Hoër onderwys: Instellings kan nie draadsitters wees

Tuyeimo Haidula – Die minister van hoër onderwys, tegnologie en vernuwing, dr. Itah Kandjii-Murangi, het gesê instellings vir hoër onderwys moet tegemoetkomend teenoor verlede jaar se graad 11's wees en nie optree asof die regeringsinstellings hul privaat eiendom is nie.Kandjii-Murangi het Maandag met Republikein se susterkoerant, Namibian Sun, gesels tydens haar besoek aan instellings om te sien hoe kampusse en sentrums die Covid-19-pandemie hanteer, die uitdagings wat hulle in die gesig staar en hoe die regering in dié verband steun kan bied.Die minister het gesê dit is ononderhandelbaar en dat universiteite sowel as beroepsopleidingsentrums wat deur die regering besit word, geen ander keuse het as om graad 11-leerlinge in te neem soos tydens die onderwyskonferensie in 2011 ooreengekom is nie.Sy sê as graad 11-leerlinge nie tot hoëronderwysinstellings toegelaat word nie en ook nie hul graad mag herhaal nie, sal hul heel waarskynlik op straat beland.“Openbare instellings kan nie draadsitters wees nie. Nie hierdie keer nie. Ons het almal se samewerking nodig. Ons moet hierdie stelsel vervolmaak. “My pleidooi is dat ons die graad 11's tegemoetkom en aktiewe deelnemers moet wees in die monitering, evaluering en beoordeling van hierdie hervorming en vir die regering terugvoer daaroor gee,” het Kandjii-Murangi beklemtoon.Die minister het gesê dit is onwaar dat instansies nie geraadpleeg is nie. “Geen besluite in die land se onderwyshervorming word geneem sonder dat alle belanghebbers betrek word nie.”Kandjii-Murangi het gesê dit is betreurenswaardig dat diegene wat deel van die onderhandelingsproses was nou wil voorgee asof hulle nie geraadpleeg is nie.“Ons het net een onderwysstelsel. Daar is geen manier waarop 'n groot hervorming soos dié wat die ministerie van basiese onderwys nou onderneem, sonder die betrokkenheid van al die hoër vlakke kon geskied nie,” het sy gesê.Kandjii-Murangi sê indien enige tersiêre instelling besluit om nie graad 11's te aanvaar nie, sal hulle slegs toeskouers wees as dit kom by insette van nasionale belang en kan die kans misloop om insette te lewer as die hervorming verbeter moet word.'PAS DIE BESLUIT TOE'“Sommige mense by Nust (Universiteit van Wetenskap en Tegnologie) of Unam (Universiteit van Namibië) het miskien nie daardie posisies beklee nie, maar as verantwoordelike instellings moet ons die besluite beoordeel wat ons voorgangers geneem het. Ons kan nie toegee nie. “Ek staan aan die stuur van hierdie ministerie en dit is nie mý ministerie nie. Ek is aangestel om te verseker ek voldoen aan die behoeftes van Namibiërs in die sektor van hoër onderwys. “Ek kan nie dinge wat reeds geïmplementeer is, kom verander nie. Hulle moet dus maniere vind om dié leerlinge te akkommodeer,” het sy gesê.Prof. Kenneth Matengu, visekanselier van Unam, het onlangs die standpunt van die universiteit ten opsigte van toelating van graad 11-leerlinge verduidelik dat die Namibiese Senior Sekondêre Sertifikaat Standaard-vlak vir graad 11 'n vlak 3-kwalifikasie is en vir graad 12's is die Namibië Senior Sekondêre Sertifikaat-gevorderde vlak (NSSC-AS) op vlak 4, terwyl Unam se toelatingsvereiste vlak 5 is.Matengu het gesê die Universiteit is nie in staat om vlak 3-kwalifikasies te akkommodeer nie. Die universiteit het slegs plek vir 5 000 tot 7 000 nuwe studente en het meer as 21 000 aansoeke vir hierdie akademiese jaar ontvang.- tuyeimo@namibiansun.com

Hoër onderwys: Instellings kan nie draadsitters wees

Kommentaar

Republikein 2025-04-24

Meld asseblief aan om kommentaar te lewer

Hoër onderwys: Instellings kan nie draadsitters wees

Kommentaar

Republikein 2025-04-24

Meld asseblief aan om kommentaar te lewer

MELD AAN

Advertensie