Houtskool-kullery: Maak só dood seker
Die NCA-kantoor asook die direktoraat van bosbou kan help om vas te stel of kopers en produksente geloofwaardig en kredietwaardig is.
Hoofredaksie
Lede van die Namibië Houtskoolvereniging (NCA) kan by hul kantoor aanklop as hulle twyfel of kopers of produsente eg is.
Dit volg ná 'n vermeende sindikaat in die hout- en houtskoolbedryf beide produsente en kopers reeds uit miljoene gekul het deur met partye se deposito's of vragte te verdwyn en selfs glo amptelike dokumentasie vervals.
Mnr. Michael Degé, bestuurder van die NCA, sê hulle het reeds produsente en kopers teen die vermeende houtskoolsindikaat, waarvan ene Silvester Haodom van Outjo na bewering die meesterbrein is, gewaarsku.
Hy sê die NCA-kantoor kan gekontak word om te help om navorsing oor produsente of voornemende kopers se agtergrond te doen. “Moenie sake met iemand doen voor jy nie na sy agtergrond en kredietwaardigheid gekyk het nie,” het Degé gewaarsku.
Hy het produsente en kopers in die bedryf gemaan om waaksaam te wees en nie net vir die eerste, beste aanbod te val nie.
Oor kritiek dat die vereniging glo nie genoeg teen die vermeende skelms in die bedryf doen nie, sê Degé dat hulle die direktoraat van bosbou reeds oor die bedrog in die bedryf ingelig het.
“Ons is egter nie wetstoepassers nie en kan nie korrupsiesake ondersoek nie, dit is nie 'n vereniging se mandaat nie. Die land beskik oor teenkorrupsie-eenhede,” het hy gesê. Dit volg ná talle produsente en kopers van hout en houtskool aan Republikein vertel het hulle is die afgelope tyd deur 'n sindikaat ingeloop.
Die sindikaat speel dikwels die rol van 'n makelaar of koppelaar, wat die koper se deposito neem en die Namibiese boer bedrieg.
As hulle Suid-Afrikaners inloop, stuur hulle foto's van die lorrie wat glo klaar gelaai is en maak seker die registrasiemerk wys nie. Dan betaal die koper die deposito en die sindikaat verdwyn met die geld. Soms doen hulle hul as die eienaar van 'n produsent se vrag voor en vervals dan ook oes- en uitvoerpermitte.
Die sindikaatlede gebruik verskillende name en verskillende bankrekenings. Sodra geld in die rekening inbetaal word, word dit bykans onmiddellik na 'n klomp selfoonnommers gestuur deur e-wallet. Navrae oor die egtheid van permitte kan ook by die verskeie kantore van die direktoraat van bosbou gedoen word.
– [email protected]
Lede van die Namibië Houtskoolvereniging (NCA) kan by hul kantoor aanklop as hulle twyfel of kopers of produsente eg is.
Dit volg ná 'n vermeende sindikaat in die hout- en houtskoolbedryf beide produsente en kopers reeds uit miljoene gekul het deur met partye se deposito's of vragte te verdwyn en selfs glo amptelike dokumentasie vervals.
Mnr. Michael Degé, bestuurder van die NCA, sê hulle het reeds produsente en kopers teen die vermeende houtskoolsindikaat, waarvan ene Silvester Haodom van Outjo na bewering die meesterbrein is, gewaarsku.
Hy sê die NCA-kantoor kan gekontak word om te help om navorsing oor produsente of voornemende kopers se agtergrond te doen. “Moenie sake met iemand doen voor jy nie na sy agtergrond en kredietwaardigheid gekyk het nie,” het Degé gewaarsku.
Hy het produsente en kopers in die bedryf gemaan om waaksaam te wees en nie net vir die eerste, beste aanbod te val nie.
Oor kritiek dat die vereniging glo nie genoeg teen die vermeende skelms in die bedryf doen nie, sê Degé dat hulle die direktoraat van bosbou reeds oor die bedrog in die bedryf ingelig het.
“Ons is egter nie wetstoepassers nie en kan nie korrupsiesake ondersoek nie, dit is nie 'n vereniging se mandaat nie. Die land beskik oor teenkorrupsie-eenhede,” het hy gesê. Dit volg ná talle produsente en kopers van hout en houtskool aan Republikein vertel het hulle is die afgelope tyd deur 'n sindikaat ingeloop.
Die sindikaat speel dikwels die rol van 'n makelaar of koppelaar, wat die koper se deposito neem en die Namibiese boer bedrieg.
As hulle Suid-Afrikaners inloop, stuur hulle foto's van die lorrie wat glo klaar gelaai is en maak seker die registrasiemerk wys nie. Dan betaal die koper die deposito en die sindikaat verdwyn met die geld. Soms doen hulle hul as die eienaar van 'n produsent se vrag voor en vervals dan ook oes- en uitvoerpermitte.
Die sindikaatlede gebruik verskillende name en verskillende bankrekenings. Sodra geld in die rekening inbetaal word, word dit bykans onmiddellik na 'n klomp selfoonnommers gestuur deur e-wallet. Navrae oor die egtheid van permitte kan ook by die verskeie kantore van die direktoraat van bosbou gedoen word.
– [email protected]
Kommentaar
Republikein
Geen kommentaar is op hierdie artikel gelaat nie