Hoe en wanneer om spoorminerale toe te dien

Dr. Martin Ferreira, Veearts - U sal onthou dat ons verlede maand gekyk het waarom dit belangrik vir boere is om spoorminerale toe te dien en hoe dit tot 'n beter opbrengs kan bydra. Vandeesmaand fokus ons op spesifieke aanbevelings.
Wanneer die spoormineraalaanvullings gedoen word, is dit noodsaaklik om ook die vitamien A en E aan te vul omdat hierdie twee vitamiene, selenium en sink 'n sinergistiese werking het wat beter resultate lewer en bydra tot beter waarde vir geld.
My aanbevelings vir die aanvulling van die spoormineraalvlakke deur middel van 'n inspuitbare produk soos Multimin volgens die hoogste fisiologiese behoefte van die skaap is as volg:
4 weke voor die aanvang van die paarseisoen:
-Bevorder eiselontwikkeling en verbeter die ovulasieproses.
-Vul reserwes aan vir gesonde ligaamsfunksie en instandhouding van kondisie.
-Sorg vir verhoogde cholesterolproduksie en dus verbeterde bronstigheid.
4 weke voor die lamseisoen:
-Vul reserwes aan vir goeie biesvorming.
-Goeie bies verhoog die beskerming van die lam teen siektes.
-Verhoog die voedingsgedeelte wat die ooi na die lam stuur via die baarmoeder en die bies.
-Gesonder en sterker lammers word gebore.
-Lampersentasie verbeter.
-Spoormineraalvlakke van die lam verhoog om te sorg vir die volgende drie maande.
-Beperk die stres van lamming op die ooi.
-Verhoed dat reserwes te laag daal wat nodig is vir die voorbereiding van die volgende dragtigheid.
4 weke na die lamseisoen:
-Aanvulling van die ooi se reserwes wat uitgeput is ná die lamproses.
-Voorbereiding vir die volgende ovulasie en konsepsie.
4 weke voor die aanvang van die jaarlikse entingsprogram:
-Lei tot verbeterde reaksie en beskerming op die entings teen byvoorbeeld bloednier, bloutong ensovoorts.


Lammers tydens speen:
-Vul die reserwes van die lam aan wat hy by die ooi ontvang het.
-Lam begin nou eers sy eie spoorminerale vanaf die voeding inneem.
-Verlaag die stres van speen en vervoer.
-Verbeterde uitgroei van vervangingsooitjies en beter bemarkingsgewig met speenlamproduksie.


6-8 weke voor die dekseisoen by ramme begin:
-Verhoog die spoorminerale wat noodsaaklik is vir die semenontwikkeling.
-Sorg vir verhoogde cholesterolproduksie wat weer tot goeie testosteroonproduksie lei.
-Skep verhoogde deklus en dekfrekwensie.
-Sorg vir verhoogde konsepsiesyfers.
Wanneer inspuitbare spoormineraalaanvullings gedoen word, is dit noodsaaklik dat die boer die hoeveelhede van die minerale wat volgens die skape se gewig toegedien word, tussen die beskikbare produkte op die mark sal vergelyk om die beste waarde vir geld te kry. Hoewel die hoeveelheid spoorminerale wat ingespuit word, belangrik is, is dit ook belangrik dat die verhouding van die spoorminerale wat gespuit word, reg is anders is die waarde daarvan vir die dier ook beperk. Met die aanvulling moet die sink die meeste wees gevolg deur koper, mangaan en selenium.


Ter opsomming kan die effek van sub-optimale spoormineraalvlakke so saamgevat word


Sit grafiek in


Uit bogenoemde grafiek is dit dus duidelik dat die ekonomiese verliese as gevolg van sub-optimale spoormineraalvlakke geweldig is, sonder om noodwendig in kliniese simptome te manifesteer.