minstens vyf mense sedert September vermoor is omdat hulle vermoedelik vampiere was, berig die Nederlandse dagblad De Volkskrant.Die Verenigde Nasies het Maandag personeel uit die Phalombe- en Mulanje-distrikte onttrek nadat skares mense op vermeende vampiere toegeslaan het.“Dié distrikte word ernstig geraak deur gerugte oor bloedsuiers en die moontlike bestaan van vampiere,” lui ’n VN-veiligheidsverslag, volgens Reuters.Volgens die verslag het die gerugte in die naburige Mosambiek ontstaan en na Malawi, een van die armste lande ter wêreld versprei. Nou heers massahisterie.In die verslag word gemeld skares mense hou padblokkades in hul soektog na vampiere.Peter Mutharika, Malawi se president, sê die verslae oor die jag op vampiere is onstellend.Die BBC berig dat die regering van Malawi ’n aandklokreël ingestel het om nog sterftes te voorkom.Vampirisme is nie die enigste mite waarmee inwoners van Malawi op hol is nie.Na ’n vlaag aanvalle teen mense met albinisme in 2016 het Ikponwosa Ero, ’n menseregtekenner van die VN, gewaarsku dat mense met albinisme in Malawi stelselmatig uitgewis kan word indien daar nie opgetree word nie.“Dit is kommerwekkend dat geloof in en toepassing van toordery algemeen in Malawi voorkom, hoewel die onderwerp taboe is. Daar word spesifiek jag gemaak op mense met albinisme sodat hul liggaamsdele in rituele gebruik kan word.“Talle mense glo, verkeerdelik, dat mense met albinisme nie mense is nie, maar spoke of ’n subspesie en dat hulle nie kan sterf nie, maar slegs kan verdwyn,” sê sy. – Netwerk24

Histerie breek in Malawi uit oor vampiere-vrees

Kommentaar

Republikein 2025-02-24

Meld asseblief aan om kommentaar te lewer

Histerie breek in Malawi uit oor vampiere-vrees

Kommentaar

Republikein 2025-02-24

Meld asseblief aan om kommentaar te lewer

MELD AAN

Advertensie