Honde wys hul slag op Rehoboth
Namibian Show Pits (NSP) het hul tweede skou vanjaar op 2 April by die Laerskool St. Joseph op Rehoboth aangebied, waar Amerikaanse veghonde deelgeneem het.
Die beste teef op die skou was Paris en die beste reun Hitler, albei van mnr. Shervin Paulse van Walvisbaai.
“Ons is baie tevrede met die goeie opkoms van honde sowel as toeskouers. Mense van so ver as Tsumeb, Otjiwarongo en Walvisbaai het dit bygewoon,” lui ’n verklaring van NSP.
Daar was vier afdelings waarin die honde teen mekaar en volgens ouderdomsgroepe deelgeneem het, naamlik “high jump”, “long hang”, “conformation” en “weight pull”.
NSP is in Januarie deur mnre. Shervin Paulse, Tommy-lee McNab en Re-Marquon Pallais gestig. “Ons hoofdoel is om die publiek op te voed, om Amerikaanse veghonde ’n beter naam te gee. Mense verbind die honderas met hondegevegte en dit is nie waarom ons Amerikaanse veghonde aanhou nie,” aldus NSP.
“Amerikaanse veghonde is baie toegewyde en lojale honde, met deursettingsvermoë en die wil om voort te gaan met opleiding in die sport. Elke hond het sy/haar eie karakter en persoonlikheid, en dit maak hul uniek om by ’n persoon se behoeftes te pas.”
NSP nooi die publiek om dié honde te kom ontmoet tydens die skoue. NSP se eerste skou was op 27 Februarie op Walvisbaai en die tweede skou op Rehoboth. Die volgende skou sal in Windhoek plaasvind.
“Die skou op Rehoboth sou nie moontlik gewees het sonder die ondersteuning van die publiek nie. Baie dankie aan Repies Car Wash, Repies Driving School, Capricorn FM, I-Logistics, Norbert van Norbert’s Watch Repairs & Jewelry, Verena van Waltons Namibia, Retha Botha van Namib Mills en Thersia Grobler van Kaap Agri vir jul bydrae.” ’n Spesiale woord van dank word ook teenoor Christiane Hass uitgespreek.
Mnr. Anthony Jarman het die honde beoordeel en die hoofborg van die dag was Hill’s Namibia. Die honde het elk ’n medalje, sertifikaat en ’n Hill’s-produk ontvang.
Verdere navrae kan aan Shervin by 081 647 9780, Tommy by 081 834 7957 of Lizle by 081 242 3099 gerig word.
Die beste teef op die skou was Paris en die beste reun Hitler, albei van mnr. Shervin Paulse van Walvisbaai.
“Ons is baie tevrede met die goeie opkoms van honde sowel as toeskouers. Mense van so ver as Tsumeb, Otjiwarongo en Walvisbaai het dit bygewoon,” lui ’n verklaring van NSP.
Daar was vier afdelings waarin die honde teen mekaar en volgens ouderdomsgroepe deelgeneem het, naamlik “high jump”, “long hang”, “conformation” en “weight pull”.
NSP is in Januarie deur mnre. Shervin Paulse, Tommy-lee McNab en Re-Marquon Pallais gestig. “Ons hoofdoel is om die publiek op te voed, om Amerikaanse veghonde ’n beter naam te gee. Mense verbind die honderas met hondegevegte en dit is nie waarom ons Amerikaanse veghonde aanhou nie,” aldus NSP.
“Amerikaanse veghonde is baie toegewyde en lojale honde, met deursettingsvermoë en die wil om voort te gaan met opleiding in die sport. Elke hond het sy/haar eie karakter en persoonlikheid, en dit maak hul uniek om by ’n persoon se behoeftes te pas.”
NSP nooi die publiek om dié honde te kom ontmoet tydens die skoue. NSP se eerste skou was op 27 Februarie op Walvisbaai en die tweede skou op Rehoboth. Die volgende skou sal in Windhoek plaasvind.
“Die skou op Rehoboth sou nie moontlik gewees het sonder die ondersteuning van die publiek nie. Baie dankie aan Repies Car Wash, Repies Driving School, Capricorn FM, I-Logistics, Norbert van Norbert’s Watch Repairs & Jewelry, Verena van Waltons Namibia, Retha Botha van Namib Mills en Thersia Grobler van Kaap Agri vir jul bydrae.” ’n Spesiale woord van dank word ook teenoor Christiane Hass uitgespreek.
Mnr. Anthony Jarman het die honde beoordeel en die hoofborg van die dag was Hill’s Namibia. Die honde het elk ’n medalje, sertifikaat en ’n Hill’s-produk ontvang.
Verdere navrae kan aan Shervin by 081 647 9780, Tommy by 081 834 7957 of Lizle by 081 242 3099 gerig word.
Kommentaar
Republikein
Geen kommentaar is op hierdie artikel gelaat nie